«Սիբիրից՝ հաղթանակով»․ Պլեխանովի անվան համալսարանի թիմը մրցանակներով է վերադարձել միջազգային օլիմպիադայից
Սիբիրից՝ հաղթանակով։ Գ․Վ․ Պլեխանովի անվան Ռուսաստանի տնտեսագիտական համալսարանի Երևանի մասնաճյուղի թիմը ըստ արժանվույն է ներկայացրել համալսարանը ֆինանսական անվտանգության միջազգային օլիմպիադայում։
Պլեխանովի անվան Ռուսական տնտեսագիտական համալսարանի Երևանի մասնաճյուղի ուսանողները մասնակցել են ֆինանսական անվտանգության 5-րդ միջազգային օլիմպիադային, որը տեղի է ունեցել սեպտեմբերի 29-ից հոկտեմբերի 3-ը Կրասնոյարսկում՝ Սիբիրյան դաշնային համալսարանում։
Մասնաճյուղի թիմը՝ Տնտեսագիտական գիտությունների ամբիոնի վարիչ Բելլա Վալերիի Գաբրիելյանի և ամբիոնի դոցենտ Էլբիս Բարսեղի Պեպլոզյանի գլխավորությամբ, գերազանցությամբ ներկայացրեց համալսարանը և վերադարձավ մրցանակներով։
Օլիմպիադայի արդյունքների հիման վրա «Տնտեսագիտության» երրորդ կուրսի ուսանողուհի Միլենա Խլղաթյանը և «Մենեջմենթի» երկրորդ կուրսի ուսանողուհի Էլմիրա Ասատրյանը արժանացան մրցանակների, իսկ «Մենեջմենթի» երկրորդ կուրսի ուսանողուհի Անահիտ Նաջարյանը ստացավ հատուկ «Ոսկե գրիչ» մրցանակ. նրա մոտիվացիոն նամակը ճանաչվեց լավագույններից մեկը բազմաթիվ մասնակիցների շրջանում։
«Այս անգամ մեր կողմից ինը ուսանող է գնացել և մենք էլի վերադարձել ենք մրցանակային տեղերով, ինչը հեշտ չէ, քանի որ օլիմպիադան անցկացվում է 40 երկրների և աշխարհի 600 լավագույն ուսանողների մասնակցությամբ։ Մենք ներկայացրինք Հայաստանը, և մեր ուսանողները գովասանքի արժանացան իրենց գիտելիքների և բարդ խնդիրներ լուծելու արագության համար։ Ես հպարտ եմ մեր ուսանողներով. նրանք ապացուցեցին, որ Պլեխանովի անվան ռուսական տնտեսագիտական համալսարանի Երևանի մասնաճյուղը Հայաստանի լավագույն համալսարաններից մեկն է», - նշել է տնտեսագիտական գիտությունների ամբիոնի վարիչ Բելլա Գաբրիելյանը։
Ծրագիրը ներառում էր հարյուրից ավելի կրթական և մշակութային միջոցառումներ, այդ թվում՝ վարպետության դասեր ֆինանսական անվտանգության, կիբերխարդախության դեմ պայքարի, տեղեկատվական տեխնոլոգիաների լուծումների և արհեստական բանականության դարաշրջանում ռիսկերի կառավարման վերաբերյալ։
Կենսունակ և հիշարժան պահ էր փառատոնի ստեղծագործական մասը, որտեղ մասնաճյուղի ուսանողուհի Դիանա Բաբայանը կատարեց հայկական ազգային պար՝ գերելով հանդիսատեսին իր տաղանդով և հմտությամբ։
Թիմը նշում է, որ օլիմպիադայի մասշտաբները, սիբիրցիների հյուրընկալությունը և համագործակցային մթնոլորտը մոտիվացիայի հզոր աղբյուր էին և ապացուցեցին, որ գիտելիքը սահմաններ չունի։
В Германии сошел с рельсов поезд метро
Стартует конкурс образовательной программы «Армянские Виртуозы» фонда «Музыка во имя будущего»
Властям не нужны ни объективные наблюдатели, ни справедливые выборы։ «Паст»
Новая Мишель Обама: смелый стиль, подтянутая фигура и сияющее лицо
Власти Армении сознательно обирают народ: ежедневно из карманов населения выкачивается более 500 мил...
Кому и почему мешает название «Арарат 73»? «Паст»
Что еще «откроют» перед выборами? «Паст»
За пределами политических лозунгов — вопрос экономической ориентации Армении
То, что делает Церковь, исходит только и только из интересов армянского народа и Армянской государст...
Почему Армения молча наблюдает за смертельными страданиями международного права? «Паст»
