Հացի շուկան խոշորացույցի տակ. «Փաստ»
«Փաստ» օրաթերթը գրում է.
Հաց և հացամթերք արտադրող տնտեսվարողներն արդեն գիտեն, որ մոտ ապագայում այլևս չեն կարողանալու իրեց կողմից արտադրված հացը բանանի կամ կոշիկի տուփերով խանութներ առաքել: Սննդամթերքի անվտանգության պետական ծառայությունը նրանց տեղեկացրել է նաև, որ այսուհետ հացն արտադրելուց հետո հարկավոր է այն նաև մակնշել ու փաթեթավորել, իսկ 2017 թ. հունվարի 2–ից ուժի մեջ մտած ԵԱՏՄ տեխնիկական կանոնակարգերի համաձայն՝ հացը նույնպես պետք է համապատասխանության հայտարարագրում ունենա:
ՍԱՊԾ–ն տնտեսվարողներին տեղեկացրել է նաև, որ առաջիկայում կսահմանվեն, թե սննդամթերք տեղափոխող փոխադրամիջոցների բեռնարկղերին ինչ չափորոշիչների պետք է բավարարեն և փաթեթավորումն ինչ նյութերով պետք է իրականացվի: Օրենքով պահանջներ կդրվեն նաև հաց առաքող անձանց մասով: Տնտեսվարողներն արդեն գիտեն նաև, որ շուտով հացի ու հացամթերքի արտադրության համար անհրաժեշտ հումք և օժանդակ նյութեր՝ խմորիչներ, բարելավիչներ, սննդային հավելումներ և այլ բաղադրիչներ ձեռք բերելիս պետք է իրենց մոտ դրանց անվտանգությունը հավաստող փաստաթուղթ էլ ունենան:
ՍԱՊԾ պետի մամուլի քարտուղար Նվարդ Առաքելյանը «Փաստին» տեղեկացրեց, որ կառույցի կողմից կազմակերպած իրազեկման աշխատանքներն այս պահին մոտենում են ավարտին, սակայն դժվարացավ ասել, թե սպառողը երբ կկարողանա պատշաճ մակնշված և փաթեթավորված հաց գնել խանութից:
«Ծառայությունն արդեն տևական ժամանակ է այդ ուղղությամբ իրազեկման աշխատանքներ է իրականացնում: Բոլորիս համար հասկանալի է, որ խնդիրը հասարակության լայն շերտերի է առնչվում, բայց անցումը պետք է կատարվի սահուն, տնտեսվարողին մաքսիմալ տեղեկացնելով և ժամանակ տալով, որպեսզի խնդիրը կարգավորվի»,– ասաց ՍԱՊԾ պետի մամուլի քարտուղար Նվարդ Առաքելյանը:
Առաջին հերթին խոշորացույցի տակ կհայտնվեն ամենառիսկայինը համարվող հաց–հացամթերքի և թարմ մսի շուկաները, որի ժամանակացույցը կհաստատվի առաջիկայում: Դրանից բացի կլուծվի նաև ոլորտի պահանջներին վերաբերող իրավական կարգավորումների հարցը:
Պարզ է, որ օրենքը ուժի մեջ մտնելուց հետո հաց արտադրողները ստիպված կլինեն լրացուցիչ ներդրումներ կատարել: Իսկ հետագայում չի բացառվում, որ այդ ծախսերը հետ բերելու համար հացն ավելի թանկ գնով սկսեն վաճառել: Ն. Առաքելյանն այս առիթով նշեց, որ թեև ՍԱՊԾ–ն հացի գնի վերահսկման ֆունկցիա չունի, սակայն նախկինի փորձը ցույց է տալիս, որ բարեխիղճ տնտեսվարողները հիմնականում նման քայլերի չեն գնում: Ընդհակառակը, ամեն ինչ անում են, որպեսզի սպառողը չտուժի:
«Մեր գնահատականով պետք է, որ այն գնային մեծ տատանում չառաջացնի, իսկ մնացածը հետագայում կերևա: Բայց փորձը ցույց է տալիս, որ եթե տնտեսվարողները գերշահույթ ստանալու հետևից չեն ընկնում, ապա նման ներդրումների պատճառով ապրանքի գնի առանձնապես մեծ տատանում չի լինում: Բայց մենք նաև հնարավորություն ենք տալիս, որ փոփոխություններն աստիճանաբար կատարվեն, որպեսզի այդ ծախսերի պատճառով տնտեսվարողների մոտ լարվածություն չառաջանա»,– ասաց Ն. Առաքելյանը:
Փաստորեն, հույս կա, որ ընդամենը մեկ–երկու ամիս անց, սպառողն արդեն կտեսնի, թե ինչպես է հացն ու միսը գրագետ տեղափոխվում, բայց դրա հետևանքով ի՞նչ գնային դեֆորմացիաներ կլինեն, պարզ կդառնա առաջիկայում:
Շարունակությունը` «Փաստ» օրաթերթի այսօրվա համարում:
Միգրանտներ եվրոպական ապագայի դիմաց. ի՞նչ գին է պատրաստ վճարել Հայաստանը
Ես Երևանում եմ, բայց Բաքվում մեր հայրենակիցներն ամբողջությամբ մեկուսացված են. Գագիկ Ծառուկյան
Զանգեզուր համայնքում նկատվել է ընձառյուծ, որին կոչել են Աղասի անվամբ
«Հայ Վիրտուոզներ» ծրագրի պատանի երաժիշտները ելույթ ունեցան COP17-ին
Վեգա ընկերությունը COP17-ի մասնակից
Բելառուսն արգելել է Լատվիայից մի շարք ապրանքների ներմուծումը
Պայմանագրային զինծառայող Սերգեյ Հովհաննիսյանը նույնպես ազատվել է աշխատանքից իր հոր՝ «Ուժեղ Հայաստան...
Միակն այս դիմակայության պատմության մեջ․ Ինտերը՝ Մխիթարյանի և Շախտյորի դեմ հատուկ խաղի մասին
Գազամատակարարման պլանային դադարեցումներ կլինեն Երևանում և մարզերում
2027 թ.-ի հունվարի 1-ից առողջության ապահովագրությանը կարող եք միացնել նաև ձեր հարազատներին. որքա՞ն պ...
