«Մինչև ամուսնանալը պետք է ունենալ սեփական ավտոմեքենա և տուն». Անելյա Գուբրյանը` սիրո և առաջին աշխատավարձի մասին

Tert.am Life-ը բլից հարցազրույցների շարքում այս անգամ զրուցել է դերասանուհի Անելյա Գուբրյանի հետ` փորձելով բացահայտել նրա առօրյան, նախասիրություններն ու պատկերացնումները սիրո մասին:

Արթնանալուց  հետո առաջինը հեռախոսս եմ վերցնում:

Իմ իդեալական հանգստյան օրը տանը մնալն ու հանգստանալն է:

Ֆիլմը պետք է դիտել հիմնականում մենակ:

Երգը, որը կարող եմ անվերջ լսել  A’studio խմբի «Прощай» ստեղծագործությունն է:

Վերջին անգամ Google-ում փնտրել եմ Կատրին անվան ծագումնաբանությունը:

Առանց համացանցի կյանքը հիասքանչ է:

Քչերը գիտեն, որ ես սիրում եմ մենակություն, սարսափում եմ կատուներից և ունեմ ալերգիա կաղամբից:

Առաջին աշխատավարձս ստացել եմ 4 տարեկանում` 5000 դրամ:

Գաղտնի հոբբիս աստղագիտությամբ հետաքրքրվելն է:

Ամենաթանկ իրը, որը գնել եմ` հեռախոսս է:

Մարդու մեջ ինձ կարող է գրավել խելքը:

Վանել` խելքը:

Զայրանում եմ, երբ անունս սխալ են գրում:

Երբեք  մի ասա երբեք:

Չեմ ների անտարբերությունը:

Կներեմ` ամեն դեպքում:

Եթե հնարավորություն ունենամ հետ անցյալ գնալու... չեմ գնա:

Ինձ շատ են ծիծաղեցնում իմ անձի վերաբերյալ արված կատակները:

Երջանիկ լինելու համար պետք է որոշել երջանիկ լինել:

Առաջին անգամ սիրահարվել եմ 17 տարեկանում:

Անպատասխան սերը չգիտեմ ինչ է:

Դիմացինի սիրուն արժանանալու համար պետք է լինել այնպիսին, ինչպիսին կաս:

Մինչև ամուսնանալը պետք է ունենալ սեփական ավտոմեքենա և տուն:

Կամուսնանամ, երբ ցանկություն ունենամ ամուսնանալ: