Էրդողանը թիկնապահներին փրկելու համար փորձում է կասեցնել Ռուսաստանի առաջխաղացումը. «Փաստ»

«Փաստ» օրաթերթը գրում է.

Ինչպես արդեն հայտնի է, Վաշինգտոնի դաշնային դատախազները հանել են Թուրքիայի նախագահ Էրդողանի անվտանգության 15 աշխատակիցներից 11–ի նկատմամբ առաջադրված մեղադրանքները, ովքեր մեղադրվում էին 2017 թվականի մայիսին խաղաղ ցուցարարների, այդ թվում և հայերի դեմ բռնություն կիրառելու մեջ:

Այս քայլը թուրքագետ Հակոբ Չաքրյանի կարծիքով ԱՄՆ–Թուրքիա հերթական առևտրի հետևանք է, քանի որ թուրքական զորքերի կողմից սիրիական Աֆրին քաղաքի գրավումից առաջ ԱՄՆ նախկին պետքարտուղարը մեկնել էր Թուրքիա՝ երեք հանձնաժողով ձևավորելու համար:

«Հանձնաժողովներից մեկը պետք է Սիրիայի հարցերով զբաղվեր, մյուսը՝ Մենբիչի, երրորդը՝ Աֆրինի: Եվ ըստ երևույթին փոխհամաձայնության են եկել և չի բացառվում, որ ամերիկացիները համաձայնել են Մենբիչի հարցում նույնպես զիջել Թուրքիային, որպեսզի հետագայում կարողանան թուրքական կողմին որոշ քայլեր պարտադրել, իսկ նախկին առևտուրը ոչ միայն չի հասել նախկին մակարդակին, այլև չի հասնի, քանի որ Թուրքիան Արևմուտքի և ԱՄՆ–ի կողմից իրականացվող ճնշումները փորձում էր թուլացնել Ռուսաստանի հետ հարաբերությունների մերձեցմամբ»,– ասաց Հ. Չաքրյանը:

Եվ այն, որ ԱՄՆ–ը և Արևմուտքը Քրդական պետություն հիմնելու հարցում Թուրքիային դիտարկում էին որպես խոչընդոտ, այլևս մնացել է անցյալում, քանի որ փաստորեն թուրքերը կարողացել են համոզել, թե իրենց երկրի անվտանգության նկատառումներից ելնելով է Թուրքիան նման ագրեսիայի դիմում:

«Վերջին՝ Աֆրինի դեպքերից հետո Թուրքիան դադարեցրել է Ռուսաստանի հետ մերձեցման քաղաքականությունը, ինչը խոսում է այն մասին, որ Թուրքիա–Արևմուտք սակարկությունները որոշակի արդյունքի են հանգեցրել: Եվ ի վերջո, պետք չէ մոռանալ, որ նրանք վաղեմի դաշնակիցներ են և, որքան էլ նրանց հարաբերությունները սրվեն, այնուամենայնիվ, նրանց շահերը համընկնում են»,– ասաց թուրքագետը:

Հ. Չաքրյանը նշեց նաև, որ առաջին անգամը չէ, որ թուրքիայի նախագահի անվտանգության աշխատակիցները հարձակվում են մարդկանց վրա և ծեծի ենթարկում նրանց: Նման վարքագիծ նրանք դրսևորել են նաև լատինաամերիկյան և աֆրիկյան երկներ կատարած այցելությունների ժամանակ: Եվ այդ ամենն իմանալով՝ առաջին հերթին Միացյալ Նահանգների ոստիկանությունը չպետք է թույլ տար, որ նման բռնություն իրականացվի:

«Այս պահին դժվար է ասել, թե ամերիկացիները Թուրքիայի որ խոստման դիմաց են համաձայնել նրա թիկնապահներին առաջադրված մեղադրանքները հանել: Իրականում, այս պահին տեսանելի է, որ Թուրքիան Սիրիայի հյուսիս–արևմուտքում ձևավորում է իր վերահսկողության տակ գտնվող տարածք, ինչը նշանակում է, որ Թուրքիան փորձում է կասեցնել Իրանի հետագա առաջխաղացումը դեպի Սիրիա՝ դրանով իսկ սանձելով Ռուսաստանի ազդեցության հետագա տարածումը այդ երկրում»,– ասաց Հ. Չաքրյանը:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»