ԱրարատԲանկը մասնակցել է WEPs «Կանանց հզորացման սկզբունքները Հայաստանում» համաժողովին
ԱրարատԲանկը մասնակցել է ՄԱԿ-ի Կանանց հարցերով կազմակերպության՝ «Կանանց հզորացման սկզբունքները Հայաստանում. ներառական և արդար տնտեսական աճի խթանում» խորագրով համաժողովին, որն անցկացվել է Երևանում։
Այս միջոցառումը կարևոր քայլ էր` ուղղված ՄԱԿ-ի Կանանց հարցերով կազմակերպության և Հայաստանի մասնավոր հատվածի միջև երկարատև համագործակցության ամրապնդմանը: Համաժողովի նպատակն էր խորացնել ռազմավարական երկխոսությունը բիզնես առաջնորդների, «Կանանց հզորացման սկզբունքները» ստորագրող ընկերությունների և հիմնական շահագրգիռ կողմերի միջև՝ ներառական և արդար տնտեսական աճը խթանելու համար:
Համաժողովի ընթացքում ԱրարատԲանկը իր փորձով կիսվեց մասնավոր հատվածի այլ ներկայացուցիչների հետ։
ԱրարատԲանկի Մարդկային ռեսուրսների կառավարման Վարչության գլխավոր մասնագետ Լիլիթ Հայրապետյանը համաժողովին հանդես է եկել ԱրարատԲանկում Կանանց հզորացման սկզբունքների կիրառման վերաբերյալ զեկույցով։
«ԱրարատԲանկը WEPs ծրագրին միացել է 2022 թվականին, որի նպատակն էր շարունակել զարգացնել այնպիսի ուղղություններն, ինչպիսին են՝ ի թիվս այլոց, կանանց տնտեսական հզորացումը, նրանց ներգրավվածության բարձրացումը ղեկավար կազմում, բանկի և աշխատողների սոցիալական պատասխանատվության բարձրացումը։ Անդրադարձել ենք նաև այն փոփոխություններին, որոնք կատարվել են ծրագրին միանալուց ի վեր։ Իսկ արդյունքները տպավորիչ են՝ կին աշխատակիցների համար առաջնորդության դասընթացներից մինչև առաջխաղացում, ֆինանսական գրագիտության արշավներից մինչև միջազգային կառույցների հետ համագործակցության շրջանակներում կին ձեռներեցներին շահավետ պայմաններով վարկավորում»,- նշեց Լիլիթ Հայրապետյանը։
Նա հավելեց, որ Կանանց հզորացման ծրագրի /WEPs/ սկզբունքների կիրառումը ոչ միայն բարձրացնում է կանանց դերը հասարակության շրջանում, այլև նպաստում է բիզնեսի, համայնքների և կորպորատիվ սոցիալական պատասխանատվության զարգացմանը:
Համաժողովի ընթացքում ԱրարատԲանկին շնորհվեց «Կանանց հզորացման սկզբունքները» ստորագրած ընկերության վկայագիր։
Հիշեցնենք, որ սույն թվականի հուլիսին ԱրարատԲանկը մասնակցել էր Վրաստանում անցկացվող ՄԱԿ-ի Կանանց հարցերով կազմակերպության տարածաշրջանային աշխատաժողովին՝ «Մասնավոր հատվածի կարողությունների զարգացում՝ կանանց հզորացման սկզբունքների (WEPs) իրականացման համար» խորագրով: Հայաստանի պատվիրակության անունից ելույթ էր ունեցել ԱրարատԲանկի Հաղորդակցության և սոցիալական պատասխանատվության ծրագրերի համակարգման բաժնի ղեկավար Աննա Ալլահվերդյանը։ Նա ԱրարատԲանկի օրինակով խոսել էր բանկում ղեկավար պաշտոններում կանանց ներկայացվածության մասին՝ նշելով, որ 2022 թվականին բանկը միացել է ՄԱԿ-ի Global Compact պայմանագրին, ինչպես նաև WEPs կանանց հզորացման սկզբունքներին՝ դառնալով WEPs նախաձեռնությանը միացած այդ տարվա առաջին ֆինանսական հաստատությունը:
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
