Նոր տեղեկություններ Հայաստանում տարածված վիրուսի մասին. Բժիշկները զգուշացնում են
Հայաստանում 2018 թվականի հունվար-փետրվարին գրանցվել է քութեշի 109 դեպք` նախորդ տարվա նույն ժամանակի 68-ի համեմատ: Մեծ մասն արձանագրվել է մանկահասակ երեխաների շրջանում: Ֆեյսբուքյան խմբերից մեկում հայաստանցի ծնողները մտահոգություն են հայտնել իրենց մանկահասակ երեխաների շրջանում թե ամանորյա օրերին, թե վերջերս քութեշի բավականին շատ դեպքերի հետ կապված: Այս առիթով «Արմենպրես»-ը զրուցել է ՀՀ առողջապահության նախարարության հիվանդությունների վերահսկման և կանխարգելման ազգային կենտրոնի հատուկ վտանգավոր և օդակաթիլային վարակների բաժնի պետ Լիանա Թորոսյանի հետ:
«Նախորդ տարվա փետրվարին արձանագրվել է 44 դեպք, իսկ այս տարվա նույն ժամանակում՝ 54: Սակայն դեպքերի հաշվարկը համաճարակաբանական տեսակետից ճիշտ չէ մեկնաբանել բացարձակ թվերով: 100 000 բնակչի հաշվով նախորդ տարվա փետրվարին ցուցանիշը կազմել է 1.5, այս տարի՝ 1.8: Աճը շատ չնչին է: Թվի ավելացումը քութեշ հիվանդության համաճարակաբանական հսկողության համակարգի կատարելագործման և դեպքերի ակտիվ հայտնաբերման արդյունք է»,-ասաց Թորոսյանն ու նշեց, որ քութեշի բռնկման վտանգ չկա:
Քութեշը բնորոշ է միայն մարդկանց: Այն հիմնականում արտահայտվում է նշաբորբով, ընդհանուր ինտոքսիկացիայով և մանր կետավոր ցանով: Այս հիվանդության հիմնական թիրախային խումբը 2-10 երեխաներն են: Վարակի աղբյուր հանդիսանում են միայն հիվանդ անձինք: Լիարժեք չբուժվելու դեպքում մարդը կարող է դառնալ առողջ վարակակիր: Այն փոխանցվում է օդակաթիլային ճանապարհով, բայց երեխաների դեպքում չի բացառվում նաև կոնտակտային ճանապարհը:
Թորոսյանը հորդորեց առաջին իսկ ախտանշանների դեպքում դիմել բժշկական օգնության, որպեսզի հիվանդը չդառնա առողջ մանրէակիր, և կանխվի հիվանդության տարածումը: Բժշկի դիմելու դեպքում բարդությունները բավականին քիչ են լինում: Հիվանդությունը շատ հեշտ է բուժվում: Սակայն եթե հիվանդության 4-5-րդ օրը օրգանիզմը շատ թույլ է, կարող են զարգանալ էնդոկարդիտներ, մի խումբ լիմֆատիկ գեղձերի բորբոքումներ, հոդերի ախտահարումներ:
«Քութեշի բռնկման վտանգ չկա այս պահին: Հիվանդացության 10 դեպքով բարձրացումը չի կարելի վտանգ համարել: Առհասարակ քութեշով բռնկումներ շատ հազվադեպ են գրանցվում»,-եզրափակեց Թորոսյանը:
Безопасное рабочее место как гарантия развития
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
Украина ударила беспилотниками по химическому заводу в Тольятти
Пошёл и «за границей» жалуется на Церковь и оппозицию: своеобразный «отчёт»: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Сумма, выделенная правительством, покроет только часть расходов, а размер гонорара держится в секрет...
