Լուսիկ Ագուլեցի. «Ամեն մարդ չէ, որ կարող է թագավոր լինել». «Փաստ»
«Փաստ» օրաթերթը գրում է.
«Փաստի» հյուրն է նկարչուհի, ազգագրագետ Լուսիկ Ագուլեցին (Սամվելյան)
– Երբեմն մտածում եմ՝ ինչ լավ է, որ ես նկարիչ եմ ծնվել: Մենք ազատ ենք մեր որակի, մեր տեսակի մեջ, բայց քաղաքական գործիչը պատասխանատու է և՛ ուրիշի, և՛ իր, և՛ իր ընտանիքի, և՛ իր անունի համար: Բայց ոչ բոլորն են կարողանում արդարացնել իրենց: Այդ աթոռը գրավելը մեծ պարտականություն է: Եթե իրենք ձգտում են այդ աթոռը վերցնելու՝ իրենք ստիպված են մտնել լուծի տակ: Ազգագրական նյութերով դա մի երևույթ է, երբ, օրինակ՝ գնում են Երուսաղեմը կառուցելու, իսկ այն կառուցելու համար պիտի գնային գերան բերեին, այդ գերանը դնեին քաղաքի մեջ՝ պետական հիմքը կանգնեցնելու համար: Հիմա այն գերանը, որ պետք է բերվի Հայաստան, դրա համար պետք է լուծի տակ մտնել: Գիտենք, որ աշխարհի ամենաուժեղ կենդանիները ձին ու եզն են՝ հիմա այդ ձին և եզը դառնալը շատ դժվար է: Ինչի՞ համար երեք մոգերը գնացին Հիսուսի մոտ, որպեսզի բերեին այդ գերանը, որպեսզի կարողանային Երուսաղեմը կառուցել, այսինքն՝ նոր կյանք սկսել:
– Հայաստանում այդ «գերանը» ո՞ւմ ձեռքերում է:
– Դրա ետևից պետք է գնա մի ամբողջ խումբ: Նայած, թե այդ խումբը ինչպես կկազմավորվի, ինչ իդեալներ կունենա և ինչպիսի մտածելակերպ, ինչպես նա կաշխատի, ինչպիսի պայմաններ կստեղծի դա անելու համար: Իսկ պետության մեջ պետք է այնպես աշխատել, ստեղծագործել, արարել, պետք է այնպես անել, որ ժողովուրդը փոքր–ինչ միջին վիճակով ապրի և ոչ թե շատ հարուստներ ու շատ աղքատներ լինեն: Հարուստները վատ են նրա համար, որ կողքին աղքատն է ապրում, աղքատն էլ վատ է նրա համար, թե ինչու նա հարուստ է, իսկ ես՝ աղքատ: Այդ բալանսը որոշ չափով պիտի պահպանվի. դա մեր երկրի ամենակարևոր նպատակը պիտի լինի:
– Արդյո՞ք հնարավոր է այդ բալանսին հասնել մեր պարագայում:
– Դե, եթե չլինեինք պատերազմական վիճակի մեջ, այո: Շատ դժվար է սահման պահելը, շատ դժվար է հարևան պետությունների հետ լեզու գտնելը, շատ դժվար է այդ խաղաղությունը պահելը: Ասենք՝ սահմանի վրա պատերազմ է, դու թիկունքում քեզ համար արարում ես, ստեղծագործում, արվեստներ ու արհեստներ են զարգացնում, շինարարություն ծավալում:
– Բայց այդ ամենն էլ չի՞ նպաստի, որ երկիրը զարգանա, տնտեսապես իրավիճակը բարելավվի, բանակը հզորացվի ու սահմանին խնդիրներ այլևս չլինեն:
– Բայց այդ ամենն էլ չի՞ նպաստի, որ երկիրը զարգանա, տնտեսապես իրավիճակը բարելավվի, բանակը հզորացվի ու սահմանին խնդիրներ այլևս չլինեն:
