Գլխավոր Թոփ լուրեր Լրահոս Վիդեո Թրենդ

Վենուսում Մարտի 8-ին ընդառաջ գործում են մեծ զեղչերՔաղաքական իրավուքների հայկական կենտրոն (ՔԻՀԿ) իրավապաշտպան ՀԿ-ի հայտարարությունը Գարիկ Գալեյանի վերաբերյալ Քաղբանտարկյալների լուսանկարները՝ ավտոբուսների վրաՇոլցն ասել է, որ Կիևին Taurus հրթիռների մատակարարումները կարող են Գերմանիային ներքաշել հակամարտության մեջ Սահմանապահ զորքերն առանց ռազմաբազայի չեն մնա Հայաստանում․ Արշակ Կարապետյան Զելենսկին հայտնել է, որ Ուկրաինան և Ֆրանսիան բանակցում են Mirage 2000 կործանիչների մատակարարման շուրջ Միջերկրական ծովում սկսվել են ՆԱՏՕ խոշոր զորավարժություններՀայտնաբերվել է որպես անհետ կորած որոնվող տղամարդու դիակը Մեդալների հարուստ ավարով. մարզիկների պատասխանատու մրցմանը մասնակցությունը հովանավորել էր Զանգեզուրի պղնձամոլիբդենային կոմբինատը Օքսֆորդի գիտնականները բարձրացնում են արևային վահանակների արդյունավետությունը Ռումբի ահազանգ՝ Արաբկիրից. դեպքի վայր է ժամանել ՀՀ ոստիկանապետը ՀԱՊԿ կանոնադրությունը չի նախատեսում «սառեցված անդամակցություն» կարգավիճակ. Երևանի դիրքորոշումը պետք է հստակեցվի. Պեսկով Փաշինյանական հերթական ավանտյուրան Ռուսական զգուշացում՝ Լուկաշենկոյի բերանով «Նախրից ճակատ պաչելու» նուրբ արվեստը Այս՝ թունավոր սնկի պես աճող խմբակը վաղուց վերածվել է հակահայկական աղանդի. Մեսրոպ Առաքելյան Սպասվում են թույլ տեղումներ, օդի ջերմաստիճանը կնվազի, ապա կբարձրանա Հայաստանը նորանոր արհավիրքների է բախվելու. Արշակ Կարապետյան Բելառուսում չեն աջակցի Ռուսաստանի Դաշնության հետ միավորմանը. ԼուկաշենկոՆԳՆ-ն զգուշացնում է խուճապի չմատնվել 1 զոհ, 2 վիրավոր. վթար Արտավազ գյուղումՀԱՕԿ նախագահն ընդունել է Հայաստանին փառք ու պատիվ բերած մարզիկներինԱրտառոց դեպք՝ Վանաձորի բանտում․ դատապարտյալը նախ կարել է շուրթերը, ապա գնդասեղով միացրել իրար Ջուր չի լինի մի շարք հասցեներում Նիկոլը տարածաշրջանային ցլամարտի ձևաչափը դարձնում է 2+1՝ Ադրբեջան, Թուրքիա + Ռուսաստան. hերթում Իրանն է. Վահե Հովհաննիսյան Փրկե՛լ, պաշտպանե՛լ, զարգացնե՛լ Հայաստան-Ռուսաստան ՌազմաՔաղաքական Դաշինքն ու Հայ-Ռուսական Եղբայրությունը և այն միշտ պահպանել աչքի լույսի պես. Խաչիկ Ասրյան16-ամյա պատանին դանակով խփել էր համադասարանցու կրծքավանդակին Զելենսկին առաջին անգամ հրապարակել է Ուկրաինայի զոհերի թիվը Սա է այն քաղցկեղը, որը քայքայում է երկիրը, եվ դրա պատճառը երկրի կառավարման կուսակցական, թայֆայական մոդելն է. Հրայր Կամենդատյան Գազայում Իսրայելի ավիահարվածի հետևանքով կիրակի երեկոյան առնվազն 10 խաղաղ բնակիչ է զոհվել Ռեալը սեփական հարկի տակ հաղթեց Սևիլիային Դոլարի, եվրոյի, ռուբլու փոխարժեքն՝ այսօր Օրը տհաճ անակնկալներ կմատուցի. փետրվարի 26-ի աստղագուշակԱրդյո՞ք մենք մտածել ենք վճարունակ քաղաքացի ստեղծելու մասին. Նաիրի ՍարգսյանՄաղթում եմ, որ հայոց եռագույնը մշտապես ծածանվի աշխարհի ամենահեղինակավոր մրցահարթակների առաջին հորիզոնականներում. Գագիկ Ծառուկյան Հարկահավաքությունը ՀՀ֊ում պետք է դրված լինի արժեքային հենքի վրա. Արամ Մանուկյան«Ժամանակներ, բարքեր». Ո՞վ է մեր դաշնակիցը Իտալիա. 2023 թվականին արևային և քամու էներգիայի ռեկորդային արտադրություն Մտահոգիչ եմ համարում հայտրարությունը կապված Ուկրաինական պատերազմի հետ․ նմանատիպ հայտարարությունները կարող են անդառնալի հետևանքներ ունենալ․ Արտավազդ Ալավերդյան«ԶՊՄԿ» ՓԲԸ կայուն զարգացման գծով տնօրեն Արմեն Ստեփանյանը հյուրընկալել էր Կապանի քիքբոքսինգի «Սյունիք» ակումբի սաներին Ադրբեջանի ԶՈՒ ստորաբաժանումները կրակ են բացել Վերին Շորժայի հատվածում տեղակայված հայկական դիրքերի ուղղությամբ․ ՊՆ Լեհաստանում ակտիվիստները գոմաղբ են թափել ՌԴ դեսպանի վիլլայի դիմաց ՀԱՊԿ ԽՎ-ից միայն ՀՀ ներկայացուցիչները որպես դիտորդ ներկա չեն Բելառուսի ընտրություններին Ադրբեջանի ԶՈւ հատուկ նշանակության ջոկատները հերթական զորավարժություններն են անցկացրել «Հաղթելու ենք»․ Զելենսկին տեսաուղերձ է հրապարակել Մահացել է երգիչ Համլետ Գևորգյանի հայրըԻրանի Հորմոզգան նահանգում 4,8 մագնիտուդով երկրաշարժ է տեղի ունեցելԱրևմտյան առաջնորդները ժամանել են Կիև Ուկրաինայի անդամակցությունը ՆԱՏՕ-ին ոչ թե «եթե»-ի, այլ «երբ»-ի հարց է. Ստոլտենբերգ Ֆերմերները ներխուժել են Փարիզի գյուղատնտեսական տոնավաճառ՝ պահանջելով Մակրոնի հրաժարականը
Քաղաքականություն

