Նավալնին ցուցադրել է Պուտինի պալատը՝ ամֆիթատրոն, 17,6 հազար քմ տարածք, փակ սառցե պալատ, եկեղեցի, 80 մետրանոց կամուրջ
Ռուս ընդդիմադիր գործիչ Ալեքսեյ Նավալնին հրապարակել է 2 ժամ տևողությամբ ֆիլմ Սև ծովի ափին գտնվող հոյակապ պալատի մասին, որը, ինչպես պնդում է ընդդիմադիրը, պատկանում է ՌԴ նախագահ Վլադիմիր Պուտինին ու ֆինանսավորվում է նրա շրջապատի մարդկանց կողմից։ BBC-ի ռուսական ծառայությունը տեղեկացնում է, որ նախկինում այդ համալիրը որպես Պուտինի պալատ են անվանել նաև բազմաթիվ լրատվականներ։
Ֆիլմի նախաբանում, որը հրապարակվել է Նավալնիի YouTube-ալիքում, ընդդիմադիրը պարզաբանում է, որ որոշել է հետաքննություն անցկացնել, երբ դեռևս եղել է Բեռլինի հիվանդանոցի վերակենդանցման բաժանմունքում։
Սակայն որոշում է կայացվել, որ այն կհրապարակվի միայն այն բանից հետո, երբ Նավալնին վերադառնա Ռուսաստան։ «Քանի որ մենք չենք ցանկանում, որ այս հետաքննության գլխավոր հերոսը մտածի, որ մենք վախենում ենք նրանից, ես կպատմեմ արտասահմանում գտնվելու նրա վատագույն գաղտնիքի մասին», – բացատրել է Նավալնին:
Իր հերթին Պուտինի մամլո քարտուղար Դմիտրի Պեսկովը երեքշաբթի օրը հայտնել է, որ Կրեմլը ծանոթ չէ պալատի մասին հրապարակմանը, սակայն «ըստ էության, այն սուտ է»։ Ընդդիմադիրի հետաքննության կենտրոնում գտնվում է Գելենջիկի մերձակայքում գտնվող 17,6 հազար քառակուսի մետր տարածք ունեցող պալատը, որը Նավալնին անվանում է Ռուսաստանում ամենամեծ մասնավոր տունը։
Ինչպես նշվում է հետաքննության մեջ, պալատի բոլոր այցելուներին խստորեն արգելվում է իրենց հետ անգամ տեսախցիկով հասարակ հեռախոսներ ներս մտցնել, իսկ ներս մտնող բոլոր ավտոմեքենաները զննվում են մի քանի անցակետերում։ Բացի բուն ամրոցից, տարածքում կա փակ սառցե պալատ, եկեղեցի, 2,5 հազար քառակուսի մետր ջերմոց, 80 մետրանոց կամուրջ և ամֆիթատրոն:
Քանի որ պալատը գտնվում է զառիթափին, ծով դուրս գալու համար փորվել էր հատուկ թունել, ասվում է հրապարակված տեսանյութում: Նշվում է, որ բուն պալատական համալիրի տարածքը 68 հա է, սակայն պալատի շուրջ գտնվող 7000 հա տարածքը գտնվում է Անվտանգության դաշնային ծառայության վերահսկողության տակ ու հանդիսանում է փակ գոտի։ BBC-ի ռուսական ծառայությունը հիշեցնում է, որ այդ տարածքը համարվում է արգելոց և այն վարձակալել է «Կոմպլեքս» ՍՊԸ-ն, որն էլ հանդիսանում է պալատի սեփականատերը։
Բացի այդ, ընկերությունը վարձակալել է նաև պալատի դիմացի առափնյա տարածքը։ Այս հողատարածքի համար ընկերությանը դատի է տվել Վորոնեժի «Իմպուլս» հաշմանդամություն ունեցող անձանց հասարակական կազմակերպությունը:
Մանրամասները՝ տեսանյութում
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
