ՉԼ․ Բենզեմայի գոլը «Ռեալին» դուրս բերեց կիսաեզրափակիչ (տեսանյութ)

Մադրիդի «Ռեալը» դուրս եկավ Չեմպիոնների լիգայի կիսաեզրափակիչ՝ պայքարից դուրս թողնելով անցած տարվա գավաթակիր Լոնդոնի «Չելսիին»։

Քառորդ եզրափակիչի պատասխան խաղում «Ռեալը» լրացուցիչ ժամանակում պարտվեց 2։3 հաշվով։

15-րդ րոպեին «Չելսիի» գերմանացի հարձակվող Տիմո Վերների փոխանցումից հետո աչքի ընկավ անգլիացի կիսապաշտպան Մեյսոն Մաունթը։

51-րդ րոպեին Գերմանիայի հավաքականի պաշտպան Անտոնիո Ռյուդիգերը Մաունթի փոխանցումից հետո խփեց հյուրերի երկրորդ գոլը։

75-րդ րոպեին գերմանացի հարձակվող Տիմո Վերները հաշիվը դարձրեց 3։0։ Գոլային փոխանցում կատարեց խորվաթ կիսապաշտպան Մատեո Կովաչիչը։

80-րդ րոպեին «Ռեալը» կրճատեց հաշվի տարբերությունը։ Խորվաթ կիսապաշտպան Լուկա Մոդրիչի փոխանցումից հետո հյուրերի դարպասը գրավեց բրազիլացի հարձակվող Ռոդրիգոն, որը 2 րոպե առաջ էր դուրս եկել փոխարինման։

Նշանակվեց լրացուցիչ ժամանակ, քանի որ մեկ շաբաթ առաջ Լոնդոնում Արքայական ակումբը «Չելսիին» հաղթել էր 3։1 հաշվով ֆրանսիացի հարձակվող Քարիմ Բենզեմայի հեթ-տրիկի շնորհիվ։

96-րդ րոպեին «Ռեալի» երկրորդ գոլը խփեց Քարիմ Բենզեման՝ իտալացի Կառլո Անչելոտիի գլխավորած թիմին պարգեւելով կիսաեզրափակիչի ուղեգիր։

«Ռեալի» հաջորդ մրցակիցը կլինի «Մանչեսթեր Սիթի» (Անգլիա) - «Աթլետիկո» (Իսպանիա) զույգի հաղթողը։

Չեմպիոնների լիգա, քառորդ եզրափակիչ, պատասխան խաղ

«Ռեալ» (Իսպանիա) - «Չելսի» (Անգլիա)՝ 2։3 (հիմնական ժամանակ՝ 1։3), (տեսանյութ), (առաջին խաղ՝ 3։1)

Ռոդրիգո, 80, Քարիմ Բենզեմա, 96 - Մեյսոն Մաունթ, 15, Անտոնիո Ռյուդիգեր, 51, Տիմո Վերներ, 75