Բարձր IQ-ն և սերը. ինչպիսի՞ն են բարձր ինտելեկտով մարդիկ սիրային հարաբերություններում
Ինտելեկտուալ զարգացման հարցերում մասնագիտացված ֆրանսիացի հոգեվերլուծաբան Մոնիկ դե Կերմադեկի՝ հոկտեմբերին հրատարակված «Օժտվածները և սիրողները» աշխատությունը նվիրված է հարաբերություններում բարձր ինտելեկտ ունեցող անձանց վարքին: Փորձի, հետազոտությունների և հարցումների վրա հիմնվելով՝ մադամ դե Կերմադեկը նկարագրել է, թե սիրային հարաբերություններում խելացի մարդիկ, մասնավորապես՝ ինտելեկտուալ կանայք, իրենց ինչպես են դրսևորում: Նա հարցազրույցի ընթացքում հակիրճ ներկայացրել է գրքի բովանդակությունը: Հոդվածը վերցրել ենք elle.ru կայքից:
Ստորև ներկայացնում ենք հարցազրույցից մի հատված:
- Տևական և երջանիկ հարաբերությունների համար որքանո՞վ է կարևոր, որ զույգընկերներն ունենան ինտելեկտի միևնույն մակարդակը:
Դա բոլորովին պարտադիր չէ... Չկա երաշխիք, որ օժտվածության համապատասխանությունը դրական ազդեցություն կունենա, քանի որ օժտված մարդկանց բնորոշ է համատեղ կյանքի հետ կապված ծայրաստիճան անհանգստությունը: Կան նաև այլ գործոններ, որոնք կարող են խանգարել բարձր ինտելեկտ ունեցող զույգի երջանկությանը: Օրինակ՝ մասնագիտական հանգամանքները: Ենթադրենք, զուգընկերներից մեկը փայլուն հաջողություններ ունի մասնագիտական կյանքում, ինչի արդյունքում սիրելիին զրկում է ուշադրությունից կամ գիտական աշխատանքի պատճառով շատ հաճախ մեկնում է արտերկիր՝ գործուղումների:
- Ինչո՞վ են տարբերվում բարձր IQ ունեցող կանանց և տղամարդկանց սպասելիքները սիրուց
- Կան տարբերություններ, որովհետև որոշակի գծեր, ինչպիսիք են՝ հիպերզգայունությունը, ինքնաիրացման ձգտումը, անկախությունը, պերֆեկցիոնիզմը, կանանց մոտ ավելի վառ են արտահայտված:
Պարզվել է, որ կնոջ արտաքին տեսքը և սեքսուալությունն ավելի կարևոր են բարձր ինտելեկտով տղամարդկանց համար: Կանայք նույնպես կարևորում են այս գծերը, սակայն նրանց մոտ առաջնահերթություններն այլ դասավորություն ունեն:
Կանայք առաջին հերթին տղամարդուց ինտելեկտուալ խթան են ակնկալում: Նրանք զուգընկերոջ մեջ նման ձգտումներ, մշակութային փոխանակություն, ընդհանուր հետաքրքրություններ են փնտրում: Հետաքրքիր է, որ նման կանայք, ասես պայմանավորված կերպով, օգտագործում են հետևյալ արտահայտությունը. «Ես առաջին հերթին մտերիմ ընկեր եմ փնտրում»: Նրանց համար հուզական փոխազդեցությունն ու ընդհանուր արժեքներն ավելի կարևոր են, քան դիպլոմներն ու աստիճանները:
- Ի՞նչ բարդույթներ են բնորոշ ինտելեկտուալ կանանց
Նրանք մշտապես անհանգստանում են՝ մտածելով, որ իրենց ինտելեկտը վանում է երկրպագուներին... Հանդիպումների ժամանակ բարձր IQ-ով կինը իրեն շատ ավելի անինքնավստահ է զգում, քան տղամարդը՝ վախենալով այդպես էլ չհանդիպել համապատասխան մարդուն:
- Ի՞նչ խորհուրդ կտաք բարձր ինտելեկտով կանանց՝ տղամարդկանց հետ ներդաշնակ հարաբերություններ կառուցելու համար
- Մեծ խաղադրույքներ մի՛ կատարեք, զուգընկերոջից ամեն ինչ և միանգամից մի՛ սպասեք: Զրուցեք՝ խուսափելով ճանաչողական մենախոսություններից և գիտական փաստերի առատությունից, որպեսզի չգերլարեք նրա գլխուղեղն ու չազդեք նրա ինքնագնահատականի վրա: Փոխադարձ բարությունը, սիրալիրությունը, հոգատարությունն ու ուշադրությունը միշտ կարևոր են ներդաշնակ հարաբերությունների ձևավորման համար:
Նյութը հրապարակման պատրաստեց Լիլիթ Ամիրաղյանը
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
