Սուպեր մթերք անքնության, ցավի և ինսուլտի դեմ

Բալն անքնության դեմ

Բալն հանդիսանում է մելատոնին հորմոնի հիանալի սննդային աղբյուր, որն օգնում է վերականգնել առողջ քնի ռեժիմը: Օրվա մութ ժամանակ արտադրված մելատոնին հորմոնը մեզ հնարավորություն է տալիս քնել: Հետևաբար, քնելուց առաջ բժիշկները խորհուրդ են տալիս մեկ բաժակ բալի հյութ խմելու։ 

Բալը ցավի դեմ

Բալի հյութը և պտուղները երկար հեռավորություն վազող մարզիկների մոտ կրճատում են մկանային ցավերը և ծանր ֆիզիկական ծանրաբեռնվածությունը:

55 մարզիկներ (36 տղամարդ և 18 կին) մեկ շաբաթվա ընթացքում, ամեն առավոտ և երեկոյան 355 մլ բալի հյութ են խմել։ Վազքի օրը, հեռավորությունը հաղթահարելուց հետո, բոլոր մասնակիցների մոտ նկատվել է մկանային ցավի նվազում։ 

Բալի խտանյութն ունի հակաօքսիդիչ միացությունների բարձր պարունակություն, որն էլ պտղին վառ գույն է հաղորդում։ Բացի դա, այդ միացությունները կարողանում են նաև կանխել բորբոքումը և մկանների հյուսվածքների վնասվելը, - ասում է դոկտոր Քերին Կյուլը: 

Բալն ինսուլտի դեմ

2013 թ․ Միչիգանի համալսարանում անցկացված փորձերը ցույց են տվել, որ թթու բալը կարող է նվազեցնել կաթվածի ռիսկերը ։

Բալն աչքի առողջության համար

100 գր սառեցված բալը պարունակում վիտամին Ա-ի օրական չափաբաժնի 17%-ը։ Այս վիտամինը տեսողության համար ամենակարևոր վիտամինն է։ Վիտամին Ա-ի պակասը հանգեցնում է գույների ընկալման խանգարմանը և մթության մեջ տեսնելու վատթարացմանը։ Դրանից բացի, այն առաջացնում է եղջերաթաղանթի բջիջների չորացում, աչքի շաղկապող թաղանթի չորացում և, որպես հետևանք՝ կոնյուկտիվիտի զարգացում ։ 

Բացասականը

1. Բալը չափից շատ տարբեր թթուներ է պարունակում, որի պատճառով սոված ժամանակ չի թույլատրվում խմել։

2. 100 գրամ սառեցված բալը 9 գրամ շաքար է պարունակում։ Եվ երբ արյան մեջ շաքարի պարունակությունը բարձրանում է, այն սկսում է մազանոթների պատերը քայքայել, որի պատճառով ի հայտ են գալիս միկրովնասվածներ և մեծանում է աթերոսկլերոզի զարգացման ռիսկերը։