«Երևանի կենտրոնական փողոցների մեծ մասից պետք է հանել արագաչափերն ու տեսախցիկները». «Փաստ»

«Փաստ» օրաթերթը գրում է.

«Քայլ արա» շարժման առաջին իսկ օրե­ րից ՀՀ ներկայիս վարչապետ Նիկոլ Փաշինյանը բազմիցս ս է խոսել երթևեկությանը վերաբերող խնդիրների մասին: Նա տարբեր հարթակներում ընդգծում էր, որ արագաչափերի հարցը պետք է լուծվի, տուգանքների չափերը պետք է նվազեցվեն, քանի որ դա ոչ թե երթևեկության կանոնները կամ անվտանգությունն ապահովելու, այլ ժողովրդին թալանելու միջջոց է: «Վարորդի ընկեր» իրավապաշտպան հասարակական կազմակերպության նախագահ Տիգրան Քեյանի հետ զրույցում փորձեցինք պարզել լ, որպես մասնագիտացված կառույց, կազմակերպությունը պատրաստվո՞ւմ է արդյոք առաջարկներ ներկայացնել վարչապետ Նիկոլ Փաշինյանին: «Արդեն այդ ուղղությամբ ենք աշխատում: Նման առաջարկություններ նաև նախկին ղեկավարներին ենք ներկայացրել, իսկ հիմա ավելի ընդգրկուն փաթեթ ենք պատրաստում: : Այնտեղ կլինեն ոչ միայն արագաչա­ փերի, այլև տեսախցիկների, տուգանքների համաչափության և երթևեկության կարգավորմանը վերաբերող բոլոր հարցերն ու առաջարկները»,–«Փաստ»–ի հետ զրույցում ասաց Տիգրան Քեյանը:Նա շեշտեց, որ քաղաքացիներն իրենց են ներկայացնում երթևեկությանը վերաբերող այն խնդիրները, որոնց հետ առնչվել են. «Այդ խնդիրների մեջ միայն արագաչափերը չեն: Շատ հարցեր կան թե՛ ճանապարհների վիճակի, թե՛ ճանապարհային նշանների վերաբերյալ: Արագաչափերի տեղադրման առումով ևս հարցեր կան: Քաղաքի կենտրոնի շատ հատվածներում արագաչափերի տեղադրումն անիմաստ է: Մենք նույնպես հասկանում ենք, որ դա զուտ գումարներ հավաքելու միջոց է եղել, և ոչ թե կարգավորել է երթևեկությունը: Ոստիկանության պաշտոնական վիճակագրությունը դիտարկելով տեսնում ենք, որ մահացու ելքով վթարների, ինչպես նաև վիրավորների թվի առումով որևէ էական փոփոխություն չկա: Կարող է, իհարկե, որևէ ամսում տոկոսային առումով դրական փոփոխություն գրանցված լինի, բայց, ընդհանուր առմամբ, տարեկան կտրվածքով ահռելի տեղաշարժ մենք չենք նկատում: Իսկ եթե մեծ փոփոխություն չես նկատում, ըստ էության, հարցը չի կարգավորվել: Հարցին, թե կա՞ ուսումնասիրություն՝ քանի տեսախցիկ և արագաչափ պետք է հանել, ՀԿ նախագահը պատասխանեց. «Երևանի կենտրոնական փողոցների մեծ մասը պետք է ազատվի արագաչափերից ու տեսախցիկներից: Մարզերում կան հատվածներ, որտեղ բնակավայրի վերաբերյալ ճանապարհային նշանն է տեղադրված: Այդ հատվածներում նաև արագաչափ սարք կա, թեպետ բնակավայրը տվյալ ճանապարհահատվածից ահռելի հեռավորության վրա է գտնվում: Այդ հատվածներում բնակչության հոսք, հետիոտն գրեթե չկա: Տվյալ հատվածներում ևս արագաչափերն անիմաստ են, դրանք ավելի շուտ ծուղակ են վարորդների համար: Բացի այդ, ներկայացնելու ենք մի առաջարկ, ըստ որի՝ արագաչափերը պետք է որոշակի ժամերի աշխատեն: Օրինակկ՝ ակտիվ աշխատեն գիշերային ժամե­ րին, որովհետև խիտ և ծանրաբեռնված երթևեկության ժամանակ գրեթե անիմաստ է աշխատանքը: Խիտ երթևեկության ժամանակ գրեթե անհնար է տվյալ հատվածներում արագ երթևեկելը»: Ինչ վերաբերում է տուգանքների չափերին վերաբերող առաջարկներին՝ Տ. Քեյանը նախ նշեց, որ հարցը դեռ պետք է քննարկեն, բայց նաև ընդգծեց՝ վարորդների համար ավելի շատ խրախուսական կետեր պետք է նախատեսվեն: «Օրինակ՝ եթե վարորդը մեկ տարվա մեջ չունի արագաչափ սարքի կամ ՃՈ տեսուչի կողմից արձանագրված խախտում ու տուգանք, ապա նրան կարելի է լրացուցիչ արտոնություն տալ: Օրինակ՝ ԱՊՊԱ լրացուցիչ բոնուսը, քանի որ պահպանում է երթևեկու­ թյան կանոնները: Այդ միջոցով նա շահագչգռված կլինի ի՝ արագությունը չի գերազանցի, մեքենան էլ ավելի մատչելի գներով կապահովագրի: Նման խրախոսական մեխանիզմներ են պետք: Իսկ պատժիչ միջոցներով մենք ոչնչի չենք հասնի»,–ընդգծեց մեր զրուցակիցը:Տիգրան Քեյանը հայտնեց, որ մոտ օրերս կվերջացնեն փաթեթին առնչվող աշխատանքները: «Միանշանակ, վարչապետի հետ հանդիպում ենք ակնկալում Յուրաքանչյուր հարց պատրաստ ենք քննարկել թե՛ վարչապետի, թե՛ համապատասխան կառույցների ներկայացուցիչների հետ: Բայց հաշվի առնելով ներկա իրավիճակը, գիտենք, որ նորընտիր վարչապետը շատ այլ գլոբալ հարցեր ունի լուծելու: Ըստ իս՝ առաջիկայում հանդիպում չի լինի՝ ավելի մեծ հարցեր ու խնդիրներ կան, որոնք պետք է լուծի»,–եզրափակեց նա՝ հավաստիացնելով, որ հետագա անելիքների մասին ևս կտեղեկացնեն:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»