Ֆրանսիայում հաքերները 16.4 միլիոն մարդու անձնական տվյալներ են գողացել՝ հարձակվելով ՆԳՆ համակարգերի վրա․ Figaro
Անցյալ շաբաթ Ֆրանսիայի ներքին գործերի նախարար Լորան Նունյեսը հայտնել է, որ գերատեսչության համակարգերը ենթարկվել են կիբերհարձակման և հաքերները մուտք են գործել մի շարք ներքին ֆայլեր։ Նրա խոսքով՝ չկան ապացույցներ այն մասին, որ համակարգերը լուրջ վնաս են կրել։
«Մենք հաջողությամբ կոտրել ենք Ֆրանսիայի ՆԳՆ (համակարգերը)։ Ինչպես հաղորդում են ֆրանսիական լրատվամիջոցները, իշխանությունները խոստովանել են միայն այն, որ մենք մուտք ենք գործել կառավարության էլեկտրոնային փոստի սերվերներ... Ինչո՞ւ չեք խոսում 16,444,373 անձանց տվյալների մասին, որոնց մենք կարողացել ենք հասանելիություն ստանալ՝ կոտրելով ձեր ոստիկանության ռեգիստրները», - մեջբերում է թերթը BreachForums հանցագործ ֆորումում տեղադրված հայտարարությունը։
Ինչպես հիշեցնում է պարբերականը, նախկինում այս ֆորումում, որն իշխանությունները փակել են արդեն մի քանի անգամ, հրապարակվել են ավելի քան հազար տվյալների բազաներ՝ գողացված ամերիկյան ձեռնարկություններից կամ կառավարական կազմակերպություններից, ինչպիսին է օրինակ ՀԴԲ-ն: Ֆորումի անդամներից մեկը ցանցում տեղադրել է նաև X սոցիալական ցանցի ավելի քան 200 միլիոն օգտատերերի անձնական տվյալները, ասվում է հոդվածում:
Այժմ Indra կեղծանունով օգտատերը պնդում է, որ Ֆրանսիայի ՆԳՆ համակարգերը կոտրած հաքերները հասանելիություն են ստացել հետախուզվող անձանց ցուցակին և նախկին դատվածությունների վերաբերյալ տվյալների բազային, որը տեղեկություններ է պարունակում հանցագործների, տուժողների և վկաների մասին, գրում է Figaro-ն: Նրա խոսքով՝ հարձակման թիրախում են հայտնվել նաև Ինտերպոլի կապի ուղիների համակարգը, Պետական ֆինանսների գլխավոր վարչությունը և Ծերության ապահովագրության ազգային հիմնադրամը, հայտնում է թերթը:
Անհայտ օգտատերը նաև հայտարարել է, որ կիբերհարձակումը վրեժ է հայտնի Shiny Hunters հաքերային խմբավորման գրեթե բոլոր անդամների ձերբակալության համար: Չարագործները կառավարությանը մեկ շաբաթ ժամանակ են տվել իրենց հետ կապ հաստատելու և բանակցություններ սկսելու համար, հակառակ դեպքում գողացված տվյալները կհրապարակվեն, նշվում է նյութում:
Какой закон, какие урегулирования, кому они нужны? «Паст»
Односторонняя повестка уступок и политика молчания официального Еревана: «Паст»
Почему Пашинян так спешит? «Паст»
Юридический «беспредел»: как пытаются «переварить» нарушения на выборах? «Паст»
Тонкое искусство «кайфаваться» над народом и все «бросить в карман народа»... «Паст»
Почему власть сама ставит себя в нелепое положение? «Паст»
«Фокус» университета Брюсова: объявление о бесплатных местах в последнюю минуту։ «Паст»
«Если завтра границы снова откроются, нашему товару не будет места на этом рынке»: «Паст»
Административный суд признал бездействие полиции незаконным
Когда любая уступка превращается в отправную точку для новых требований: «Паст»
