Թուրքիայում մեծանում է ճնշումը ընդդիմադիր քաղաքական ուժերի նկատմամբ
Մինչ Թուրքիայի քաղաքական կուլիսներում շրջանառվում է հաջորդ տարի արտահերթ ընտրության գնալու թեման, երկրում մեծանում է ճնշումը ընդդիմադիր ուժերի նկատմամբ:
Ուրբաթ օրը Ստամբուլի իր տանը ձերբակալված ընդդիմադիր «Դեվա»՝ «Ժողովրդավարություն և առաջընթաց» կուսակցության համահիմնադիր, ռազմական փորձագետ Մեթին Գյուրջանը կալանավորվել և ուղարկվել է Անկարա, հայտնում են թուրքական լրատվամիջոցները:
Անկարայի դատախազությունը նախկին զինվորականին մեղադրում է պետական գաղտնիքը քաղաքական և ռազմական լրտեսության նպատակով օգտագործելու համար: Հարցաքննության ժամանակ հայտնի ռազմական փորձագետը ասել է, որ հանդիպումներ է ունեցել օտարերկրյա դիվանագետների հետ և կիսվել Թուրքիայի ու Մերձավոր Արևելքի զարգացումների շուրջ իր վերլուծություններով: Պատմել է, որ 2019 թվականից վճարովի վերլուծական ու խորհրդատվական աշխատանք է կատարում տարբեր մարդկանց և կառույցների համար՝ օգտվելով բացառապես բաց ու հասանելի աղբյուրներից:
Հերքելով լրտեսության վերաբերյալ մեղադրանքները՝ նա շեշտել է՝ դիվանագետներին չի տրամադրել գաղտնիության աստիճան ունեցող որևէ տեղեկություն կամ փաստաթուղթ:
«Ժողովրդավարություն և առաջընթաց» կուսակցությունը, որի համահիմնադիրներից է Գյուրջանը, անցած մարտին ստեղծել են Թուրքիայի նախագահ Թայիփ Էրդողանի նախկին թիմակիցները՝ ժամանակին արտգործնախարարի և փոխվարչապետի պաշտոնը զբաղեցրած Ալի Բաբաջանի գլխավորությամբ:
Բաբաջանը արդեն հայտարարել է, որ կուսակցությունը և փաստաբանները մինչև վերջ աջակցելու են իրենց թիմակցին: Նա ընդգծել է, որ այս գործընթացը պետք է լինի բացառապես օրենքի սահմաններում: Անցած շաբաթ էլ Ալի Բաբաջանը կարծիք էր հայտնել, թե իշխանությունների այս գործողությունները լիրայի կտրուկ արժեզրկման հետևանքով առաջացած ճգնաժամից շեղելու փորձ են. - «Եթե այս զարգացումը քաղաքական բնույթ ունի և մեր կուսակցության դեմ է ուղղված կամ նպատակ է դրվել կոծկելու երկրի ծանր տնտեսական իրավիճակը, ապա ուզում եմ նշել, որ նման դեպքերը չեն կարող սասանել մեր թիմակիցներին»:
Ընդդիմադիր այս կուսակցությունը, որը Մեջլիսում ընդամենը մեկ պատգամավոր ունի, հաջորդ խորհրդարանում ավելի մեծ ներկայացվածություն ունենալու հույս ունի։
Իշխանությունը շարունակում է ճնշումը նաև ընդդիմադիր մեկ այլ ուժի՝ խորհրդարանի մաս կազմող քրդամետ Ժողովուրդների դեմոկրատական կուսակցության նկատմամբ: Մինչ թուրքական Մեջլիսը ուսումնասիրում է կուսակցության մի շարք պատգամավորներին, այդ թվում՝ հայազգի Գարո Փայլանին անձեռնմխելիությունից զրկելու նախագահականի միջնորդությունը, Սահմանադրական դատարանում կուսակցության փակման դատական գործում նոր պահանջ է ներկայացվել։
Գործը վարող դատախազը Սահմանադրական դատարանին միջնորդել է կուսակցության 451 անդամի նկատմամբ քաղաքականությամբ զբաղվելու արգելք սահմանել, 69 կուսակցականի գործողություններն ու ելույթները ներկայացվել են որպես հիմք կուսակցության փակման համար: Եթե դատարանը որոշի փակել կուսակցությունը, ապա այս անձինք հինգ տարի չեն կարողանա քաղաքական գործունեություն ծավալել և անդամակցել այլ կուսակցության:
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
