Նախկին սկզբունքներով ԵԱՀԿ Մինսկի խմբի առաջարկած բանակցային գործընթացը գնում է փակուղի․ «Փաստ»
«Փաստ» օրաթերթը գրում է
regnum.ru-ն «Ինչո՞ւ են «արթնացել» ԵԱՀԿ Մինսկի խմբի համանախագահները» վերնագրով հոդվածում գրում է, որ չորս ամիս դադարից հետո ԵԱՀԿ Մինսկի խմբի համանախագահները հայտարարություն են տարածել: Նրանք դրական են գնահատել Լեռնային Ղարաբաղի հակամարտության գոտում հաստատված հրադադարի ռեժիմը, ողջունել են «զոհերի աճյունների վերադարձի հարցում նշանակալի ձեռքբերումները և հակամարտության արդյունքում տեղահանվածների վերադարձի հարցում շարունակական առաջընթացը», ինչպես նաև աջակցություն են հայտնել «կառուցողական քննարկումներին, որոնք ուղղված են տրանսպորտային և հաղորդակցական ուղիների ապաշրջափակմանը ամբողջ տարածաշրջանում»:
Բացի այդ, համանախագահները կողմերին հիշեցրել են «լրացուցիչ ջանքեր գործադրելու անհրաժեշտությունը մնացած անլուծելի խնդիրները վերացնելու և փոխվստահության մթնոլորտ ստեղծելու համար» և մասնավորապես շեշտել են «կողմերին հայտնի տարրերի և սկզբունքների հիման վրա վերջնական, համապարփակ և կայուն կարգավորման հասնելուն հատուկ ուշադրություն դարձնելու անհրաժեշտությունը՝ հաշվի առնելով ԵԱՀԿ-ի կողմից հաստատված մանդատը»: Այդ կապակցությամբ համանախագահները կողմերին կոչ են արել «առաջին իսկ հնարավորության դեպքում վերսկսել բարձր մակարդակի քաղաքական երկխոսություն համանախագահների հովանու ներքո»: Եթե գնահատենք այս փաստաթուղթը քաղաքական լայն համատեքստում, ապա դրանից բխում է, որ Արևմուտքը ԼՂՀ հակամարտությունը լուծված չի համարում: Այս դիրքորոշումը կապված է գլոբալ քաղաքական օրակարգում ընթացող փոփոխությունների սկզբունքորեն նոր փուլի հետ:
Օբյեկտիվ և սուբյեկտիվ բնույթի տարբեր պատճառներից ելնելով՝ ԱՄՆ-ը և Ֆրանսիան, որպես ԵԱՀԿ Մինսկի խմբի համանախագահներ, դուրս են մնացել Ռուսաստանի, Ադրբեջանի և Հայաստանի մասնակցությամբ Լեռնային Ղարաբաղի հարցով խաղաղության համաձայնագրի նախապատրաստման և ստորագրման հարցից։ Առաջին անգամ Արևմուտքը հակամարտող կողմերի համար պահանջված և մասնակից չի եղել: Հետևաբար, ելնելով ամերիկացի և եվրոպացի քաղաքական գործիչների որոշ հայտարարություններից՝ նրանք դեմ չեն իրավիճակի վերախաղարկմանը՝ ղարաբաղյան կարգավորման իրենց նախկին բացառիկ կարգավիճակի գոնե մի մասը վերականգնելու նպատակով: Նեղ համատեքստում, 2020 թվականի նոյեմբերի 10-ի խաղաղության համաձայնագիրը ԵԱՀԿ Մինսկի խմբի համար որոշակի բաց է ստեղծել: Բանն այն է, որ համաձայնագրի դրույթները տարբերվում են Մադրիդյան նորացված սկզբունքներից, որոնք երկար տարիներ ծառայել են որպես մի տեսակ «բանակցությունների սահմանադրություն»:
Օրինակ՝ սկզբունքները հստակորեն տարբերում են Լեռնային Ղարաբաղի բուն տարածքը գրավյալ տարածքներից: Փաստորեն, խոսքը երկու հարցի մասին է՝ այդ տարածքների՝ Բաքվի վերահսկողությանը վերադարձը և Ղարաբաղի կարգավիճակի վիճելի որոշումը: Կնքված համաձայնագրում Ղարաբաղի կարգավիճակի մասին ոչինչ չկա, բայց որոշ կետեր նման են մի շարք շրջաններ Ադրբեջանին վերադարձնելու ժամանակացույցին: Նման իրավիճակում ԵԱՀԿ Մինսկի խմբի առաջարկած բանակցային օրակարգը մեծ նշանակություն է ստանում: Բայց այս անգամ էլ, բացի մարդասիրական բնույթի առաջարկներից, այն չի պարունակում տարածաշրջանում խաղաղության վերականգնման որևէ նոր հստակ առաջարկ՝ այդ ամենը ներքաշելով հետագա քննարկումների գոտի: Արդյունքում, ամեն ինչ դառնում է խնդրահարույց, նույնիսկ Հայաստանի և Ադրբեջանի միջև խաղաղության պայմանագրի ստորագրման նպատակով լայնամասշտաբ բանակցություններ սկսելու սցենարը, որը պետք է նախատեսի Բաքվի և Երևանի փոխզիջումային քայլերը հակամարտության կարգավորման համար:
Ամենադժվար հարցը Լեռնային Ղարաբաղի կարգավիճակի հարցն է: Բաքուն կարծում է, որ Ղարաբաղյան հակամարտությունն «այլևս գոյություն չունի», և ԵԱՀԿ Մինսկի խումբը պետք է գործ ունենա, ինչպես հայտարարել է Ադրբեջանի ԱԳՆ մամուլի ծառայության ղեկավար Լեյլա Աբդուլլաևան, «հետհակամարտային նոր շրջանի ամենակարևոր հարցերի հետ», «որոնք ներառում են 30-ամյա հակամարտության հետևանքով տուժած տարածքների վերականգնումը, վերակառուցումը և վերաինտեգրումը Ադրբեջանի սահմանադրական կարգի շրջանակներում»: Հայաստանը, դրան հակառակ, ողջունում է ԵԱՀԿ Մինսկի խմբի աշխատանքների ակտիվացումը, աջակցում է, այսպես կոչված, առարկայական բանակցությունների վերականգնմանը, որի առանցքում պետք է լինի Լեռնային Ղարաբաղի կարգավիճակի հարցը:
Այնուամենայնիվ, Հայաստանի կառավարությունը չի ճանաչել նրա անկախությունը, և այս նախկին ինքնավարությունը բանակցությունների կողմ չէ, ինչը առայժմ ոչինչ չի փոխում: Բաքուն կարծում է, որ ղարաբաղյան հաղթական պատերազմից հետո տարածաշրջանում փոխվել է աշխարհաքաղաքական իրավիճակը, ի հայտ են եկել «նոր իրողություններ», որոնց հետ ԵԱՀԿ Մինսկի խումբը պետք է հաշվի նստի: Այս առումով, Ադրբեջանը ակտիվացրել է տեղեկատվականքաղաքական հարձակումը Երևանի դեմ: Բայց իրադարձությունների ընթացքը հնարավոր է փոխել միայն ԵԱՀԿ Մինսկի խմբի մանդատը փոխելու դեպքում, ինչը կարող է փոխել նաև հակամարտության կարգավորման բանակցային օրակարգը: Բաքվի համար դրան հասնելը շատ դժվար կլինի:
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
