Ադրիանա Գալստյանին փախցրել են
«Երանի» հեռուստասերիալի հերթական նկարահանումների ժամանակ Մարթայի դերակատար Ադրիանա Գալստյանին փախցրել են: Այս մասին դերասանուհին հայտնել է NEWS.am STYLE-ին` պատմելով նաեւ դեպքի մյուս մանրամասները.
«Սերիալի տեսարաններից մեկը նկարահանելու համար «Երանի»-ի հիմնական կազմով մեկնեցինք Արմավիր, որտեղ գյուղերից մեկում հանդիպեցինք նաեւ հեռուստասերիալի երկրպագուներին: Նրանցից մեկը` մի երիտասարդ, ցանկացավ լուսանկարվել ինձ հետ: Լուսանկարվեցինք, իսկ հետո խնդրեց, որ միասին գնանք իր փոքրիկ քրոջն ուրախացնելու, որը, իր խոսքով, ինձ շատ է սիրում: Ասաց, որ մի փոքր հեռու է իրենց տունը, եւ ավտոմեքենայով 5 րոպեում կհասենենք: Ինձ հետ էր նաեւ մեր դիմահարդարը, եւ որոշեցինք երկուսով գնալ...Բայց ճանապարհին այդ տղան ինձ տարօրինակ բաներ էր ասում, թե իբր փախցնելու եւ ամուսնանալու է ինձ հետ: Սկզբում, բնականաբար, դա որպես կատակ ընդունեցի, բայց հետո զգացինք, որ ամեն ինչ լրջանում է, ու դիմահարդարը հաղորդագրություն գրեց ռեժիսորին, որ գան մեր հետեւից: Բարեբախտաբար, մեր անձնակազմը շատ հեռու չէր. նրանց ավտոմեքենան տեսնելով՝ երիտասարդը վախեցավ եւ կանգնացրեց մեքենան»,-նշեց դերասանուհին` հավելելով, որ երկրպագուի դեմ ոչ մի բողոք չի ցանկանում ներկայացնել.
«Որոշեցի ընդառաջել նրա խնդրանքին եւ ներել նրան: Հիմա այս դեպքը հումորով եմ հիշում. պարզապես չէի սպասում, որ նման բան ինձ հետ կարող էր պատահել»,-նշեց Ադրիանան:
Հ.Գ. NEWS.am STYLE-ն ու Ադրիանա Գալստյանը շնորհավորում են բոլորի ապրիլի 1-ը` մաղթելով ավելի շատ ժպիտներ: Իսկ ներկայացված պատմությունն, իհարկե, ապրիլմեկյան կատակ էր:
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