Արցախում դիմադրության օջախները ճնշելու շարունակական փորձեր ու սցենարներ․ «Փաստ»

«Փաստ» օրաթերթը գրում է

Ադրբեջանի կողմից Արցախի տոտալ շրջափակումը շարունակվում է, ու Ադրբեջանը ժամանակի ընթացքում ավելի է մեծացնելու ճնշումը։ Բնականաբար, Բաքուն դրա միջոցով նպատակ ունի իր կամքը պարտադրել Արցախին ու աստիճանաբար կոտրել արցախցիների ոգին։ Պարզ է, որ իրավիճակի կրիտիկական լինելու արդյունքում հակառակորդին դիմագրավելուց ավելի արցախցիներին ոչ մի այլ հարց չպետք է հուզի, քանի որ Արցախում գործող պետականությունն ուղիղ վտանգի տակ է։ Իսկ այս պայմաններում նախաձեռնված հավաքները պետք է միտված լինեն արցախցիների կամքն ու վճռականությունը ցույց տալուն։ Դրա համար էլ Արցախի ինքնորոշման իրավունքի կողմնակից քաղաքական ուժերը նախաձեռնեցին հավաքներ, որոնցում էլ արտահայտվեց արցախցիների վճռականությունը, որ իրենք կտրականապես դեմ են Ադրբեջանի հետ ինտեգրմանը։

Մայիսի 9-ին Ստեփանակերտի Վերածննդի հրապարակում տեղի ունեցած «Ո՛չ Արցախի էթնիկ զտմանը» խորագրով հանրահավաքը, որի ժամանակ մի հարկի տակ հավաքվեցին բոլոր հայրենասեր ուժերը, բովանդակային առումով իր մեջ կրում էր պայքարի շարունակականության ու չհանձնվելու ուղերձը։ Բայց ինքնորոշման իրավունքի սկզբունքը մինչև վերջ պաշտպանելու կողմնակից ուժերի ակտիվացումը անմիջապես անհանգստություն առաջ բերեց ՀՀ իշխանությունների շրջանում։ Ու նրանք Արցախում իրենց մասնաճյուղերի միջոցով փորձեցին արագորեն որոշակի քաղաքական գործընթացներ նախաձեռնել։ Իսկ այդ գործընթացները նախատեսում են նաև ՀՀ իշխանությունների ազդեցությունը կրող ու քաղաքական առումով ենթակա անձանց ներդրում Արցախի իշխանական համակարգում։

