«Սլավմեդ»-ում իրականացվեց հերթական բարդ ու հաջողված ռոբոտային վիրահատությունը
«Սլավմեդ բժշկական կենտրոն»-ը, որը Հայաստանում առաջինն է ներդրել ռոբոտային վիրաբուժական համակարգ և իրականացրել երկրի առաջին ռոբոտային վիրահատությունները, հաջողությամբ շարունակում է ռոբոտային համակարգով միջամտություններ կատարել՝ ապահովելով արդյունավետ բուժում և արագ վերականգնում։
Հերթական հաջողված, սակայն բարդ վիրահատություն էր. բուժառուի մոտ ախտորոշվել էր բարդ օնկոլոգիական խնդիր։
Պացիենտը մեկ տարի առաջ այլ կլինիկայում ենթարկվել էր բաց վիրահատության հաստ աղու աջ կեսի քաղցկեղի կապակցությամբ իրականացվել էր խթաղու աջ կեսի հեռացում, ստացել էր հետվիրահատական քիմիոթերապևտիկ բուժում և գտնվել հսկողության տակ։ Դինամիկայում դիտվել է հիվանդության պրոգրեսիա։ «Սլավմեդ բժշկական կենտրոն»-ի էնդոսկոպիկ ծառայության, ինչպես նաև ռոբոտային վիրաբուժության ծառայության ղեկավար, վիրաբույժ ուռուցքաբան Լևոն Նիկիտայի Գրիգորյանի խոսքով՝ չնայած անցկացվող երկրորդ մակարդակի քիմիաթերապևտիկ բուժումների, դիտվել է հիվանդության նոր օջախների մեծացում, դրանց տարածմամբ դեպի, աջ միզածորան, զույգ հավելումներ, ուղիղ աղի, որովայնի և կոնքի պատեր։
Մուլտիդիսցիպլինար քննարկման արդյունքում որոշվում է գնալ ցիտոռեդուկտիվ՝ օջախների հնարավոր մաքրման վիրահատության, պացիենտի հետ քննարկումների արդյունքում հաշվի առնելով հիվանդության տեղակայումը և ռիսկերը, որոշում է կայացվում վիրահատությունն իրականացնել ռոբոտային եղանակով՝ որպես առավել ճշգրիտ, նվազ ինվազիվ, արդյունավետ և անվտանգ եղանակի։
«2024 թվականին ունեցել եմ բաց վիրահատություն և անցել քիմիոթերապիա։ Սակայն որոշ ժամանակ անց խնդիրը կրկին գլուխ բարձրացավ, և որոշվեց, որ անհրաժեշտ է նոր վիրահատություն։ Այդ ընթացքում տեղեկացա ռոբոտային վիրաբուժության մասին և հենց հաջորդ օրը կապ հաստատեցի Լևոն Նիկիտիչի հետ»,- պատմում է բուժառու Հասմիկ Չակմազյանը։
Բժիշկ Գրիգորյանը հավելում է, որ պացիենտը նույնպես կողմ էր ռոբոտային վիրահատությանը։ Նրա խոսքով՝ լրացուցիչ հետազոտություններից հետո մուլտիդիսցիպլինար թիմով կազմվել էր գործողության պլանը և սկսվել վիրահատությունը։ Դեպքը բարդ էր ինչպես հիմնական հիվանդությամբ պայմանավորված, այնպես էլ նախորդ բաց վիրահատությունից հետո առաջացած հոծ ու տարածուն կպումների պատճառով։ Թիմի ջանքերով և գերժամանակակից ռոբոտային համակարգի օգնությամբ առանց բարդությունների հնարավորինս հեռացվեցին մետաստատիկ օջախները՝ ներաճած հարակից օրգանների և հյուսվածքների հետ միասին։
«Հետվիրահատական փուլը շատ թեթև անցավ։ Նախկինում ունեցել եմ մեծ, բաց վիրահատություն, և տարբերությունը ռոբոտային վիրահատության հետ անհամեմատելի է։ Վիրահատության հաջորդ օրը Լևոն Նիկիտիչի կարգադրությամբ ես ոտքի կանգնեցի, արեցի առաջին քայլերը, կարողացա ինքնուրույն շարժվել, ջուր խմել։ Չորրորդ օրն ինձ լիովին լավ էի զգում և դուրս գրվեցի»,- ասում է բուժառու Հասմիկ Չակմազյանը։
Ռոբոտային վիրաբուժությունը կիրառվում է բազմաթիվ ոլորտներում՝ ընդհանուր վիրաբուժություն, օնկոլոգիա, կոլոպրոկտոլոգիա, բարիատրիկ վիրաբուժություն, ճողվածքների վիրաբուժություն, ուրոլոգիա, գինեկոլոգիա և այլն։ Վիրահատությունը կատարում է վիրաբույժը, այսինքն՝ բժիշկն է կառավարում ռոբոտի գործողությունները, իսկ ռոբոտը մեր գործողություններին տալիս է նրբություն, ճշտություն և ճկունություն, ինչը հնարավոր չէ ունենալ վիրահատությունների այլ տարբերակների դեպքում։
«Սլավմեդ բժշկական կենտրոն»-ի էնդոսկոպիկ ծառայության ղեկավար, վիրաբույժ Լևոն Նիկիտայի Գրիգորյանի խոսքով՝ ռոբոտային վիրաբուժության կամ ռոբոտ-ասիստացված միջամտությունների ընթացքում վիրաբույժը փաստացի ունի չորս ձեռք․ նա է կառավարում երեք աշխատանքային ձեռքերը և տեսադաշտը։ Սա վիրահատությունը դարձնում է առավել անկախ, արդյունավետ և միաժամանակ՝ առավել անվտանգ։
Լևոն Գրիգորյանը հավելում է․ «Մենք առաջինն ենք նաև, որ ձևավորել ենք ռոբոտային վիրաբուժական թիմ։ Այսօր ունենք լիարժեք վերապատրաստված մասնագիտական թիմ՝ վիրաբույժ, ուրոլոգ, գինեկոլոգ, ինչպես նաև կրտսեր բուժանձնակազմ։ «Սլավմեդ»-ը 24/7 ռեժիմով ապահովում է ռոբոտային վիրաբուժության հասանելիություն Հայաստանում։ Մենք ուրախ ենք նաև մեր երկրի, մեր բուժառուների համար, որովհետև կարողանում ենք ապահովել այն ողջ ծավալը, որն այսօր իրականացվում է «Սլավմեդ բժշկական կենտրոնում»։
«Սլավմեդ»-ը շարունակում է մնալ առողջապահության ոլորտի առաջատար բժշկական կենտրոններից մեկը՝ վերահաստատելով, որ առաջնահերթությունը միշտ մնում է պացիենտների առողջությունը, անվտանգությունն ու կյանքի որակի բարելավումը։
Не помогла даже откровенная поддержка ЕС и США: выборы стали также своеобразным референдумом: «Паст»
Политическая месть ценой экономической безопасности: «Паст»
Почему власть сама ставит себя в нелепое положение? «Паст»
Тотальный цифровой контроль над гражданами: власть хочет получить доступ ко всем данным мобильных те...
Почему Аветик Чалабян вновь оказался в центре внимания властей? «Паст»
Россия полностью остановила импорт рыбы из Армении
Выборы также развеяли миф об антироссийских настроениях: «Паст»
Когда любая уступка превращается в отправную точку для новых требований: «Паст»
Пропасть в сфере безопасности и необходимость спасения государственности: предупреждение Аршака Кара...
Помимо всего прочего, это просто бесчеловечно: «Паст»
