Նիկոլ Փաշինյանը ոչ թե համախմբել, այլ պառակտել է մարդկանց. Լիլի Մորտո

Հայտնի սկանդալային մոդել Լիլիթ Մարտիրոսյանը, նույն ինքը՝ Լիլի Մորտոն իր ֆեյսբուքյան էջում անդրադարձել է ընդդիմադիր շարժման ղեկավար Նիկոլ Փաշինյանի ելույթին՝ նշելով. «էս ու՞մ եք ուզում վարչապետ ընտրել, ժողովո՛ւրդ… Հասարակ հարգալից խոսալու ձեւ չգիտի, ոնց որ անմակարդակ, խուլիգան, չարաճճի, կռվարար, հանդուգն 17 տարեկան լակոտ լինի… Զարմանում եմ՝ դուք էս ամեն ինչը չե՞ք տեսնում, թե՞ ուղղակի ձեռնտու չի տեսնել…: Ցանկացած պարագայում, ցանկացած մարդու՝ կողքից նայեք «հոգով իսկական հոգեբանի» աչքերով ու ձեզ համար ամեն ինչ պարզ կդառնա…»:

Լիլի Մորտոյի այս գրառումը շատերի զայրութն է առաջացրել, որին հաջորդել է վիրտուալ տիրույթում նրա վրա հարձակումը՝ բացասական մեկնաբանությունների տեսքով:

Այս թեմայի շուրջ խոսելու նպատակով Life.panorama.am-ը կապ հաստատեց Լիլի Մորտոյի հետ, ով նշեց.

«Կարծում եմ՝ ցանկացած մարդ ունի կարծիք արտահայտելու իրավունք, եւ եթե մեկը ամբոխից առանձնանում է իր տեսակետով, ապա դա դեռ չի նշանակում, որ ամբոխն է ճիշտ: Նիկոլ Փաշինյանի մասին ես շարունակում եմ մնալ իմ կարծիքին: Եվ եթե ասում են, թե նա համախմբել է մարդկանց, ապա ես հակառակը կասեմ՝ նա պառակտել է մարդկանց եւ այսօր ինտերնետ տիրույթում մեկնաբանություններին հետեւելով՝ դա պարզ երեւում է: Եթե ես կամ մյուսները չենք սատարում Նիկոլ Փաշինյանին եւ նրա գաղափարները, ապա դա դեռ չի նշանակում, որ մենք ՀՀԿ-ականներ ենք կամ թշնամիներ. մեզնից ամեն մեկն իր կարծիքն ունի»:

Շարունակութունը՝ սկզբնաղբյուրում