Պատահական չէ, որ դեռևս օրեր առաջ էին տեղեկություններ շրջանառվում, որ մայիսի 15-ին հանրահավաք նախաձեռնելով՝ Սամվել Բաբայանը Արցախի իշխանությունների առաջ իրեն պետնախարարի պաշտոնում նշանակելու պահանջ է դնելու։ Եվ հենց այդպես էլ տեղի ունեցավ, օրերս Ստեփանակերտում «Միասնական հայրենիք» կուսակցության նախագահ Բաբայանի կազմակերպած ոչ բազմամարդ հանրահավաքի ընթացքում Արցախի իշխանությունների առաջ դրվեց նրան պետնախարարի պաշտոնում նշանակելու պահանջը։ Այդուհանդերձ, տեղեկություններ կան, որ այս ամենը նաև Արցախի իշխանությունների հետ պայմանավորված գործընթաց է։ Իսկ սցենարը պարզ էր. Սամվել Բաբայանը հանրահավաք է նախաձեռնում, հետո միանգամից դրան արձագանքում են Արցախի իշխանությունները, իսկ հետո սկսվում են «քաղաքական կոնսուլտացիաները»։ Դե, ինչպես և եղավ: Մասնավորաբար, Արցախի ԱԺ նախագահ Արթուր Թովմասյանը Բաբայանի կազմակերպած հավաքի ժամանակ հայտարարեց, թե քաղաքական կոնսուլտացիաներ է սկսում։

Իսկ Արցախի նախագահի պաշտոնը զբաղեցնող Արայիկ Հարությունյանն, առանց նույնիսկ նկատի ունենալու Բաբայանի կազմակերպած հավաքի մասնակիցների փոքրաթիվ լինելու հանգամանքը, իսկույն արձագանքեց, թե հաշվի առնելով հավաքի մասնակիցների հայտարարությունը՝ որոշել է ընդառաջ քայլ կատարել և քննարկումներ ու խորհրդակցություններ կազմակերպել նրանց կողմից ներկայացված առաջարկների ու ծրագրերի շուրջ: Քչերն են կասկածում, որ, ի վերջո, լինելու է այնպես, ինչպես թելադրում են ՀՀ իշխանությունները։ Բայց այստեղ ամենակարևոր հարցն այն է, թե ինչ հարցեր են լուծում այդպիսով ու ինչու են այսքան շտապում:

Առաջին խնդիրը, որ ՀՀ իշխանությունները փորձում են լուծել, Արցախում դիմադրության օջախները ճնշելն է և Արցախը Ադրբեջանին հանձնելու՝ իրենց որդեգրած քաղաքական գծի խոչընդոտները նվազեցնելը: Այլ կերպ ասած, ՀՀ իշխանությունները փորձում են օգտագործել Արցախում ունեցած իրենց ազդեցությունը Ադրբեջանին գոհացնելու և գլուխ բարձրացնող դիմադրությունը թուլացնելու համար։ Բայց, ինչպես երևում է Արցախում տարբեր ընդդիմադիր ուժերի՝ Ռուբեն Վարդանյանի, «Արդարություն» կուսակցության, Դաշնակցության և տարբեր այլ անհատների ու քաղաքական գործիչների հայտարարություններից և մոտեցումներից, նրանք չեն պատրաստվում ընկրկել։ Ավելին, Արցախի ընդդիմադիր ուժերի ներկայացուցիչները նախատեսում են համախմբվել միասնական օրակարգի շուրջ ու Արցախի անվտանգության և զարգացման ճակատ ձևավորել։ Եվ ամենաուրախալին այն է, որ այստեղ բավական մեծ թիվ են կազմում երիտասարդները...

ԱՐԹՈՒՐ ԿԱՐԱՊԵՏՅԱՆ

Մանրամասները՝ «Փաստ» օրաթերթի այսօրվա համարում