«Ամեն ինչ սկսվեց Հրաչ Քեշիշյանի հետ ընկերական զրույցից». ինչպես FairWind-ը նոր կյանք տվեց Հայկոյի «Վերև» երգին
«Հայկոյի «Վերև»-ի վրա շատ երկար աշխատեցինք ու մտովի հասանք բոլոր հնարավոր վերևները:
Երգի մտահղացումը վաղուց կար: Երբ Հրաչ Քեշիշյանի հետ ընկերական զրույցի շրջանակներում խոսում էինք Հայկոյի երգարվեստից, սկսեցի մեծ հետաքրքրությամբ լսել և ուսումնասիրել նրա երգերը: Ինձ շատ հետաքրքրեց նրա արվեստը, շատ իրական էմոցիաներ կային նրա ստեղծագործություններում: Որոշեցինք փորձ անել, ընտրել երգերից մեկն ու մեր վերընթերցմամբ ներկայացնել»,- Tert.am Life-ի հետ զրույցում պատմեց FairWind խմբի հիմնադիր և մենակատար Վարդգես Հովեյանը:
Ըստ նրա՝ «Վերև» երգում շատ սեր ու թթվածին կա, որն Էմոցիոնալ տեսանկյունից խմբին շատ հոգեհարազատ էր:
«Մտածեցինք, որ «Վերև» երգը շատ հետաքրքիր կարող է լինել և, քանի որ FairWind-ը ռոք խումբ է, լրիվ այլ տեսանկյունից մոտեցանք այս ստեղծագործությանը: Շնորհակալ ենք Հայկո Հակոբյան հիմնադրամին, որ մեզ թույլ տվեց երգը փոխել և օգնեց մեզ ամեն հարցում:
Արդեն երգը պատրաստ էր, մտածում էինք տեսահոլովակի մասին ու սցենարային տարբեր մտքեր կային: Հետո հասկացանք, որ այս երգն այնքան սիրված է, որ ամենաճիշտ տարբերակը կլինի ընտրել հետաքրքիր վայր և նկարահանել, թե ոնց է բենդը նվագում՝ ունենալով դրոնային կադրեր, գեղեցիկ երկինք և այլն... այդյունքում ստացվեց այս տեսահոլովակը»,- նշեց մեր զրուցակիցը:
Վարդգես Հովեյանի խոսքով՝ շատ կարևոր ու պարտավորեցնող էր լսել և՛ Հայկո Հակոբյանի, և՛ Հրաչ Քեշիշյանի կարծիքը երգի այս տարբերակի մասին:
«Եվ մենք շատ ուրախացանք, երբ լսեցինք դրական կարծիքներ»,-Tert.am Life-ի հետ զրույցում խոստովանեց խմբի մենակատարը:
FairWind խումբը ստեղծվել է 2007 թվականին: «Այս տարի նշում ենք խմբի 18 ամյակը, դառնալու ենք չափահաս»,- ասաց Վարդգես Հովեյանը: Խումբը նվագում է երևանյան ռոքնռոլ, ունեն բազմաթիվ սիրված երգեր թե՛ հեղինակային, թե՛ ռեմեյքներ: FairWind-ը համերգներով հանդես է եկել Երևանում և մարզերում, ինչպես նաև Հայաստանից դուրս:
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
«След» Курдистана в списке «Республики»: кто такой Роман Мурадян? «Паст»
