Հայկական ֆուտբոլը պարտվում է ադրբեջանականին
Lraber.info-ն գրում է.
Երեկ Չեմպիոնների լիգայի որակավորման 3-րդ փուլում ադրբեջանական Ղարաբաղ ֆուտբոլային ակումբը երկու խաղերի արդյունքով հաղթեց և դուրս եկավ որակավորման 4-րդ փուլ: Եթե ադրբեջանական ակումբը հաղթի նաև չորրորդ փուլում, ապա առաջին անգամ ադրբեջանական ակումբը ներկայացված կլինի Չեմպիոնների լիգայի խմբային մրցաշարում, ինչը ֆուտբոլային նոր պատմություն ունեցող երկրի համար մեծ նվաճում է: Ադրբեջանական ակումբները նախորդ տարիներին հաջողացրել էին խաղալ ավելի թույլ համարվող Եվրոպայի լիգայի խմբային փուլում: Օրինակի համար նշենք, որ Հայաստանից որևէ թիմ չի հաղթահարել եվրոլիգաների որակավորման երկրորդ փուլը:
Ադրբեջանական ֆուտբոլի նման զարգացումը պայմանավորված է պետության կողմից ներդվող ահռելի գումարներով: Պատահական չէ, որ այդ գումարները նեդրվել են հենց Ղարաբաղ անունն ունեցող թիմի վրա: Հասկանալի է, որ Չեմպիոնների լիգայի խմբային փուլում հայտնվելը ադրբեջանական կողմին շանս կտա քարոզչական մեծ արշավ անել և համաշխարհային ֆուտբոլային լսարանի լոյալությունը շահել:
Բացի այդ, Ադրբեջանում արդեն գործում են Ռեալի, Բարսելոնայի և Մանչեսթեր Յունայթեդի մարզադպրոցները: Այդ դպրոցների կառուցման հիմնական մասը ծածկվել է ադրբեջանական կողմի ջանքերով: Սա բացի բռենդից նաև ապագայում խոստումնալից ու տեղական ֆուտբոլիստներ ունենալու մեծ շանս է:
Հայաստանում բնականաբար չկան այն ահռելի գումարները, որոնք ներդնում են ադրբեջանցիները ֆուտբոլի մեջ: Բայց չկա նաև որևէ պետական վերաբերմունք: Իշխանությունը ֆուտբոլի հետ առնչվել է միայն մեկ անգամ ՝ հայ-թուրքական բանակցությունների ժամանակ ՝ հավաքականների միջև խաղերին այցելելով: Եվ վերջ:
Իսկ հավաքականներն այսօր համաշխարհային ֆուտբոլում երկրորդական դիրքերում են: Առավել կարևոր են ակումբները: Իսկ Հայաստանում չկա որևէ ակումբ, որ գոնե հաղթահարի որակավորման երկրորդ փուլը: Պետությունը գումար չունի, չունի նաև քաղաքական կամք գումար ուղղորդելու կամ առնվազն վերաբերմունք ցույց տալու համար: Ի վերջո ֆուտբոլը բացի սպորտից ու եկամուտից, նաև քարոզչական կարևոր գործիք է, որից մեր հակառակորդները վարպետորեն օգտվում են: Իսկ մենք, թերևս, շարունակենք շախմատ խաղալ:
Արտակ Ասլանյան
Экологическая «революция» в Сюнике: как удалось избавить деревни от заботы о дровах? «Паст»
Газ подорожает, а сельхозпродукция станет дороже золота. «Паст»
Летняя жара, Ереван без воды и «священная» ценность рукопожатия с Макроном. Катастрофические провалы...
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Генрих Мхитарян продлит свой контракт с «Интером» до 2027 года
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
В ответ на правовую борьбу — политическая расправа и арест. «Паст»
