Հայրիկյանն ընտրություններն անվավեր դարձնելու կոչ կանի. «Փաստ»
«Փաստ» օրաթերթը գրում է.
անցկացնել: «Փաստը» զրուցել է ԱԻՄ առաջնորդ Պարույր Հայրիկյանի հետ՝ տեղեկանալու, թե որն է հավաքի անցկացման նպատակը:
– Միասնական կոչ կա: Հնարավոր է, որ ընտրություններին մասնակցող և դրա հետ հույսեր կապող ուժերը հիվանդագին կընկալեն դա կամ կունենան այլ փաստարկներ: Մեր մոտեցումն է՝ կեղծավոր սահմանադրությամբ ընտրությունների գնալ չի կարելի: Ուզում ենք առաջարկել, որ բոլոր ազնիվ քաղաքացիներն անվավեր դարձնեն ընտրությունները:
– Չգնա՞ն ընտրությունների:
– Ոչ՝ իրենց քվեաթերթիկը անվավեր դարձնեն, և եթե դա կրի զանգվածային բնույթ՝ կարող է որոշակի դերակատարություն ունենալ մեր ընդհանրական կյանքում: Պետք է արագ կերպով հասունացնել օրինավոր սահմանադրություն ունենալու գերկարևոր խնդիրը:
– Հետագա ի՞նչ քայլեր եք ձեռնարկելու:
– Նախևառաջ պետք է նոր սահմանադրության հարցը լուծել, համապատասխան ընտրական օրենսգրքով ու կարգին ընտրություններով ձևավորել օրինավոր իշխանություն: Գիտե՞ք՝ ընտրակաշառք կոչվածը ինչպես պետք է վերացնել:
– Ինչպե՞ս:
– Ազգային անվտանգությունը հսկայական գործակալական ցանց ունի: Պարզում է, որտեղ են ընտրակաշառք բաժանում, մի 10 հոգու արագացված կարգով հրապարակավ դատում են, և ընտրակաշառքը վերանում է: Ով խոստումներ տալով օրենքից չբխող հայտարարություններ է անում՝ նրան միանգամից հանում ես՝ ամեն ինչ կարգավորվում է: Բայց դրա համար պետք է իսկապես բարի կամք ունեցող և օրենքով առաջնորդվող կառույց ունենալ:
– Իսկ մենք ունե՞նք նման կառույց:
Չունենք, դրա համար էլ հետին նկատառումները շատ ակնհայտ են: Աշխարհի շատ երկրներում, եթե դու իշխանական լծակներ ունես կամ բիզնեսով ես զբաղվում՝ չպիտի մասնակցես քարոզարշավին: Այդ հարցերը կարելի է կարգավորել և արդար, օրինական ընտրություններ կազմակերպել: Կամ ի՞նչ է նշանակում աղքատ կոմկուսին պարտադրել պարտքով փող ճարել նախընտրական գրավը վճարելու համար: Թող էլի գրավ լինի, բայց ոչ այդքան մեծ:
– Ընտրական օրենսգրքի՞, թե՞ հենց Սահմանադրության դրույթների դեմ է Ձեր պահանջը:
– Մեր այսօրվա Ընտրական օրենսգիրքը բխում է Սահմանադրությունից և ինչ մասնավոր հարցի մասին էլ որ խոսենք, միևնույնն է, նախևառաջ նկատի ունենք Սահմանադրությունը: Այդ հարցերը սահմանադրորեն պիտի կարգավորվեն:
– Պարոն Հայրիկյան, չե՞ք փոշմանել, որ չշարունակեցիք պայքարը:
– Ոչ: Հայաստանի, հայրենիքի ու հանրության առջև ծառացած խնդիրները պահանջում են գրեթե համազգային ուժերի ի մի բերում: Եվ դրա համար մինչև վերջին պահն էլ փորձում էինք և՛ միավորել, և՛ միավորվել: Նույնիսկ ՕՐՕ–ի հետ փորձեցինք, տեսանք չի լինում: «Ելքի» հետ փորձեցինք, չստացվեց: Տեսա, որ չի ստացվում անել այն, ինչ արել եմ 1991 թ.՝ անկախության հանրաքվեն, ավելորդ համարեցի, բայց դա չի նշանակում, որ պետք է ընդհանրապես պայքարից դուրս գալ:
– Դրա համա՞ր էլ ընտրել եք ընտրությունները անվավեր դարձնելու կոչը:
– Ոչ թե դրա համար, այլ՝ ի վերջո միասնական ուժերով այդ նույն բանը պիտի անեինք, այն է՝ չեղարկել Սահմանադրությունը: Բայց հիմա որոշեցինք, որ եթե միասնական ուժերով չի լինում, գոնե գաղափարը ասպարեզում թողնենք, մենք այդ ճանապարհին պիտի վերադառնանք: Ե՛վ Արցախում է Սահմանադրությունը սխալ հիմքերի վրա, և՛ այստեղ, երկուսն էլ պետք է ուղղել:
– Դուք հիմա այդ ճանապարհի՞ն եք:
– Իմ հիմնական խնդիրն եմ դա համարում: Ե՛վ այսօրվա, և՛ վաղվա հիմնական խնդիրը Սահմանադրությունն է, դա է առանցքային հարցը, ոչ թե սրա–նրա թոշակ բարձրացնելու սուտ խոստումները:
Շարունակությունը` «Փաստ» օրաթերթի այսօրվա համարում:
Интервью лидера движения «Всеармчнский фронт» Аршака Карапетяна
Никол Пашинян расстроен: приказал «вылезти из кожи вон»: «Паст»
«Нельзя делать вид, что ничего не было»: прохожие Стамбула о нормализации с Арменией
Молчать, молчать, вот так молчать… «Паст»
Гражданам Армении, приезжающим в страну для участия в выборах, угрожают учебными сборами: «Паст»
Заразительный пример. Если всё будет продолжаться такими темпами, чего ещё ждать? «Паст»
ЦИК Армении обработал бюллетени со всех 2005 участков
Пока ничего окончательно не решено: «Паст»
Лидерам ЕАЭС до декабря доложат варианты действий по Армении — Оверчук
Почему число людей, имеющих право голосовать, сократилось? «Паст»
