Քաղաքաշինության ներկան և զարգացման հեռանկարները․ Երևանում կայացել է Կառուցապատողների հայկական ասոցիացիայի աշխատաժողովը
Հայաստանում քաղաքաշինության զարգացման հեռանկարները, կառուցապատման ոլորտի օրենսդրական կարգավորումները և ներդրումային միջավայրի բարելավման հնարավորությունները մեկ քննարկման հարթակում։ Հոկտեմբերի 9-ին Կառուցապատողների հայկական ասոցիացիայի նախաձեռնությամբ Երևանում անցկացվել է «Քաղաքաշինության ներկան և զարգացման հեռանկարները» խորագրով աշխատաժողովը։
Միջոցառումը համախմբել է պետական կառավարման մարմինների բարձրաստիճան պաշտոնյաների, կառուցապատող ընկերությունների ղեկավարների, գործարարների և ոլորտի մասնագետների։ Հանդիպման գլխավոր նպատակը պետության և մասնավոր հատվածի համագործակցությամբ քաղաքաշինության զարգացման երկարաժամկետ առաջնահերթությունների նախանշումն էր։
Աշխատաժողովը բացել է Կառուցապատողների հայկական ասոցիացիայի նախագահ Գուրգեն Գրիգորյանը։ Նա ներկայացրել է պետական կառույցների հետ ասոցիացիայի համագործակցության շրջանակում մեկնարկած նախաձեռնությունները, ինչպես նաև ոլորտի առջև ծառացած խնդիրների լուծման ուղղությամբ իրականացվող աշխատանքները։
Աշխատաժողովին մասնակցել են ՀՀ էկոնոմիկայի նախարար Գևորգ Պապոյանը, Քաղաքաշինության կոմիտեի նախագահ Եղիազար Վարդանյանը, Պետական եկամուտների կոմիտեի նախագահ Էդուարդ Հակոբյանը և պետական կառավարման այլ մարմինների ներկայացուցիչներ։
Պաշտոնական ելույթների համար նախատեսված հատվածում ուշադրության կենտրոնում էին կառուցապատման ոլորտի զարգացման պետական առաջնահերթությունները, գործող կարգավորումները և պետական ու մասնավոր հատվածների համագործակցության հնարավորությունները։
Աշխատաժողովի առանցքային հատվածներից մեկը Կառուցապատողների հայկական ասոցիացիայի և անդամ կազմակերպությունների կողմից առաջ քաշվող օրենսդրական և գործնական նախաձեռնությունների ներկայացումն էր։
Կառուցապատողների հայկական ասոցիացիայի նախաձեռնած աշխատաժողովը նպատակ ուներ ստեղծելու մասնագիտական երկխոսության հարթակ, որտեղ ոլորտի խնդիրները քննարկվում են ոչ միայն դրանց հետևանքների, այլև լուծման կոնկրետ մեխանիզմների տեսանկյունից։
Միջոցառումն ամփոփել է ասոցիացիայի նախագահ Գուրգեն Գրիգորյանը։ Պաշտոնական հատվածին հաջորդել են մասնագիտական շփումներն ու ներկայացված նախաձեռնությունների շուրջ քննարկումները։
Մանրամասները՝ տեսանյութում.
Իշխող ուժն իր առաջնորդի օրինակով շարունակում է գործել քաղաքացիների շահերին հակառակ
Առաջնորդներն են համախմբում ժողովրդին, ոչ թե ժողովուրդը՝ առաջնորդներին. Մհեր Ավետիսյան
Ես շատ հպարտ եմ իմ տղեքով, իրանց ցավը տանեմ․ Եղիշե Մելիքյան
Սպանվել է Բրիտանիայի թագավորական ընտանիքի բժիշկը․ The Sun
Նիկոլն ու ՔՊ-ն հրաժարվում են մեր ժողովրդի բազմաշերտ ու հարուստ պատմությունից․ Արտակ Զաքարյան
Մենք շարունակելու ենք պայքարել փոփոխությունների համար. Ուժեղ Հայաստան
Չեխիան կոչ է արել Եվրոպային գումարն ուղղել Ուկրաինայի վերականգնմանը, այլ ոչ թե պատերազմին
Հայաստանին պետք է միասնական ուժ՝ հակառուսական օրակարգը կանխելու համար․ Մհեր Ավետիսյան
Հրդեհ Հրազդան քաղաքում․ հրշեջ-փրկարարներին հաջողվել է կանխել կրակի տարածումը
Կարևոր հանդիպում Ստրասբուրգում. 1,3 մլն հայաստանցի կարողանալու է ավելի քիչ վճարել դեղերի համար «Փաստ...
