«Մարդիկ արդեն հասցրել են համոզվել, որ ես չկոտրվող տեսակ եմ». Դավիթ Չախալյան

«Շանթ» հեռուստաընկերության «X Factor» նախագիծը հասել է գալա համերգների փուլին:

Շուշանիկ Արևշատյանի խմբում հստակ քայլերով ու տպավորիչ կատարումներով առաջ է գնում Դավիթ Չախալյանը, ով այսօր Past.am-ի զրուցակիցն է:

- Սա արդեն Ձեր 2-րդ փորձն է նախագծում: Շատերը կարող էին առաջին անգամից հետո հանձնվել, բայց Ձեր դեպքում այդպես չեղավ: Ի՞նչը Ձեզ 2-րդ անգամ բերեց «X Factor»:

- Ինձ կրկին «X Factor» բերեց իմ աշխատասիրությունը, հավատը ուժերիս նկատմամբ, քանի որ երբ մարդ ինքն իրեն չի հավատում, ամեն բան հավասար է զրոյի:

- Նախքան Ձեզ կբաժանեին թիմերի, հոգու խորքում ու՞մ հետ էիք ցանկանում աշխատել և արդյոք գո՞հ եք ձեր այժմյան պրոդյուսերից:

- Չեմ թաքցնի, ի սկզբանե ցանկացել եմ աշխատել Գարիկի հետ, բայց աշխատելով ներկայիս պրոդյուսերիս՝ Շուշանիկ Արևշատյանի հետ, հասկացա, որ առանց նրա պրոյեկտում ինձ համար ամեն բան հավասարազոր կլիներ ոչնչի:

- Նախագծի կանոնների համաձայն՝ նախագծից դուրս մնալու դեպքում Դուք կարող էիք ընդգրկվել խմբերից որևէ մեկում և միաժամանակ հնարավորություն կունենայիք աշխատել Գարիկի հետ: Եթե հանկարծ ամեն ինչ այդպես դասավորվեր, կհամաձայնեի՞ք, թե այնուամենայնիվ ցանկանում եք որպես անհատ կատարող հանդես գալ:

- Միանշանակ չէի համաձայնի խմբով աշխատել, քանի որ ուզում եմ որպես անհատ կայանալ: Բայց քանի որ պրոյեկտների կանոնները պահանջում են, եթե իրենք ցանկանային, արդեն կպարտավորվեի՝ որևէ խմբում ընդգրկվել:

- Եթե Ձեզ հնարավորություն տային՝ դեռ լսումների փուլից սկսած՝ նախագծից դուրս մնացած մասնակիցներից մեկին ետ բերել, ու՞մ կընտրեիք:

- Եթե ինձ այդպիսի հնարավորություն տային, միանշանակ ետ կբերեի Մանե - Մարիամ Բաղդասարյանին:

Մանրամասները՝ սկզբնաղբյուր կայքում: