Կորանավիրուսով վարակվելու բնական հետևանքներից մեկը, ինչպես և ցանկացած վիրուսի դեպքում, կոգնիտիվ գործառույթների խանգարումն է. փորձագետներ

Կոգնիտիվ (ճանաչողական) գործառույթների խախտումները՝ հիշողության վատթարացումը և ուշադրության կենտրոնացման նվազեցումը կորոնավիրուսային հիվանդությունից հետո նորմալ երևույթ է, քանի որ նման բարդություններ կարող են ի հայտ գալ ցանկացած վիրուսից հետո: Այս մասին գրում է ՏԱՍՍ գործակալությունը:

Կոգնիտիվ գործառույթների վերականգնումը տևում է առնվազն մեկ ամիս և անհատական է յուրաքանչյուր օրգանիզմի համար: «Ցանկացած վիրուս ազդեցության երկու կետ ունի՝ անոթները, այսինքն՝ արյան շրջանառության խանգարում և նյարդային հյուսվածքը: Այնպես որ, այստեղ գերբնական ոչինչ չկա, դա հատուկ կորոնավիրուսային հետևանքներ և բարդացումներ չեն: Դա ցանկացած վիրուսի հետևանք է, որը բնորոշվում է օրգանիզմի թունավորմամբ»,- հայտնել է բժիշկ-հոգեթերապևտ Ալեքսանդր Դյոդորովիչը:

Վերջինս հավելել է, որ յուրաքանչյուր մարդ հիվանդությունից հետո արագ է հոգնում և երկար վերականգնվում: Այնպիսի խնդիրները, որոնք կապված են ուշադրության կենտրոնացման և հիշողության հետ, բոլորովին նորմալ են և ոչ մի աղետալի բան այստեղ չկա»,- հավելել է մասնագետը:

Նման կարծիք է հայտնել նաև ՌԴ Գիտությունների ակադեմիայի կլինիկակակն հոգեբանության գիտական կենտրոնի ղեկավար Սերգեյ Ենիկոլոպովը:

Ավելին․․․