Փաշինյան-եկեղեցի դիմակայությունը առաջիկայում կրկին սրվելու է
Փաշինյան-եկեղեցի դիմակայությունը առաջիկայում կրկին սրվելու է, և մեղավորը Հովհանավանքի քահանա Ստեփան Ասատրյանն է։ Հիշեցնենք՝ երեկ Ամենայն հայոց կաթողիկոսը կարգալույծ է հռչակել Տեր Արամ Ասատրյանին։ Դրա համար հիմք են ծառայել Արագածոտնի թեմի առաջնորդի զեկույցը և Եկեղեցու կարգապահական հարցերի հանձնաժողովի եզրակացությունը՝ այն մասին, որ Տեր Արամ Ասատրյանն իր հրապարակային ելույթներով և հայտարարություններով վարկաբեկել է Հայ առաքելական եկեղեցին, թեմի առաջնորդին և այլ եկեղեցականների։ Ավելին, Ասատրյանի հայտարարությունների հիման վրա ձերբակալվել է 13 հոգևորական, ապա 2 հոգևորականների, այդ թվում՝ Արագածոտնի թեմի առաջնորդ Մկրտիչ եպիսկոպոս Պռոշյանին, կալանավորել են։
Ի սկզբանե ակնհայտ էր, որ Հովհանավանքի ըմբոստացած քահանան այլևս այրել է բոլոր կամուրջները՝ դառնալով Նիկոլ Փաշինյանի քարոզչության սպասարկուն։ Եվ պատրաստ է գնալ դիմադրության Հայ Առաքելական Եկեղեցու հետ։ Նա երեկ հայտարարել է, թե չի պատրաստվում հեռանալ Հովհանավանքից։ «Բնականաբար, չեմ հեռանալու, իմ ժողովուրդն ուզում է, որ ես ծառայեմ իրեն։ Այս ամբողջ ընթացքում, որ 6 տարի քահանայություն արել այստեղ, որևէ աջակցություն նրանց կողմից չեմ ունեցել»,- ասել է նախկին հոգևորականը՝ հավատացնելով, որ անհրաժեշտության դեպքում ավելի քան 10 հազար մարդ կհավաքվի և թույլ չի տա իրեն վտարել։ Ստեփան Ասատրյանի այս հայտարարությունից հետո մի տեսանյութ էլ Նիկոլ Փաշինյանն է տարածել՝ նշելով, որ մասնակցելու է կիրակնօրյա պատարագին, որը անցկացվելու է կարգալույծ արված հոգևորականով։
Փաշինյանը, բնականաբար, Հովհանավանք գնալու է բավականին մեծ շքախմբով և ոստիկանական ուժերի ներկայությամբ, որպեսզի հանկարծ ընդդիմադիրներին և եկեղեցու պաշտպաններին թույլ չտա պաշտպանել Հայ առաքելական եկեղեցին։ Թեպետ ավելի վաղ նշել ենք, որ Փաշինյանը ցանկանում է արդեն հոկտեմբերի 27-ին հարձակում իրականացնել եկեղեցու դեմ, Հովհանավանքի նախկին քահանայի քայլը նրան թույլ է տալիս մեկ օր շուտ սկսել իր քարոզչական արշավը։
Սրան զուգահեռ, գործող իշխանություններին ծառայող լրատվամիջոցներից մեկն էլ հերթական կեղծիքն է հրապարակել, թե Ամենայն հայոց կաթողիկոսը ցանկանում է նոյեմբերին մեծ հավաք հրավիրել և հայտարարել իր հրաժարականի մասին։ Ավելին, նույն կայքը գրում է, թե իբր Էջմիածնում մի խումբ եպիսկոպոսներ կան, որոնք ցանկանում են ամեն գնով կարգալույծ անել կաթողիկոսին։ Իրականությունը սակայն այն է, որ Փաշինյանին այս ողջ ընթացքում հաջողվել է ընդամենը 3 քահանային համոզել խոսել Հայ առաքելական եկեղեցու դեմ։ Ավելին, եթե մյուս երկուսն առանձնապես շատ չեն տարածվում իրենց հայտարարություններում, միայն Ստեփան Ասատրյանն է, որ դարձել է գործող իշխանությունների խամաճիկը։ Բայց դա չի խանգարում Նիկոլ Փաշինյանին եկեղեցու դեմ իր արշավը սկսել Հովհանավանքից։
Նոնա Ադամյան
Стартует конкурс образовательной программы «Армянские Виртуозы» фонда «Музыка во имя будущего»
Властям не нужны ни объективные наблюдатели, ни справедливые выборы։ «Паст»
Лидер партии обвинил власти в игнорировании угрозы «Западного Азербайджана»: «Прячут голову в песок»...
Новая Мишель Обама: смелый стиль, подтянутая фигура и сияющее лицо
Кому и почему мешает название «Арарат 73»? «Паст»
Что еще «откроют» перед выборами? «Паст»
За пределами политических лозунгов — вопрос экономической ориентации Армении
То, что делает Церковь, исходит только и только из интересов армянского народа и Армянской государст...
Почему Армения молча наблюдает за смертельными страданиями международного права? «Паст»
«Законодательный» «штыковый бой» властей против реальных наблюдателей: «Паст»
