Ֆասթ Բանկը դարձել է «Վան» ֆուտբոլային ակումբի գլխավոր հովանավորը
Ֆասթ Բանկն ու Չարենցավանի «Վան» ֆուտբոլային ակումբն օրերս գործակցության պայմանագիր են կնքել, որով Բանկը հովանավորելու է նոր ձևավորված ֆուտբոլային թիմին։
Ֆասթ Բանկում կարևորում են ֆուտբոլի առաջխաղացումը, տաղանդավոր երիտասարդների բացահայտումը և նրանց համար զարգացման հավասար հնարավորությունների ստեղծումը։
Ֆասթ Բանկի ֆինանսական տնօրեն Գոհար Հարությունյանը նշել է․ «Մենք հաստատապես համոզված ենք, որ մեր ֆուտբոլը կարող է մեծ բարձունքների հասնել միայն այն ժամանակ, երբ բոլորիս ուժերը միավորվեն, իսկ ֆուտբոլային կենտրոնները լինեն նաև մայրաքաղաքից դուրս։ «Վանը» թեև երիտասարդ թիմ է և նոր նախագիծ, բայց արդեն հասցրել է ցույց տալ իր բնավորությունը։ Մեզ համար մեծ պատիվ է աջակցել այսպիսի պայքարող թիմի։ Ֆասթ Բանկն իր հերթին նույնպես երիտասարդ, բայց շատ ամբիցիոզ ու արագ զարգացող կառույց է։ Մենք սիրում ենք համարձակ նպատակներ դնել մեր առջև, ուստի վստահ եմ՝ մեր և «Վանի» համագործակցության արդյունքում ականատեսը կդառնանք շատ գեղեցիկ և հիշարժան հաղթանակների»:
«Վան» ակումբը հիմնադրվել է 2019 թվականին և կարճ ժամանակում հասցրել է դառնալ Հայաստանի Բարձրագույն խմբի մրցունակ թիմերից մեկը՝ ցուցադրելով կայուն խաղ և համառ պայքար։ «Վան» ակումբը ոչ միայն հաջողությամբ հանդես է գալիս առաջնություններում, այլև նպաստում է Չարենցավանում ֆուտբոլի նկատմամբ հետաքրքրության աճին։
«Ուրախ եմ այս համագործակցության համար, որով «Վան» ֆուտբոլային ակումբի գլխավոր հովանավորը Ֆասթ Բանկն է, և վստահ եմ, որ այս համագործակցությունն է՛լ ավելի կնպաստի մեր ակումբի և Չարենցավանի ֆուտբոլի զարգացմանը և մեր հետագա նպատակների իրագործմանը», - ասել է «Վան» ՖԱ գլխավոր տնօրեն Սևադա Արզումանյանը։
Ֆասթ Բանկում կարևորում են սպորտային, կրթական, մշակութային և այլ ոլորտների զարգացումը։ Վերջին շրջանում Բանկը դարձել է «Փյունիկ» ակումբի կանանց, երիտասարդական թիմերի և «Երևան» ֆուտզալի ակումբ տիտղոսային հովանավորը։
Ֆասթ Բանկը թվային բանկ դառնալուն միտված ընկերություն է, որը 24/7 աշխատանքային գրաֆիկով ներկայացված է Երևանում և Հայաստանի բոլոր մարզերում։
Ֆասթ Բանկը վերահսկվում է ՀՀ Կենտրոնական բանկի կողմից։
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
«След» Курдистана в списке «Республики»: кто такой Роман Мурадян? «Паст»
