Իշխանությունն առաջին իսկ հնարավորության դեպքում դավաճանում է իր աջակիցներին. Չալաբյան
«Իշխանությունը փորձում է օրինականացնել հարուստների կողմից փողով իրենց երեխաներին բանակից ազատելու պրակտիկան»:
«ԱՐԱՐ» հիմնադրամի համահիմնադիր, հասարակական-քաղաքական գործիչ Ավետիք Չալաբյանն է այս արձանագրումն արել ֆեյսբուքյան իր էջում։
Ըստ Չալաբյանի՝ երկրում գործող պարտվողական վարչակարգը շարունակում է մեր պետության անվտանգային համակարգի փուլային կազմաքանդման իր տարաբնույթ գործողությունները։
24 միլիոն դրամով զինվորական ծառայությունից ազատվելու խայտառակ օրինագիծը, նրա գնահատմամբ, հարուստների կողմից փողով իրենց երեխաներին զինվորական ծառայությունից ազատելու ամոթալի պրակտիկայի օրինականացման բազմաթիվ դրվագներից մեկն է։
Նախկինում, հանդիպելով հասարակության կոշտ դիմադրությանը, վարչակարգը ստիպված է եղել ընկրկել։
«Այս անգամ, երևի, իրենք համարում են, որ հասարակության ողնաշարն արդեն կոտրել են և կարող են վերջնականապես օրինականացնել այն, ինչ իրենց շրջապատի «հարուստ դասալիքների» վաղնջական երազանքն է։ Հատկանշական է, որ այս վարչակարգը իշխանության է եկել առաջին հերթին հասարակության համեմատաբար չունևոր խավերի աջակցությամբ, նրանց սոցիալական արդարություն խոստանալով, բայց առաջին իսկ հնարավորության դեպքում դավաճանում է իր աջակիցներին և աճուրդի է հանում յուրաքանչյուրի սահմանադրական պարտականությունը 24 մլն դրամի դիմաց՝ դրանով հասարակությունը բաժանելով «առաջին» և «երկրորդ» սորտի քաղաքացիների և խորացնելով նրանց միջև անջրպետը և հասարակական բևեռացումը»,- նկատում է «ԱՐԱՐ» հիմնադրամի համահիմնադիրը։
Այս արձանագրումը չափազանց կարևոր է, քանի որ Չալաբյանը, ի տարբերություն բանակի և Արցախի հետ օրգանական կապ չունեցող վարչախմբի, բազմաթիվ նախաձեռնություններ է իրականացրել պաշտպանական ոլորտում, այժմ էլ շարունակում է հնարավորինս աջակցել, և ո՞վ, եթե ոչ նա, լավ է պատկերացնում մեր երկրի առջև ծառացած հիմնախնդիրները։
Արման Ներսիսյան
Այսօր Գագիկ Ծառուկյանի մայրիկի` Ռոզա Ծառուկյանի տարեդարձն է
Բարձրագույն դատական խորհրդի նախագահի պարտականությունները կկատարի Կարեն Թումանյանը․ որոշում
«Ռուսաստան-Հայաստան» հասարակական երկրորդ ֆորումին ընդառաջ հանդիպեցի հայ և ռուս երիտասարդների հետ․ Մ...
Փարաքարի համայնքապետը հրաժարական է ներկայացրել
Դեպի երազանք. «Երաժշտություն հանուն ապագայի» հիմնադրամի բացառիկ առաջարկը՝ երաժիշտներին և դասավանդողն...
Բացառիկ հարթակ՝ զբոսաշրջության ոլորտի համար. «Փաստ»
«Բոլոր անձինք, որոնք պատրաստ են ծառայելու Նիկոլին, պետք է կարևոր փաստ հասկանան՝ ընդամենը գործիք են, ...
Արգիշտի Քյարամյանը ևս ազատման դիմում է գրել, շուտով այդ մասին պաշտոնապես կհայտարարվի
Ucom-ի 5G ցանցը գործարկվել է 11 նոր քաղաքներում
«Կարիերայի նոր հնարավորություններ և հեռանկարներ» խորագրով կարիերայի տոնավաճառ արցախցիների համար
