Խանդոտ երկրպագուն ծծմբաթթու լցրեց մոդելի դեմքին, և հիմա մի քանի վիրահատություններից հետո տեսեք ինչպիսին է դարձել աղջիկը (Ֆոտոշարք)

21 -ամյա Ռեշամ Խանի կողքով անտարբեր չէր կարող անցնել ոչ մի տղամարդ:

Ուսանող լինելուց բացի, աղջիկը նաև մոդել էր: Եվ դա էր նրա երկրպագուների մեծ բանակ ունենալու պատճառը:

Թվում էր, թե ամեն ինչ շատ լավ էր ընթանում, բայց կարճ ժամանակ անց տեղի ունեցավ ամենասարսափելին:

Իր ծննդյան տոներից մեկի ժամանակ, երբ Ռեշամը զարմուհու հետ գնում էր ռեստորան, մի տղամարդ, ով շարունակ հետևում էր նրանց, հարմար պահ որսալուց հետո մոտեցել էր Ռեշամին և ծծմբաթթու լցրել աղջկա դեմքին: Ինչպես հետագայում պարզվեց, այդ տղամարդը Ռեշամի մոլեռանդ երկրպագուն էր:

Այդ օրից ի վեր սկսվեցին Ռեշամի դժոխային օրերը: Բուժման առաջին ամսում աղջիկը նույնիսկ չէր կարողանում տեսնել, իսկ դեմքի ցավը նրան չէր թողնում մեկ վարկյան անգամ հանգստանալ:

Բացի ֆիզիկական ցավից, Ռեշանը նաև խոր դեպրեսիայի մեջ էր: Բժիշկները պնդում էին, որ նրա դեմքի սպիերը երբեք չեն կարող լիարժեք անհետանալ, և, որ նա այլևս առաջվա նման գեղեցիկ չի լինի:

Դեռ հուլիսին Ռեշանը համացանցում իր հետևորդներին խոստովանել էր, թե ինչքան է ամաչում իր արտաքինի համար և նույնիսկ վախենում փողոց դուրս գալ:

– Ես շատ եմ վախենում, թե ինչպես մարդիկ կարձագանքեն, երբ տեսնեն ինձ այս վիճակով: Կյանքն ինձ համար կարծես կանգ է առել, ես շատ եմ վախենում,- գրել էր Ռեշամն իր էջում:

Սակայն դեպքից 4 ամիս անց բժիշկների և մի քանի պլաստիկ վիրաբույժների ջանքերի շնորհիվ, Ռեշամը սկսեց ապաքինվել: Նրա ընկերներից շատերը նույնիսկ պնդում էին, որ Ռեշամը վիրահատություններից հետո ավելի է գեղեցկացել:

Բուժումն ավարտելուց հետո, Ռեշամը իր նոր լուսանկարները տեղադրեց համացանցում և մեկնաբանեց դրանք. «Դուք ինձ ամենավատ վիճակում արդեն տեսել եք, իսկ հիմա ուրախանալու և հաղթանակը տոնելու ժամանակն է»:

Պետք է նշել, որ նրա հաջողությունների մեջ մեծ դեր են ունեցել նրա ընկերները և մտերիմները, որոնք շատ կարճ ժամանակահատվածում, բարեգործական ծրագրերի շնորհիվ կարողացան հավաքել անհրաժեշտ գումարը և օգնել իրենց ընկերուհուն:

Նյութը հրապարակման պատրաստեց՝ Rednews.info-ն