Երբ են այս տարի ուտելու աղի բլիթը և ով պետք է պատրաստի այն
Աղի բլիթի տոնը այս տարի կնշվի հունվարի 30-ին։ Այս մասին araratnews.am թղթակցի հետ զրույցում ասաց Երուսաղեմի Ժառանգավորաց վարժարանի դպիր Զորի Կարապետյանը։
«Այս տարի տոնը կնշվի հունվարի 30-ին։ Աղի բլիթը պետք է ուտել հունվարի 29-ի երեկոյան։ Սուրբ Սարգսի տոնը սահմանվել է Առաջավորաց պահքի շաբաթ օրը, այն նշվում է Սուրբ Զատկից 63 օր առաջ՝ սովորաբար հունվարի 18-ի և փետրվարի 23-ի միջակայքում»,- հավելեց Ժառանգավորաց վարժարանի դպիր Զորի Կարապետյանը, միաժամանակ նշելով, թե միֆը, իբր աղի բլիթը պետք է թխի այրի կինը և ուտելուց առաջ չի կարելի օգտագործել սնունդ և ջուր խմել, չի համապատասխանում իրականությանը։ «Բլիթը կարող է թխել ցանկացած անձ, սովորաբար այդ գործը տալիս են ամուսնացած բազմազավակ և երջանիկ մայրերին։ Իսկ եթե ուզում ես շատ ծարավանալ և երազումդ տեսնել քո ասպետին, պետք է ամբողջ օրը ջուր չխմել»,- ասաց Զորի Կարապետյանը։
Սիրո և երիտասարդների բարեխոս Սուրբ Սարգսի տոնը հայ Առաքելական Սուրբ եկեղեցին տոնում է ամեն տարի։ Ավանդության համաձայն՝ այդ օրը պատրաստում են փոխինձից գնդիկներ, հալվա, թխում են փախլավա, մատաղ են անում և բաժանում դրացիներին։ Այդ օրը նաև տան տանիքին կամ պատշգամբում փոխինձ կամ ալյուր պետք է դնել և սպասել, թե երբ սուրբ Սարգիսը կթողնի իր ձիու պայտի հետքերը։ Ըստ ավանդույթի՝ այն մարդը, ում ափսեում շաղ տված ալյուրի կամ փոխինձի միջով կանցնի սուրբը, սպասվում է մեծ հաջողություն։
Տոնը նվիրված է սուրբ Սարգիս զորավարին։ Վարքաբանական գրականության մեջ սուրբը հիշատակվում է որպես IV դարի զորավար, որն օգնել է կարիքավորներին, պայքարել հանուն քրիստոնեության և նահատակվել:
Աղի բլիթը քրիստոնեական տեսանկյունից որևէ նշանակություն չունի, այն զուտ ավանդական տոն է և հոգևոր խորհուրդ չունի։ Այդ գաղափարախոսությունը ավելի շատ աղանդավորական շեղվածություն է տալիս, բայց որպես ավանդույթ նշվում է մեծ ծիսակատարությամբ։
Ըստ Գրիգոր Լուսավորչի հաստատած տոնի, Մեծ պահքից երկու շաբաթ Առաջավորած պահք պետք է պահել առավելագույն խստությամբ։ Հետևել պահքին, աղոթքին, ծոմին, զսպել ինքդ քեզ ու քո ցանկությունները, որպեսզի չմեղանչես։ Պահքից երկու շաբաթ հետո ուտիք և արդեն Մեծ պահք։
Ավելին՝ այստեղ
Какой закон, какие урегулирования, кому они нужны? «Паст»
Односторонняя повестка уступок и политика молчания официального Еревана: «Паст»
Не помогла даже откровенная поддержка ЕС и США: выборы стали также своеобразным референдумом: «Паст»
Политическая месть ценой экономической безопасности: «Паст»
Тонкое искусство «кайфаваться» над народом и все «бросить в карман народа»... «Паст»
Почему власть сама ставит себя в нелепое положение? «Паст»
«Фокус» университета Брюсова: объявление о бесплатных местах в последнюю минуту։ «Паст»
Почему Аветик Чалабян вновь оказался в центре внимания властей? «Паст»
Административный суд признал бездействие полиции незаконным
Когда любая уступка превращается в отправную точку для новых требований: «Паст»
