Մասնավոր օդանավեր, թանկարժեք զարդեր. ռուսաստանցի օլիգարխի դստեր շքեղ կյանքը, որը չի ցանկանում Մոսկվա վերադառնալ (Ֆոտոշարք)

Ռուսաստանցի օլիգարխ, «Группы Альянс»-ի նախագահ Մուսա Բաժաեւի դստեր՝ Էլինայի հետ կապված սկանդալը նոր զարգացումներ է ստանում: Օրերս Էլինան, որը Մոնտե Կառլոյում իր հարսանիքին ներկայացել էր 20 մլն ռուբլի արժողությամբ զգեստով, հայտարարել էր, որ մտադիր չէ Ռուսաստան վերադառնալ:

Ուսանողուհին ամուսնու հետ հարսանեկան ճամփորդության է մեկնել ԱՄՆ, իսկ սոցիալական ցանցում օգտատերերից մեկի հարցին՝ «Որտե՞ղ է ավելի լավ, ԱՄՆ-ում, թե՞ Ռուսաստանում», Էլինան բավական կտրուկ պատասխանել էր. «Ամենուր ավելի լավ է, քան Ռուսաստանում»:

Իհարկե՝ դրանից հետո աղջիկը ներողություն էր խնդրել եւ փորձել էր արդարանալ, բայց արդեն ուշ էր, լրատվամիջոցներն իրենց գործն արել էին:

Life-ը պարզել է, թե որքան «վատ» կյանք է ունեցել Ռուսաստանում միլիարդատիրոջ դուստրը:

Հանուն հոր ծննդյան տարեդարձի, որը վերջերս 50 տարեկան է դարձել, 22-ամյա Էլինան Փարիզ է մեկնել՝ լիբանանցի դիզայներ Զուհաիր Մուրադից զգեստ գնելու:

Նա ընտրել է գարնանային Haute Couture հավաքածուից արքայադստեր զգեստ՝ շուրջ 3 մլն ռուբլի արժողությամբ: Իսկ ավելի վաղ նույն խանութում Էլինան երկնագույն զգեստ է գնել քրոջ՝ Մարիամի հարսանիքի համար:

Չեչեն գործարար Ալիխան Մամակաեւի որդու հետ պսակադրության համար նույնպես Էլինան, ինչպես եւ Մարիամը, հարսանեկան զգեստը Զուհաիր Մուրադից է գնել:

Մուսա Բաժաեւի կրտսեր դուստրն առանձնահատուկ թուլություն ունի թանկարժեք զարդերի նկատմամբ: Ամեն օր Էլինայի ձեռքերը միջինը 15 մլն ռուբլի են զարդարում. աղջիկը վերջերս միանգամից մի քանի Cartier ապարանջան է կրել: Love եւ Juste Un Clou հավաքածուից մաքրամաքուր ադամանդներով զարդերից յուրաքանչյուրն ավելի քան 4 մլն ռուբլի արժե: Դրանց Էլինան ավելացնում է ավելի պակաս թանկարժեք զարդերով նույն հավաքածուներից:

Cartier-ի կողքին Բաժաեւայի ձեռքին տեղ է զբաղեցրել նաեւ Van Cleef and Arpels ապարանջանը՝ 400 հազար ռուբլի արժողությամբ: Rolex Green Submariner ժամացույցին Էլինան ավելացնում է ամբողջ մատը ծածկող Stephen Webster սպիտակ ոսկուց մատանի՝ ադամանդներով պատված, որը 1.5 մլն ռուբլի արժեք:

Էլինա Բաժաեւայի խոսքով՝ աշխարհում լավագույն շոփինգը կարելի է անել Լազուրե Ափին եւ Փարիզում: Հենց այնտեղ է միլիարդատիրոջ ժառանգորդուհին ամեն սեզոնին թարմացնում զգեստապահարանը: Էլինան ստիպված չի լինում հերթ կանգնել Hermes հազվագյուտ պայուսակների համար: Հազիվ տեսնելով Էլինային կամ նրա մորը՝ Լուիզային, Rue de Sèvres փողոցում գտնվող խանութի աշխատակիցները ժպտում եւ պահեստից դուրս են բերում ամենաթանկ՝ Birkin եւ Kelly մոդելները:

Երիտասարդ Բաժաեւան նախընտրում է արքայադուստր Գրեյս Քելլիի պատվին կոչված պայուսակը, որը 1 մլն ռուբլի արժե:

Աղջկա հսկայական զգեստապահարանում շուրջ մեկ տասնյակ Fendi Peecaboo պայուսակներ կան՝ յուրաքանչյուրը 200 հազար ռուբլի արժողությամբ, իսկ համալսարան նա հաճախում է Valentino-ից եւ Chanel-ից աքսեսուարներով:

Էլինային ՄՄՀՊԻ (МГИМО) դասերի է գնացել Mercedes S-class-ով. Բաժաեւան միջազգային ժուռնալիստիկայի ֆակուլտետում բակալավրի դիպլոմ է ստացել: Մինչեւ բուհի մուտքի դուռը նրան թիկնապահ է ուղեկցել: Գեղեցկուհի չեչենուհուն նա ուղեկցել է նաեւ ռեստորաններում, կինոյում, այգում զբոսանքի ժամանակ: Թիկնապահներից Էլինան ազատվել է միայն Սարդինիայի Forte Village հյուրանոցում, որը պատկանում է Մուսա Բաժաեւին:

Հսկայական տարածքն անվտանգության ծառայության բազմաթիվ աշխատակիցներ են հսկում, իսկ հյուրանոցում հյուրերին արգելված է լուսանկարել՝ ազդեցիկ հյուրերին եւ նրանց երեխաներին չանհանգստացնելու համար: Էլինան հանգստի է մեկնել հունիսի 1-ին, ընտանեկան ինքնաթիռով, վերադարձել՝ սեպտեմբերի 1-ին: Երբ խիստ հայրը դստերն արգելել է հեռանալ Մերձմոսկվայի առանձնատնից, անհապաղ մատնահարդարման կարիք ունեցող Էլինան վարպետներին տուն է կանչել՝ ծառայության համար վճարելով 20 հազար ռուբլի:

Մուսա Բաժաեւայի դուստրը Մոսկվայի ամենաթանկ՝ Aldo Coppola գեղեցկության սրահի մշտական հաճախորդն էր: Ամուսնանալուց հետո Էլինան հեռացել է չսիրած Մոսկվայից, ճամփորդում է Միացյալ Նահանգներով ու տեղեկացնում. «Ամենուր ավելի լավ է, քան Ռուսաստանում»:

Այս թեմայով Շատ շուտով ձեր կողքին կլինեմ․ Արթուր Ասատրյանը իր մերձավորների հետ վերադառնում է Հայաստան Վայքում երեք տղաներ, տեսնելով կնոջը սեռական հարաբերություն ունենալու պահին, պահանջել են, որ իրենց ևս «սպասարկի» Օրվա կադր. Կրթության նախարարը մետրոյով տուն է գնում Ես գալիս եմ այս պաշտոնին ունենալով հստակ պատկերացումներ. Առողջապահության նախարարը կոչով դիմել է հանրությանը (տեսանյութ) «Եթե զուգարանում թուղթ չլինի, քո դեմքով եմ սրբվելու». երիտասարդը ինտերնետ ակումբում դանակով հարձակվել է աշխատողի վրա