Եթե մարդն ասում է Վանից եմ, «ստալինյան հայրենասիրության» դրսևորում է. այն նպատակ ունի հային պանդուխտի գիտակցության մեջ պահել և թույլ չտալ, որ ՀՀ-ն զարգանա. Փաշինյան
Մենք հասկանալիորեն շատ խոսում ենք խաղաղության մասին, բայց ուզում եմ ընդգծել, որ խաղաղությունը ոչ միայն քաղաքական, այլև սոցիալ-հոգեբանական հասկացություն է։ Ես ուզում եմ նաև Կառավարության նիստում արձանագրել և նույնիսկ դատապարտել բոլոր այն միտումները, որոնց նպատակը Ղարաբաղից տեղահանված մեր հայրենակիցներին և ընդհանրապես հայ ժողովրդին պանդուխտի կարգավիճակում պահելն է։ Այս մասին Կառավարության նիստի ժամանակ ասել է վարչապետ Նիկոլ Փաշինյանը:
«Ի՞նչ կապ ունի սա խաղաղության թեմայի հետ, որովհետև, երբ մենք խոսում ենք վերադարձի օրակարգի մասին, նկատի ունենալով այն, ինչ հասկանալիորեն և ակնհայտորեն նկատի ունենք, ըստ էության, մենք առաջինը չենք թողնում, որ այդ մարդիկ խաղաղվեն և տնավորվեն: Սա շատ կարևոր է, որովհետև խաղաղությունը միայն պայմանագիր չէ, խաղաղությունն այն է, որ մարդը խաղաղվի: Չկա ավելի դաժան և տառապալի բան, քան սպասումը»,-նշել է նա:
Վարչապետն ասել է, որ մենք, որպես ժողովուրդ, ավելի քան 100 տարի է այդ սպասումով ենք ապրում:
«Ուզում եմ ընդգծել, որ սա կայսերական քաղաքականություն է, սա հակահայկական, ապահայկական քաղաքականություն է, որ մի խաղաղվեք, էսա կվերադառնաք կամ կվերադարձնենք, էսա Ցեղասպանության միջազգային ճանաչում կլինի, էսա կվերադառնաք Վան, Մուշ, Կիլիկիա և այդպես շարունակ: Այս քաղաքականությունն ունի երկու նպատակ, առաջինը՝ հայ ժողովրդին պահել պանդուխտի գիտակցության մեջ, և երկրորդը՝ թույլ չտալ, որ ՀՀ-ն որպես պետություն կայանա:
Այդ ի՞նչ երևույթ է, որ մարդը ծնվել, մեծացել է Հայաստանում, ապրում է ենթադրենք՝ Քաջարանում, Դիլիջանում կամ որևէ տեղ: Ինքն այստեղ է ծնվել, մեծացել, իր հայրն այստեղ է ծնվել, մեծացել, բայց ասում ես՝ դու որտեղի՞ց ես, ուզում ես իմանալ՝ որտեղ է ապրում, փողոցը և այլն, ասենք՝ մարդը կարող է ասել ես Վանից եմ։ Թվում է, թե այս ինչ հետաքրքիր, հայրենասիրական մոտեցում է, բայց սա լրիվ ուրիշ երևույթ է, սա կայսերական հայրենասիրության դրսևորում է: Չեմ վարանի, էլի ուզում եմ ասել, ավելի կոնկրետ «ստալինյան հայրենասիրության» դրսևորում է:
Մենք խաղաղությունը հաստատել ենք քաղաքական մակարդակում, բայց երբ խոսում ենք խաղաղության խնամքի մասին, դա նշանակում է սոցիալ-հոգեբանական մակարդակում է, մենք պետք է խաղաղվենք»,-հավելել է Փաշինյանը։
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
«След» Курдистана в списке «Республики»: кто такой Роман Мурадян? «Паст»
