Ի՞նչ անել անքնության դեպքում

Newsarm.live-ը գրում է.

Կյանքի ընթացքում շատերը բախվում են անքնության խնդրին: Վերջերս, պատճառների շարքում առաջին տեղը զբաղեցնում է քնի ռեժիմի խախտումը, որը տարեցտարի խորանում է: Նյութը վերցրել ենք «Радио Spunik»-ից:

-Պատկերացրեք՝ խոշոր քաղաքներում մարդկանց գրեթե կեսն ապրում է քնի ռեժիմի խախտումներով: Աշխատանքային օրերին մարդն արթնանում է, ենթադրենք, առավոտյան ժամը վեցին, իսկ երեկոյան ժամը տասներկուսին պառկում քնելու, այսինքն՝ քունը չի առնում: Ուրբաթ օրը նա զբոսնում է ընկերների հետ, պառկում քնելու ժամը 1-2-ին, ապա արթնանում կեսօրին... Եվ այսպես ամսվա մեջ չորս անգամ,- գրել է Ռուսաստանի սոմնոլոգների միության նախագահ Ռոման Բուզունովը:

-...Ամենաօպտիմալը, որը մտնում է անքնության կոգնիտիվ-վարքային թերապիայի մեջ, դա ոչ թե առանց քնի պառկելը, այլ, հնարավորության դեպքում, այլ սենյակ գնալը և ինչ-որ ձանձրալի բանով զբաղվելն է՝ անհետաքրքիր գիրք կարդալը, գլուխկոտրուկ հավաքելը: Միակ բանը, որը չարժե անել, գաջեթներով զբաղվելն է, ներառյալ՝ հեռուստացույցը և համակարգիչը: Հոգնածության նշանների ի հայտ գալուն պես՝ պետք է պառկել և փորձել քնել,- խորհուրդ է տվել Քնի բժշկության կենտրոնի սոմնոլոգ Եկատերինա Չերնիշևան:

Նյութը հրապարակման պատրաստեց Լիլիթ Ամիրաղյանը