Ընկերությանը դիտավորյալ տարել է սնանկացման «Փաստ»
«Փաստ» օրաթերթը գրում է.
«Աշտարակ–կաթ» ընկերության նախկին ղեկավարության բողոքի հիման վրա դատական գործեր են սկսվել հարյուրավոր մարդկանց նկատմամբ: Այսօր այդ մարդկանցից մի քանիսը եկել էին կառավարության շենքի մոտ՝ արդարությունը վերականգնելու հույսով:
Արագածոտնի մարզի Աշտարակ քաղաքից Երևան եկած անհատ ձեռնարկատեր Հովհաննես Հովհաննիսյանը «Փաստ»–ի հետ զրույցում պատմեց, որ 2016 թ. ինքը ապրանք է ստացել «Աշտարակ–կաթ»–ից և տեղում վճարել դրա դիմաց: Իսկ հիմա «Աշտարակ–կաթ» ՓԲԸ–ն և նրա սնանկության գործերով կառավարիչը որոշել են, որ ինքը և բազմաթիվ այլ քաղաքացիներ տվյալ ապրանքների համար չեն վճարել, և դատական կարգով փորձում են նրանցից բռնագանձել այդ նույն գումարը:
«Գրվել են վճարման հանձնարարագրերը, ապրանքը մատակարարվել է տեղում, տեղում կանխիկ ձևով վճարվել առաքիչին, մենք էլեկտրոնային կարգով ստորագրել ենք, բայց մեզ խաբել են՝ վստահությունը չարաշահելով, մեզ չեն տվել դրանց վճարման անդորրագրերը՝ ասելով, թե հետո կբերեն: Եվ սա վկայում է այն մասին, որ կանխամտածված, ծրագրավորված, մեր դեմ ուղղված հանցագործություն է: Սնանկացման արդյունքում է տեղի ունեցել, հիմա կատարվում է սնանկացման գործընթաց»,– ասաց նա:
Ասում է, որ իր պես 250–400 տուժող կա, և այս տվյալները դեռ հավաստի չեն, անընդհատ աճելու են, որովհետև համախմբում չկա և մեկ դատարանում չէ գործը քննվում: Տուժողներ կան հանրապետության ամբողջ տարածքում՝ և՛ Երևանում, և՛ տարբեր մարզերում: «Աշտարակ–կաթ»–ն այսօր գումար է պահանջում գրեթե բոլորից, ում ժամանակին ապրանք է մատակարարել:
Հովհաննես Հովհաննիսյանն իր իբր պարտք լինելու մասին տեղեկացել է մի քանի ամիս առաջ՝ 2017 թ. դեկտեմբերին, երբ դատարանի կողմից ուղարկված ծանուցագիր է ստացել: Իր գործով առաջին դատական նիստը տեղի կունենա մայիսի 10–ին, սակայն կան մարդիկ, ովքեր արդեն իսկ դատարանի կողմից մեղավոր են ճանաչվել և պարտավոր են վճարել նախկինում վճարված գումարը:
Հովհաննիսյանի խոսքով, այսօր փորձելու են հանդիպել կառավարության ներկայացուցիչների հետ. «Դիմել ենք, ասել են կմոտենան մեզ: Պահանջում ենք ճշմարտության բացահայտում, որպեսզի մեզ հանիրավի չմեղադրեն մեր պարտականությունները չկատարելու և մարդկանց գումարը չվճարելու համար»:
Աշտարակից մայրաքաղաք հասած Հովհաննիսյանի «պարտքը» կազմում է 770 հազար դրամ: Քանի որ չկա անդորրագիր, օրինական կարգով չի լինում ապացուցել, որ վճարումը կատարված է: Իսկ «Աշտարակ–կաթ»–ի նախկին սեփականատերը փորձում է օրենքի ուժով այդ նույն գումարը կրկին գանձել: Եվ սա այն դեպքում, որ մինչ այդ ոչ մի խնդիր չի եղել, իսկ անձամբ Հովհաննիսյանն այս ընկերության հետ համագործակցել է դրա գործունեությունը ծավալելու առաջին իսկ օրերից:
Հովհաննիսյանը հիմա էլ համագործակցում է «Աշտարակ–կաթ»–ի հետ, բայց արդեն նոր սեփականատիրոջ՝ «Պարգև» ՍՊԸ–ի հետ: Հարցին, թե ինչո՞վ կարող է պայմանավորված լինել ընկերության նախկին ղեկավարների նման քայլը, զրուցակիցս պատասխանեց, թե իրենք դիտավորյալ ընկերությունը տարել են սնանկացման և սա իրենց ծրագրի մի մասն է կազմում:
Շարունակությունը՝ «Փաստ» օրաթերթի այսօրվա համարում
IDBank supports the Opening Event of Wizz Air’s “Let’s Get Lost” Campaign
The Power of One Dram to ‘’Vahe Meliksetyan’’ Foundation
EIB Group and Ameriabank strengthen support for Armenian businesses through EU-backed guarantee
Unibank was a partner of the international forum “Yerevan Dialogue”
Grant Akopian has been elected to the AmCham Board
Ucom and SunChild Continue Joint Initiatives for a Greener Future
“Cannot deliver your package”. IDBank warns about fake messages from ‘’HayPost’’
AraratBank Supports Another Successful Entry into the Capital Market
Unibank provided cashback to more than 2 000 reliable SME borrowers
