Երեք տարածված սովորություն, որոնք կործանարար են աչքերի ու տեսողության համար
Աչքերի ու տեսողության մասին հոգ տանելու կարևորության մասին շատերը գիտեն, սակայն ոչ բոլորն են իսկապես հետևում այս օրգանների առողջական վիճակին և միջոցներ ձեռնարկում խնդիրների զարգացումից խուսափելու համար։ Մասնագետները հաճախ են նշում, որ մարդու աչքերն ամենակարևոր օրգաններից են, սակայն մարդիկ անգիտակցաբար վատթարացնում են աչքերի վիճակն ու տեսողությունն անվնաս թվացող սովորություններով, որոնք իրականում կործանարար են տեսողության օրգանների համար։
Նման խնդիրներից խուսափելու համար գերմանացի մասնագետները ներկայացրել են երեք տարածված սովորություն, որոնք կործանարար ազդեցություն են ունենում աչքերի ու տեսողության վրա։
Մոռանալ արևային ակնոցի կրելու մասին
Արևային ակնոց կրելը շատ կարևոր է աչքերի առողջության պահպանման համար, սակայն մասնագետների այս խորհրդին մարդիկ ոչ միշտ են հետևում։ Պարբերաբար արևի ճառագայթների ազդեցությանը ենթարկվելը բարձրացնում է եղջերաթաղանթի ու ցանցաթաղանթի այրվածքներ ստանալու հավանականությունը, ինչը կարող է դառնալ աչքերի գրգռվածության, ցավոտ զգացողությունեների, վարակների ու բորբոքումների պատճառ։
Չափազանց երկար կրել կոնտակտային ոսպնյակները
Ակնաբույժների խոսքով՝ ոչ մի դեպքում չի կարելի երկար ժամանակ կրել կոնտակտային ոսպնյակներն առանց դրանք մաքրելու։ Էլ ավելի վտանգավոր կարող է լինել առանց ոսպնյակները հանելու քնելը։ Նման սովորությունը խանգարում է արցունքագեղձերի արտազատած հեղուկի շրջանառությունը, ինչի հետևանքով ոսպնյակները կպչում են աչքին։
Բացի այդ, անդադար ոսպնյակներ կրելու սովորությունը բարձրացնում է մանրէների արագ տարածման հավանականությունը, ինչը կարող է դառնալ տեսողության օրգաններում բորբոքումների զարգացման պատճառ։
Տրորել աչքերը
Հոգնածության դեպքում աչքերի արցունքագեղձերն ավելի քիչ հեղուկ են արտազատում, ինչի հետևանքով նկատվում է աչքերի չորություն ու քոր՝ առաջացնելով աչքերը տրորելու ցանկություն։ Սակայն մասնագետները նախազգուշացնում են, որ նման սովորությունը կարող է դառնալ լուրջ խնդիրների պատճառ, քանի որ ձեռքերին եղած բակտերիաները կարող են ախտահարել աչքերը՝ առաջացնելով վարակումներ ու բորբոքումներ։
Բացի այդ, աչքերը տրորելու սովորությունը կարող է դառնալ նաև մանր անոթների վնասվածքների պատճառ, ինչը կործանարար է տեսողության համար։ Ավելին՝ պարբերաբար աչքերը տրորելը կարող է անգամ հանգեցնել եղջերաթաղանթի դեֆորմացիայի կամ բարակացման, իսկ վատագույն դեպքում այն կարող է անդառնալի վնասվածքներ ստանալ, ինչն անկասկած բացասաբար կանդրադառնա տեսողության վրա։
Глава МИД Иордании: Подписание мирного соглашения между Арменией и Азербайджаном близко
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Зачем Пашинян полетел в Россию?․ Аршак Карапетян
Рост цен на продукты в Армении ускорился до 8,6%: ЕАБР
Предателя Пашиняна нужно скинуть с трона. Аршак Карапетян
«Арарат‑Армения» начала квалификацию Лиги чемпионов с победы над «Ригой»
При поддержке Юнибанка состоялся выпускной вечер Политехнического университета
Трамп: США больше не намерены вести торговлю с Испанией
