Ասյա Խաչատրյան.այնքան հուսահատ էի, որ ուզում էի գնալ Ոստիկանության կենտրոնական բաժին և ասել, որ այսպիսի բան է տեղի ունեցել.իսկ Իսագուլյանի հայտարարությունը կարդալով՝ ծիծաղեցի ու անցա

«Երբ կարդացի Գառնիկ Իսագուլյանի հայտարարությունը՝ ծիծաղեցի ու անցա, բացարձակ լուրջ չվերաբերվեցի, բայց քանի-որ այս քայլը բավականին լուրջ է ընդունվել և մի քանի լուրջ լրատվականներ ինձ արդեն դիմել են այս հարցով, ուզում եմ հայտարարել, որ ես Բաքվում, առավել ևս՝ Ադրբեջանի տարածքում, երբեք չեմ եղել և ապացույցներ եմ պահանջում, որովհետև ինքը (նկատի ունի Գառնիկ Իսագուլյանին) իմ արժանապատվության հետ է խաղացել», - նշեց Ասյան և հավելեց, որ Իսագուլյանը փաստորեն իրեն ազգի դավաճան և ստախոս է համարում:

«Փաստորեն, ինքն ինձ հանում է սուտ, ազգի դավաճան: Ես էլ, ոնց որ թե, այդքան էլ նման չեմ ազգի դավաճանի: Եկեք ամեն մեկս տեր կանգնենք մեր բառերին: Անգամ եթե նման բան է եղել, ուրեմն ես հպարտանում եմ ինձանով՝ ամեն մեկին չէր հաջողվի մի քանի անգամ գնալ Բաքու, հետ վերադառնալ, հետո գնալ Արցախ ու մեկ ամիս բնակություն հաստատել այնտեղ, անգամ աշխատանքի ընդունվել», - նշեց Ասյան՝ անդրադառնալով Գառնիկ Իսագուլյանի հայտարարությանը, թե Ասյա Խաչատրյանը մի քանի անգամ եղել է Բաքվում:

Ասյայի խոսքով, այս ամենն արդեն շատ ծիծաղելի է և միևնույն ժամանակ, նյարդայնացնող:

«Ցինիզմն էլ պետք է չափ ու սահման ունենա: Կլինի՞, որ մենք հասկանա՞նք, որ ես ժողովրդի դեմ ոչինչ չունեմ: Կլինի՞ հասկանանք, որ ես չեմ ուզում պառակտում մտցնել, սեպ խրել, չեմ ուզում մարդիկ իրար ատեն, ես հայաստանցի ղարաբաղցի տարբերություն չեմ դնում: Այս դեպքը եթե լիներ, օրինակ՝ Գորիսում կամ Գյումրիում, անգամ Էջմիածնում, ես միևնույնն է պայքարելու էի իմ իրավունքների համար», - նշեց Ասյան:

Զրույցի վերջում, Ասյան խնդրեց, որպեսզի չաղավաղեն իր բառերը:

«Ես հստակ նշում եմ, որ ես ոչ թե պատրաստ եմ հարաբերություններ ունենալ բոլոր ազգերի հետ, այլ ազգային տարբերություններ չեմ դնում: Ինձ համար մարդը մարդ է: Մարդիկ չեն որոշում՝ որտեղ պետք է ծնվեն, ես չեմ որոշել, որ պետք է այստեղ ծնվեի: Մարդիկ ծնվում են անկախ ամեն ինչից: Այսինքն՝ ես ուրախ եմ, որ ես ծնվել եմ Հայաստանում, որովհետև ես իրոք սիրում եմ այս ամեն ինչը, բայց եթե ես ծնվեի Թուրքիայում կամ Հնդկաստանում, դա իմ ընտրությունը չէր լինի», - նշեց նա:

Անդրադառնալով բուն դեպքին, Ասյան նշեց, որ եթե ինքը որևէ օրենքի խախտում թույլ տված լիներ, ապա ազատության մեջ չէր լինի:

«Ես չեմ հասկանում՝ ինչո՞ւ պետք է ստեմ: Ո՞րն է իմ օգուտը: Վստահեցնում եմ՝ գրանտ չեմ ստանում, այդքան պարապ չեմ մնացել, ինքնափիառի կարիք չունեմ: Արցախի բիլիարդ ակումբներից մեկում ես աշխատում էի որպես մատուցող: Երևանում ևս աշխատում եմ որպես մատուցող, իսկ երբեմն սուրդոթարգմանիչ», - նշեց Ասյան:

Ասյան՝ օգտվելով առիթից, հորդորեց դեպքով հետաքրքրված ու տարատեսակ մեկնաբանություններով հանդես եկող անձանց անպատասխանատու հայտարարություններ չանել:

Անդրադառնալով հարցին, թե ինչու տևական ժամանակ անց խոսվեց ու քննարկվեց Ստեփանակերտում իր հետ կատարվածը, Ասյան ասաց. «Երբ ես արդեն Երևանում էի, ստատուս գրեցի: Փորձում էի ֆեյսբուքյան տիրույթից գտնել ինչ-որ մարդկանց՝ փաստաբաններ, լրագրողներ և այլն, որոնք կօգնեն ինձ: Բավականին երկար ժամանակ ես չգիտեի՝ ինչից կարելի է սկսել: Ինձ Ստեփանակերտից մի փաստաբան արձագանքեց, օգնեց: Ես իրեն պատմեցի դեպքի մանրամասները: Նա դիմումն օրինական ձևով շարադրեց ուղարկեց ինձ: Ես հետո ունեցա բավականին լուրջ առողջական խնդիրներ, երկու շաբաթ պառկած էի Էրեբունի բժշկական կենտրոնում», - նշեց Ասյան և հավելեց, որ մեղադրելուց առաջ պետք է հիշել, որ ոչ ոք իրեն օգնության ձեռք այդ պահին չի մեկնել:

«Ես ընթացակարգը չգիտեի, այնքան հուսահատ էի, որ ուզում էի գնալ Ոստիկանության կենտրոնական բաժին և ասել, որ այսպիսի բան է տեղի ունեցել», - իր ապրումները պատմեց Ասյան:

Նա նշեց, որ շնորհակալ է բոլոր այն մարդկանց, առանց խտրականության, ովքեր իրեն այս հարցում աջակցել են և հավելեց, որ այսօրվա կազմակերպվող երթի հետ կապ չունի:

«Ես այսօր նախապատրաստվող երթի հետ կապ չունեմ, բայց շնորհակալ եմ մարդկանց, որ աջակցում են ինձ իմ խնդիրների լուծման հարցում», - նշեց Ասյան:

Այս թեմայով Ես նրա նման չեմ ու ոչ էլ նրա նման փչացած կդառնամ.Շանել Սյուզիի նոր սկանդալային հայտարարությունը «Իմ ֆիգուրան Քիմից գեղեցիկ է․ ով չի տեսել, թող տեսնի ու զարմանա»․ Շանել Սյուզիի նոր հայտարարությունը (photo) ԱԱԾ–ի հայտարարության հետքերով. «Փաստ» Ուսուցիչների և իբրև «լավ կանանց» դիմակի տակ են թաքնված իսկական փչացածները. Էլեն Ասատրյանի սենսացիոն հայտարարությունը ուղղված ...