– Այ դա արդեն կապված է, թե ինչ գերան են բերում երկիր: 3–4 ամիս է խոսում ենք ընտրություններից, այդ ընտրությունները հենց այն ճանապարհն են, այստեղ պետք է ընտրվեն, թե ովքեր են բերում այդ գերանը: Այսինքն՝ գերանի ետևից կով է գնում, թե՝ եզ: Եզը ուժեղ է, բեռը քաշող, ձին էլ՝ գեղեցկությունը: Հիմա այդ երկու կենդանիները պիտի գնան գերանը բերեն: Եվ թե ինչպիսի գերան կբերեն՝ կախված է այդ ընտրովիներից, ում կընտրեն: Յուրաքանչյուր քաղաքական գործիչ ուզում է այդ գերանի մասնիկը լինել, պայքարը դրա համար է գնում: Այն, որ մեկը մյուսի հետ միացավ, մեկը մյուսից բաժանվեց՝ այդ ամբողջը խաղեր են: Հիմա յուրաքանչյուրը իր մասնակցությունն է ցույց տալիս, որպեսզի վերջում գնա այդ գերանը բերի: Արդյունքում այդ գերանը ինչպես կբերեն, ում միջոցով, ովքեր կբերեն և ինչպես կկառուցեն, դա արդեն ոչ ոք չգիտի:
– Լավատե՞ս եք, որ այդ գաղափարական գերանը կգա ու Հայաստանում իրավիճակ կփոխվի:
– Ես այնքան հավատացած եմ, որ մենք արարող ազգ ենք: Եթե դուք մեզ համեմատեք մյուս պետությունների հետ, մենք ո՛չ եգիպտացիներից ենք պակաս, ո՛չ չինացիներից, ո՛չ ռուսներից, ո՛չ էլ ֆրանսիացիներից: Մենք այնպիսի մարդիկ ունենք, որ աշխարհը զարմացնում են, զարմացրել են և կզարմացնեն: Մեր անհատը աշխարհ շուռ կտա:
– Այն մարդիկ, ովքեր պաշտոն են կորցրել և հիմա ընդդիմության մասն են կազմում, որքանո՞վ է նրանց գործելաոճը ճիշտ կամ բարոյական:
– Ես միայն մեկ բան կասեմ, եթե դու մեկ անգամ նստել ես այդ աթոռին և չես արդարացրել, անհարմար է որպես տղամարդ երկրորդ անգամ նույն բանին ձգտել: Պիտի տղամարդ լինել, որպեսզի երկրորդ անգամ այդ աթոռի աստիճաններով չբարձրանալ, անգամ առաջին քայլն էլ չպիտի դնել, որովհետև ժողովուրդը տեսնում է, հիմար չէ: Նույնիսկ երբ տեսնում ես, թե այդ մարդը ինչպես է իր ճանկերով բարձրանում, այն դեպքում, որ նա արդեն մեկ անգամ իջել է, երբ իր ժամանակն անցել է, և ինքը դուրս մնալով հանդերձ շարունակում է այդպիսի բաներ անել, դա պարզապես ցանկալի չէ: Դա նույնն է, թե միջակ նկարիչը ամեն կերպ փորձի պրոֆեսիոնալ նկարիչների հետ համեմատվել: Ամեն մարդ չի կարող քաղաքական գործիչ լինել: Նրա մեջ դրական որակների այնպիսի ցուցակ պիտի լինի. նա պետք է լինի մարդասեր, ընկերասեր, երկիրն ու հողը սիրող, սահմանն ու զինվորը սիրող: Այդքանը եթե նրա մեջ լինի, և նա կարողանա այդ ամենն ընկալել, նա կարող է լավ քաղաքական գործիչ լինել: Բայց դա ամեն մեկին տրված չէ, դա աստվածային է, նա պետք է իր երեսն ունենա: Ամեն մարդ չէ, որ կարող է թագավոր լինել:
Շարունակությունը` «Փաստ» օրաթերթի այսօրվա համարում:
Թշնամու դավադիր կրակոցը խլեց Լեոնիդ Ազգալդյանի կյանքը, բայց ոչ նրա գաղափարը․ Համահայկական ճակատ
«Ուժեղ Հայաստանի» պատգամավորի թեկնածու Աշոտ Եղիազարյանին ներկայացված մեղադրանքը հիշեցնում է ֆանտաստի...
Թեղուտի հանքի շուրջ մեծ գործարքի սպասումները. արևմտյան հեղինակների վարկածը
Փաշինյանը չկարողացավ ստանալ քվեների 50%-ը՝ բոլոր խախտումներով հանդերձ․ Ավետիք Չալաբյան
Հասարակությունը հաշտ չէ ստեղծված իրավիճակի հետ․ Ատոմ Մխիթարյան
Ընտրախախտումների շուրջ 30%֊ը եղել է վարչական ռեսուրսի կիրառման արդյունքում. Ատոմ Մխիթարյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
Ոչ մի սոցհարցում «Քաղաքացիական պայմանագրին» 49% չի տվել, այդպիսի վարկանիշ չեն ունեցել. Արեգ Սավգուլյ...
