Կինը մատանի էր գնել 13 դոլարով. 30 տարի անց նա ցնցող գաղտնիք իմացավ

Կան որոշակի գործոններ և մոտեցումներ, որոնք օգնում են գնահատել ալմաստը նախքան գնելը․ գույնը, պայծառությունը, կարատը և այլն։ Եթե մտադիր եք ալմաստ գնել ամբողջ կյանքի համար, ուրեմն այդ մոտեցումներին պետք է առանձնահատուկ ուշադրություն դարձնել։

Գինը ևս մի կարևոր բաղկացուցիչ է, որը չարժե անուշադրություն մատնել։ Մեծ Բրիտանիայում ոմն կնոջ թվացել է, թե ինքը 13 դոլարանոց հասարակ զարդ է գնել։

Կինն այդ շարքային գնումն արել էր արևմտյան Միդլեքսում, 1980-ականներին։ Նրան այնքան էր դուր եկել մատանին, որ ամբողջ կյանքում մատից չէր հանում։ Մի գեղեցիկ օր, այնուամենայնիվ, նա դիմում է ոսկերչի։ Ցանկանալով անհայտ մնալ՝ կինը ոսկերչին խնդրում է գնահատել իր մատանին։

Պարզվում է՝ 13 դոլարով գնված իր զարդը ոչ ավել, ոչ պակաս՝ 26 կարատանոց՝ 456 հազար դոլար արժողության ալմաստ է։ Ավելի քան 30 տարվա ընթացքդում կնոջ մտքով չի էլ անցել, որ իր մատի «հասարակ զարդը» ամբողջ կարողություն է։ Պրոֆեսիոնալ ոսկերիչ Ջեսիկա Ուինդեմը պատմում է, որ այդ թանկարժեք մատանին հեշտությամբ կարելի էր շփոթել էժանագին զարդի հետ։

Շուտով պարզվում է նաև, որ մատանու քարը 19-րդ դարի ալմաստ է։ Ուինդեմը պարզաբանում է․ մարդիկ, իբրև կանոն, ավելի հաճախ կարևորում են փայլը՝ մոռանալով քարի իրական գինը սահմանող զանազան մանրունքների մասին։ Կռահումը հաստատելու համար մատանու քարի իսկությունը ստուգվում է ԱՄՆ երկրաբանական ինստիտուտում, որտեղ վերահաստատվում է գինը․ 325 հազարից մինչև 456 հազար ԱՄՆ դոլար։ Հռչակավոր մատանին նորերս վաճառվել է աճուրդում, սակայն գնորդի անունն ու մատանու ձեռքբերման գինը գաղտնի է պահվում։