Ի՞նչ արժեն հայ աստղերի հագուստները. ովքեր ինչ բրենդ են նախընտրում
Նազենի Հովհաննիսյան
Այս անգամ որոշեցի չլինել երեկոյան զգեստով, ինչը որ սպասելի էր ինձնից: PanArmenian-ի մրցանակաբաշխությանը ես Արևիկ Սիմոնյանի KiveraNainomis դիզայներական հագուստներով էի, դրա համար այս անգամ որոշեցի չօգտվել Հայաստանում գործող դիզայներներից, չնայած նրանց շատ սիրում և հարգում եմ, այլ օգտվել արտասահմանյան հայտնի ապրանքանիշերից։ Նորաձևության տներից մեկից ես ընտրեցի այս կոմբինիզոն տարբերակը, որն այս տարվա ամենաառաջնային լուքերից է, ընդունված ու տարածված է: Իսկ այս կոմբինիզոնի առանձնահատկությունն այն է, որ նրա կտորը 3D պրինտ ունի, այսինքն՝ այն էկրանից պիտի տա մի քիչ ուրիշ տպավորություն, եթե իհարկե 3D ակնոց կրես: Չգիտեմ՝ ինչպես էր կադրում, բայց բեմում ես ինձ զգում էի շատ հարմարավետ հենց այս գունային գամմայով, որովհետև գիտենք՝ 2017թ-ը Հրեղեն աքաղաղի տարի է, ու ինձ համար աքաղաղն ասոցիացվում է կարմիրի հետ: Այս ընդհանուր ծաղկային հրավառությունը ևս տոնական տրամադրություն էր. ամբողջը իրար հետ փորձեցի համատեղել: Արժեքը չեմ նշի՝ հարգելով բոլոր այն մարդկանց, ովքեր օգտվում են տարբեր նորաձևության տներից և երբեք չեն նշում իրենց կրած հագուստի գինը: Էժան կամ փոքր արժեքի հագուստ չէր այն պարզ պատճառով, որ սա դիզայների վերջին հավաքածուից էր: Կոմբինիզոնը ռիսկային տարբերակ էր, բայց բախտս բերեց, ես նրան համապատասխանեցի, նա էլ՝ ինձ:
Յուլիա Ֆինկ
Հաղորդավարուհի, դերասանուհի Յուլիա Ֆինկը նշեց, որ հագուստը հայտնի բրենդի չէ. «Արտասահմանում եմ ձեռք բերել: Արժեքը չեմ նշի, իսկ զարդերիս հեղինակը ես եմ՝ YuliaFink accessories»:
Էռնա Էլիզբարյան
Զգեստս մորաքույրս է ուղարկել Փարիզից: Անկեղծ ասած՝ արժեքը չգիտեմ, որովհետև, ինչպես նշեցի, նվեր է: Սակայն չեմ կարծում, որ ամեն դեպքում արժեքը կարևոր է: Եթե հագնում ես զգեստը, այն քեզ սազում է, ու դու էլ նրա մեջ հարմարավետ ես քեզ զգում, ուրեմն՝ ամեն ինչ ճիշտ է: Հավանեցի զգեստս միանգամից: Սիրում եմ այս ոճը: Դե իսկ կարմիրն էլ, գիտեք, աքաղաղի տարվան համահունչ է:
Սիմա Բաղդասարյան
Հաղորդավարուհի Սիմա Բաղդասարյանը վերջերս սկսել է համագործակցել հայ դիզայներների հետ։ Նա կրում է The Muse-ի հեղինակած հագուստը. «Թավշյա հագուստն այս տարի շատ նորաձև է, ըստ իս՝ շատ գեղեցիկ զգեստ է՝ թավիշի և թեփուկների համադրությամբ: Զգեստս արժե 87.000 դրամ, oղերիս հեղինակը դիզայներ Անահիտն է, իր կողմից նվեր է, իսկ մատանիս Swarovski-ի է, արժե 89.000 դրամ, կոշիկներս ևս նվեր են, ուստի արժեքը չգիտեմ»:
Ռիփփի
Երգչուհի, դերասանուհի Ռիփփին կրում էր սպիտակ կոստյում. «Հագուստս տղամարդու կոստյումին մոտ է կարված: Մտահղացումը իմն էր, ինչպես հիմնականում բոլոր հագուստներիս դեպքում: Կարվել է ատելյեում և արժեցել է 120.000 դրամ: Վաղուց սպիտակ կոստյում չէի հագել, դրա համար որոշեցի այսպես հագնվել»:
Գայանե Ավետիսյան
Դերասանուհի Գայանե Ավետիսյանը կրում է սպիտակ զգեստ. «Կարծում եմ՝ շատ խորհրդանշական է այս գույնը, գնել եմ Դուբայից, տեղի դիզայներներից մեկի հեղինակած հագուստն է: Ասեմ, որ էժան չէ»: Գայանեն նշում է, որ առհասարակ նախընտրում է հայ դիզայներների հագուստները, մանավանդ՝ Արփինե Կոշտոյանինը:
Քրիստինե Պեպելյան
Интервью лидера движения «Всеармчнский фронт» Аршака Карапетяна
Никол Пашинян расстроен: приказал «вылезти из кожи вон»: «Паст»
«Нельзя делать вид, что ничего не было»: прохожие Стамбула о нормализации с Арменией
Молчать, молчать, вот так молчать… «Паст»
Гражданам Армении, приезжающим в страну для участия в выборах, угрожают учебными сборами: «Паст»
Заразительный пример. Если всё будет продолжаться такими темпами, чего ещё ждать? «Паст»
ЦИК Армении обработал бюллетени со всех 2005 участков
Пока ничего окончательно не решено: «Паст»
Лидерам ЕАЭС до декабря доложат варианты действий по Армении — Оверчук
Почему число людей, имеющих право голосовать, сократилось? «Паст»
