Ձախ Հարութի պրոդյուսերը` նոր տեսահոլովակի և երգչի կյանքի մասին նկարահանվող գեղարվեստական ֆիլմի մասին
Life.panorama.am-ը գրում է.
Երեկ կայացավ Հանրային հեռուստաընկերության «Բացիր աչքերդ» նոր հեռուստասերիալի սաունդթրեքի տեսահոլովակի պրեմիերան, որ նկարահանվել է Հարութ Փամբուկչյանի՝ Ձախ Հարութի, «Իմ կյանքը» երգի հիման վրա:
Ձախ Հարութի երևանյան պրոդյուսեր Խաչիկ Եղոյանը Life.panorama.am-ին պատմեց, որ այս աշխատանքը կատարվել է շատ կարճ ժամկետներում և հանպատրաստից.
«Իսկզբանե նախատեսված էր այս երգի հիման վրա այլ տեսահոլովակ նկարահանել, մենք երկար ժամանակ «Իմ կյանքը» երգի համար տարբեր գաղափարներ ունեինք, սակայն ամեն ինչ եղավ ճիշտ հակառակը: Մենք առաջարկ ստացանք Հանրային հեռուստաընկերության «Բացիր աչքերդ» նախագծից, որպեսզի «Իմ կյանքը» դառնա նրանց սաունդթրեքը: Դրանից հետո, իմ մտահղացմամբ, որոշեցինք ֆիլմից ընտրել կադրեր և կառուցել տեսահոլովակը: Ի դեպ` Հարութն էլ իր կադրերը նկարահանվել է ԱՄՆ-ում, և կարճ ժամանակ անց հնարավոր եղավ միքսել տեսարաններն ու ստանալ ցանկալի արդյունք: Պետք է ասեմ, որ այս կարճ ժամանակում արդեն իսկ լավ կարծիքներ կան»,- նշեց նա:
«Իմ կյանքը» երգի երաժշտության հեղինակն է Նարեկ Դուրյանը, ով այս տպավորիչ երգը գրել է Համո Սահյանի համանուն բանաստեղծության հիման վրա: Թեև խոսքերը նկարագրում են բանաստեղծի ապրումները, սակայն մարդկանց մեջ ընդունված է համարել, որ երգը պատմում է հենց Ձախ Հարութի կյանքի մասին: Հարցին, թե առավել դիպուկ չէ՞ր լինի արդյոք, եթե տեսահոլովակի սյուժեն ևս երգչի կյանքի մասին պատմեր, պրոդյուսերը նշեց. «Մենք հենց այդպիսի մի բան էինք մտածում, բայց երևի այս երգի ճակատագիրն էլ այսպես էր նախատեսված: Երգը Հարութի կյանքի մասին չէ, բայց ճիշտ նկատեցիք` մարդիկ այդպես են ընկալում: Հիմա մեկ այլ մտադրություն ունենք, պատրաստվում ենք նրա կյանքի մասին գեղարվեստական ֆիլմ նկարահանել, ավելին ասեմ, արդեն իսկ որոշ նկարահանումներ կատարվել են` փորձի տեսքով: Այնպես որ, չի բացառվում, որ առաջիկայում մեծ անակնկալ մատուցենք Ձախ Հարութի երկրպագուներին: Ամեն դեպքում ուրախ եմ, որ «Իմ կյանքը» երգն արդեն ունի տեսահոլովակ, որտեղ ֆիլմին համապատասխան տարբեր սերունդների և, հատկապես, երեք տարեց մարդկանց կյանքն է ցուցադրվում. այստեղ հաստատ ամեն մեկն էլ իրեն կգտնի»:
Հարցին՝ Հարութ Փամբուկչյանը, ե՞րբ է պատրաստվում կրկին գալ Հայաստան, Եղոյանը պատասխանեց. «Հարութին գնալով ավելի շատ են սիրում, նրան հիմա ավելի հաճախ են հրավիրում հայրենիք` կորպորատիվ միջոցառումների մասնակցելու նպատակով: Փետրվարին Հարութը կրկին Հայաստանում կլինի, իսկ թե ինչ անակնկալներ ենք պատրաստել, հիմա չեմ ասի»:
Հեղինակ`Անուշիկ Մելքոնյան
Актриса Джульетта Степанян удостоена премии «Белый слон»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
