«Եթե ես մեկ րոպե բարձրաձայն ասեմ, թե ինչերի մասին եմ մտածում, ինձ կտանեն հոգեբուժարան». Գաբի Գալոյան
ShowBiz.am-ի զրուցակիցը երգչուհի Գաբի Գալոյանն է, ում հեռուստադիտողը ճանաչեց «Երանի» երգով: Ինչպես երգչուհին է նշում, երգն ու երգարվեստն իր համար ամեն ինչ են, երգում է և ապրում դրանով՝ չնայած նրան, որ ճանապարհի սկիզբն այդքան էլ հարթ չի եղել, և Գաբին, ուժեղ գտնվելով, փորձել է դրանք շրջանցել. «Իմ առջև դրել եմ նպատակ և փորձել եմ իմ նպատակը պաշտպանել բոլոր տեսակի վտանգներից: Հանդիպող հիասթափությունները փորձել եմ շրջանցել մարդկանց սիրելով՝ մարդասիրությամբ. սիրում եմ մարդկանց ու մանավանդ իմ հանդիսատեսին»,-ասում է նա:
Երգչուհին իր երջանիկ լինելու յուրահատուկ բանաձևն է գտել. «Ես միշտ փորձում եմ ֆիքսել ու վայելել երջանիկ և ուրախ պահերը կյանքիս, քանզի ոչ մի երջանիկ վայրկյան հավերժ չէ»,-ասում է նա և հավելում, որ կնոջը երջանիկ կարող է դարձնել ընդհանուր ներդաշնակությունը: Երգչուհին ցավով է նշում, որ այսօր իսկական տղամարդու կերպարը կորել է. «Շատ կուզեի մեր հայ տղամարդկանց նման լինեին բոլորը: Ինձ կարող է վանել տղամարդու թերարժեքության բարդույթը, քանի որ սիրում եմ ինքնաբավ ու խելացի տղամարդու տեսակը»:
Գաբին սիրում է երբեմն միայնակ մնալ իր մտքերի հետ և անկեղծանալ, իսկ թե ինչերի մասին է նա մտածում այդ ժամանակ, երգչուհին նման կերպ պատասխանեց. «Ես եթե 1 րոպե բարձրաձայն ասեմ, թե ինչերի մասին եմ մտածում, ինձ կտանեն հոգեբուժարան. մտքերս բազմազան են»:
Երգչուհին թեև շատ է ճանապարհորդում և, ինչպես ինքը շեշտեց, վերջին մեկ տարում 40-ից ավելի ճանապարհորդություններ է ունեցել, այնուամենայնիվ, իրեն հոգեհարազատ են Հայաստանն ու իր տունը: Վստահեցնում է, որ սիրտն ու միտքը միշտ իր հայրենիքում է լինում ճանապարհորդելիս:
Նա բուռն աշխատանքային գործունեություն է ծավալում. «Անդադար համերգային շրջագայությունների եմ մեկնում: ԱՄՆ-ում ունեցած մենահամերգիցս հետո պատրաստվում եմ շուտով վերադառնալ հայրենիք՝ նկարահանելու մի նոր տեսահոլովակ: Նոր երգ ունեմ, որն անչափ հուզիչ է: Տեսահոլովակի նկարահանումից հետո պետք է կրկին մեկնեմ շրջագայությունների»,-եզրափակեց Գաբին:
Юнибанк разыграет поездку в Италию среди новых держателей карт Mastercard World «Travel»
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Зачем Пашинян полетел в Россию?․ Аршак Карапетян
Предателя Пашиняна нужно скинуть с трона. Аршак Карапетян
Пашинян замотивирован уничтожить Армению․ Аршак Карапетян
День благодарности клиентам в Ванадзоре: IDBank
Станьте акционером Юнибанка и воспользуйтесь выгодным инвестиционным предложением
«Мой лес Армения» — бенефициар инициативы «Сила одного драма» в июле
Москва–Баку: есть разногласия, но связи сохраняются. А мы что делаем?
