Հնդկաստանում կատուները փրկել են կոյուղին նետված նորածնին (լուսանկար)
Հնդկաստանի Մումբայ քաղաքում 5 օրական նորածնին հայտնաբերել են ջրահեռացման համակարգում, որտեղ նրան թողել են մահանալու, հայտնում է BBC-ն՝ մանրամասնելով, որ աղջիկն արդեն ապաքինվում է տեղի հիվանդանոցում։
Ռաջավադիի հիվանդանոցի բժիշկները BBC-ին հայտնել են, որ նա «լավ է իրեն զգում», և նրա առողջական վիճակը վերահսկվում է:
Ոստիկանությունը հայտնել է, որ բնակիչները գտել են նորածնին այն բանից հետո, երբ մի խումբ փողոցային կատուներ հավաքվել են ճանապարհի երկայնքով կոնկրետ վայրում և սկսել են աղմուկ ստեղծել՝ բարձրաձայն ֆշշացնելով և մռռացնելով: Կատուների տարօինակ վարքը գրավել է տեղացիների ուշադրությունը:
Աչդյունքում, երբ ոստիկանները ժամանել են, հայտնաբերել են երեխային՝ կոյուղու մեջ ընկած։ Նրանց խոսքով՝ երեխան թաթախված էր կոյուղաջրերի մեջ, լացում էր: Այնուհետև երկու սպա դուրս են հանել նրան, փաթաթել մաքուր կտորի մեջ և տեղափոխել հիվանդանոց:
«Երբ մենք երեխային դուրս հանեցինք, նա սառած էր, նրա ձեռքերը կապտել էին: Մենք խնդրեցինք տաք ջուր և կտորեղեն երեխային մաքրելու համար», - Times of India թերթին պատմել է ոստիկան Շիթալ Սոնավանը:
Այժմ իշխանությունները հետաքննում են, թե ինչպես է փոքրիկը հայտնվել ջրահեռացման համակարգում:
Աղբյուրը գրում է, որ նորածին աղջիկների հետ կապված նմանատիպ միջադեպեր պարբերաբար գրանցվում են Հնդկաստանում: Ակտիվիստներն ասում են, որ Հնդկաստանում տղա երեխաների նկատմամբ նախապատվությունը հանգեցրել է նրան, որ վերջին մի քանի տասնամյակների ընթացքում միլիոնավոր իգական սեռի երեխաներ լույս աշխարհ չեն եկել հղիության արհետսական ընդհատման հետևանքով:
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
