Ինչպես խոստացել էի՝ պարբերաբար կներկայացնեմ մեր մեծ թիմի ընթացիկ գործունեությունն ու նախաձեռնությունները․ Իվետա Տոնոյան
Իվետա Տոնոյանը ֆեյսբուքյան իր էջում գրել է․
Սիրելի՛ ընկերներ,
ինչպես խոստացել էի՝ այս ձևաչափով պարբերաբար կներկայացնեմ մեր մեծ թիմի ընթացիկ գործունեությունն ու նախաձեռնությունները։ Նպատակն է՝ առավել թափանցիկ ու համակարգված ներկայացնել կատարված աշխատանքն ու այն ուղղությունները, որոնց վրա կենտրոնացած ենք այս փուլում։
1․ «Առաջարկ Հայաստանին» նախաձեռնությունը
«Գագիկ Ծառուկյան» բարեգործական հիմնադրամի աջակցությամբ Ուսանողության միջազգային տոնին ընդառաջ հայտարարված մրցույթը սպասվածից ավելի մեծ արձագանք գտավ․ ստացել ու շարունակում ենք ստանալ հարյուրավոր հայտեր ու առաջարկներ՝ Հայաստանի տարբեր մարզերից, քաղաքամայր Երևանից և արտերկրում բնակվող հայ երիտասարդներից։ Դրանք վերաբերում են երիտասարդության առջև կանգնած ամենակարևոր հարցերին՝ կրթություն, զբաղվածություն, հայրենադարձություն, առողջ ապրելակերպ։ Այս պահին ձևավորվել է ծանրակշիռ և պրոֆեսիոնալ հանձնախումբ, որը նոյեմբերի 16-ից հետո կսկսի լավագույն առաջարկների ընտրությունը։ Քանի որ սա «Գագիկ Ծառուկյան» բարեգործական հիմնադրամի աջակցությամբ իրականացվող ծրագիր է, 100 տոկոսով երաշխավորված է հայտերի ուսումնասիրման գործընթացի արդարությունը։ Ընթացքի մասին կտրամադրեմ հավելյալ տեղեկատվություն:
2․ Թմրամոլության դեմ պայքարը
Այս թեման մեր օրերի ամենացավալի ու վտանգավոր մարտահրավերներից է։ Ցավոք, ոչ ոք դրանից ապահովագրված չէ։ Ուրախությամբ կարող եմ նշել, որ Գագիկ Ծառուկյանի հայտարարությունից հետո մարզաշխարհի բազմաթիվ անվանի ներկայացուցիչներ պատրաստակամություն են հայտնել միավորել ուժերը՝ պայքարելու այս չարիքի դեմ։ Գագիկ Ծառուկյանի համար այս աղետի դեմ պայքարը բացարձակ առաջնահերթությունների շարքում է, որտեղ չկա որևէ կոմպրոմիս։ Մեր միջավայրը, մեր տներն ու մեր քաղաքները օր առաջ թմրամիջոցների տարածումից մաքրելու գործընթացը պետք է յուրաքանչյուրիս ու բոլորիս գործը լինի։ Մենք կանգնած ենք առողջ սերունդ ձևավորելու պատասխանատվության առաջ և այս պայքարում յուրաքանչյուրիս դերակատարումը վճռորոշ է։
3․ Նոր նախաձեռնություն՝ վիրավորում ստացած զինծառայողների համար
Գագիկ Ծառուկյանի որոշմամբ՝ ՀԱՕԿ նախագահի օգնական նշանակված, 44-օրյա պատերազմում վիրավորում ստացած Էրիկ Եղյանի առաջին ծրագիրն արդեն ընթացքի մեջ է։ Մարտական գործողությունների ընթացքում վիրավորում ստացած մի խումբ երիտասարդներ արդեն սկսել են անվճար մարզվել «Օլիմպավան»-ում։ Այս նախաձեռնությունն ապացուցում է՝ ուժը, կամքը և հավատը սահմաններ չունեն։
Выполняя требования агрессора, мира не достичь. Аршак Карапетян
Армения оказалась на грани исторической катастрофы․ Аршак Карапетян
Бывшие руководители Словакии требуют от Никола Пашиняна прекратить политические преследования и давл...
Когда союзников не осталось: цена и последствия полной изоляции. Аршак Карапетян
«Сила одного драма» - благотворительной общественной организации «Орран»
Moody’s изменило прогноз по рейтингам IDBank на позитивный
Мы не хотим, чтобы сатана, пришедший к власти, судил христиан за их поступки
«Срочно подтвердите данные карты»: IDBank предупреждает о мошенничестве с бронированием отелей
Подведены итоги очередного этапа Junius: впереди новый этап
День благодарности клиентам - на этот раз в филиале IDBank «Эребуни»
