Բաքուն առաջ է քաշում հետաքննող մեխանիզմների տեղակայման պայմանը
«Փաստ» օրաթերթը գրում է.
Ադրբեջանը կհամաձայնի շփման գծում տեղակայել հետաքննող մեխանիզմներ, եթե դա դիտվի որպես հայկական զորքերի դուրսբերման գործընթացի մաս: «Ապա թե ոչ, ի՞նչ իմաստ ունի Ադրբեջանի ներսում ամրագրել որոշակի «սահմաններ», եթե Հայաստանը նույնիսկ չի մտածում զորքերի դուրսբերման մասին»,– օրերս հարց էր բարձրացրել ադրբեջանական մամուլը:
Փաստորեն ստացվում է, որ Ադրբեջանն ասում է` այո, մենք համաձայն ենք, բայց: Ու այդ բայցով առաջ քաշում հայկական կողմի համար անհնարին պայման: Բնական է, որ հայկական կողմը մերժելու է այն: Քանի դեռ բանակցային գործընթաց իրականում չկա, քանի դեռ բոլոր հարցերը պայմանավորված չեն, ի՞նչ զորքերի դուրսբերման մասին կարող է խոսք լինել: Բայց հենց դա էլ Ադրբեջանի ցանկությունն է` հայկական կողմը մերժում է, և իրենք ազատվում են պատասխանատվությունից` հիմա թող Երևանը մտածի: Իսկ պատասխանատվությունից ազատվելով նրանք կարող են քիչ թե շատ դիմակայել այն միջազգային ճնշմանը, որը գործադրվում է ադրբեջանական կողմի վրա` Վիեննայի ու Սանկտ–Պետերբուրգի համաձայնությունները կատարելու ուղղությամբ:
Շփման գծում վերջին ամիսների լարվածությունը, ադրբեջանական կողմից պարբերական դարձած դիվերսիոն գործողությունները, խոշոր տրամաչափի զենքի կիրառումը, արդյունքում` գրեթե ամեն օր դարձած մարդկային կորուստները միջազգային հանրությանը նորից հիշեցնում և ստիպում են ավելի հետևողական լինել վերը նշված համաձայնությունների իրականացումը կյանքի կոչելու հարցում:
Այս առումով միանգամայն օրինաչափ էին վերջին մի քանի օրերին Արևմուտքից եկող նախազգուշացումները: Հայաստանի և Ադրբեջանի արտգործնախարարների հետ հանդիպումից հետո ԵԱՀԿ գլխավոր քարտուղար Լամբերտո Զանիերը հայտարարել է, որ քննարկումը դրական է եղել, սակայն նշանակալի առաջընթաց չկա: «Համապատասխան պայմանների ստեղծման դեպքում մենք պատրաստ ենք գործարկել միջադեպերի հետաքննության մեխանիզմը: Բայց մենք չենք կարող կողմերի փոխարեն որոշում կայացնել»,– ասել է Զանիերը:
Նրան հաջորդեց արդեն ՄԱԿ–ի գլխավոր քարտուղար Անտոնիո Գուտերեշի ելույթը Անվտանգության խորհրդում: «Մենք լիովին աջակցում ենք ԵԱՀԿ Մինսկի խմբին և կողմերին կոչ ենք անում անել հնարավոր ամեն բան լարվածությունը թուլացնելու համար,– ասել է նա:
Վիեննայի ու Սանկտ–Պետերբուրգի համաձայնությունները լիովին կատարելու անհրաժեշտության մասին երկու օր առաջ հայտարարեց նաև ՌԴ արտգործնախարարը: Իսկ ավելի վաղ` այս ամսվա սկզբին Ֆրանսիայի նախագահ Օլանդն էր հայտարարել շփման գծում նման լարված վիճակի անհանդուրժելի լինելու մասին:
Փաստորեն, հայկական զորքերի դուրսբերման պայմանը առաջ քաշելով` Ադրբեջանը փորձում է վիժեցնել հետաքննությունների մեխանիզմի տեղակայումը: Սա այդ երկրի համար նորմալ երևույթ է: Վիեննայից ու Սանկտ–Պետերբուրգից հետո Ադրբեջանը նախ կտրուկ մերժել, հետո համաձայնել էր ԵԱՀԿ գործող նախագահի անձնական ներկայացուցչի թիմի ընդլայնմանը: Ընդ որում, առաջարկել էր դիտորդական առաքելության թիվն ավելացնել ընդամենը 7–ով: Ու էլի պայման առաջ քաշել` եկեք ավելացնենք 7 հոգով, սակայն նրանց չտեղակայենք շփման գծում, այլ նրանց ուղարկենք Բաքու, Երևան և Թբիլիսի, և հետո թող թույլտվություն հարցնեն Ադրբեջանից` գան, թե չգան: Հետո ինքն էլ վիժեցրել էր թեկուզ 7 մանդատի ավելացումը` վետո կիրառելով ԵԱՀԿ–ի հանձնաժողովների որոշումների նկատմամբ:
Թե Բաքվի այս խաղը դեռ որքան կձգձգվի, դժվար է ասել: Որ Արևմուտքն ու հայկական կողմը երկու ձեռքով կողմ են հետաքննող մեխանիզմների տեղակայմանը և դիտորդական առաքելության ընդլայնմանը, հաստատ է: Իսկ Ռուսաստանի դեպքում խնդիրը մի փոքր այլ է: Թեպետ պաշտոնական հայտարարություններում ռուսական կողմը համաձայնություն է հայտնում, սակայն իրականում Վիեննայի ու Սանկտ–Պետերբուրգի պայմանավորվածությունների կատարումն այնքան էլ չի բխում նրա շահերից: Դրանց իրագործման պարագայում շփման գծում իրավիճակը մեծապես կհանդարտվի: Իսկ դա նշանակում է, որ Մոսկվան այլևս քիչ տարածք կունենա մանևրելու և սեփական շահերը լուծելու համար կողմերին միմյանց դեմ օգտագործելու ու խաղարկելու համար: Շատ փորձագետների կարծիքով, Բաքուն նման համառ ձևով մերժում է Վիեննայի պայմանավորվածությունները, քանի որ թիկունքում ունի հենց Մոսկվայի համաձայնությունը:
Շարունակությունը` «Փաստ» օրաթերթի այսօրվա համարում:
IDBank supports the Opening Event of Wizz Air’s “Let’s Get Lost” Campaign
The Power of One Dram to ‘’Vahe Meliksetyan’’ Foundation
EIB Group and Ameriabank strengthen support for Armenian businesses through EU-backed guarantee
Unibank was a partner of the international forum “Yerevan Dialogue”
Grant Akopian has been elected to the AmCham Board
Ucom and SunChild Continue Joint Initiatives for a Greener Future
“Cannot deliver your package”. IDBank warns about fake messages from ‘’HayPost’’
AraratBank Supports Another Successful Entry into the Capital Market
Unibank provided cashback to more than 2 000 reliable SME borrowers
