Գյուտեր, որոնք տեսել են երազում

Բացի հանրահայտ Մենդելեևից, որ պարբերականության աղյուսակը տեսել էր երազում, կան բազմաթիվ գյուտեր, հայտնագործություններ, մեկնություններ, որ նույնպես կատարվել են կամ հուշվել են քնած ժամանակ:

Հայոց գրերի արարող Մեսրոպ Մաշտոցը պնդում էր, որ մեր այբուբենը հրեշտակն է իրեն ցույց տվել քնած ժամանակ:

Մի անգամ Դեկարտը երազում բաց գիրք տեսավ: Երազում Ոգին համոզում էր, որ նրան վիճակված է ապացուցելու, որ մաթեմատիկական սկզբունքները խիստ կարևոր են բնության ճանաչման գործում և կարաղ են մեծապես օգտակար լինել:

Գերմանացի քիմիկոս Ֆրիդրիխ Կուկուլեն երազում օձ տեսավ, որ փորձում էր կծել էր պոչը: Այդ երազից հետո Կուկուլեն հայտնագործեց բենզոլի մոլեկուլի կառուցվածքը:

Իսկ ֆրանսիացի մաթեմատիկոս, ֆիզիկոս և փիլիսոփա Անրի Պուանկարեն շատ բանաձևեր ու նորարարական գաղափարներ ձեռք է բերել երազում: Այդ մասին նա ունի բազմաթիվ հիշատակություններ:

Ֆրիդրիխ Բուրդախին երազում հուշեցին արյան շրջանառության գաղափարը:

Նոբելյան մրցանակակիր Օտտո Լեվին երազում տեսավ սրտի իմպուլսների նյարդային փոխանցումները:

Նիլս Բորի հիշողություններում նշված է, որ նա երազում տեսել է ատոմի կառուցվածքը՝ ատոմի միջուկը Արեգակնային համակարգն էր այդ երազում, իսկ էլեկտրոնները՝ մոլորակները:

Ֆրեդերիկ Բանտինգի երազը, որ նա տեսավ փորձերի ընդմիջման ժամանակ, օգնեց հայտնագործելու ինսուլինը:

Հնդկիկ մեծ մաթեմատիկոս Սրինավասա Ռամանուդջանը պնդում էր, որ իր բոլոր հայտնագործությունները նա ստացել է աստվածուհի Նամագիրիից, որը Լակշմիի վերակերպափոխումներից էր: Ընդ որում, երազում, աստվածուհին անձամբ է գրել հավասարումները:

Խորհրդային ավիակոնստրուկտոր Օլեգ Անտոնովը երազում տեսավ և արթնանալուց հետո էլ նկարեց «Անթեյ» հսկա ինքնաթիռի պոչամասը:

Էլիաս Հոուվը 1845 թ. հայտնագործեց կարի մեքենան: Մինչ այդ նա շատ չարչարվեց, չիմանալով ինչպես տեղադրի ասեղի ականջը, որ թելը դուրս գա գործվածքի հակառակ կողմից: Մի անգամ նա երազ տեսավ, որ իրեն շրջապատել է վայրենիների մի խումբ և սպառնում են նիզակներով: Այդ նիզակների ծայրակալների տակ նա անցք տեսավ:

Բարեհաջող արթնանալով մղձավանջային երազից, նա կարի մեքենայի ասեղի ականջը տեղադրեց սուր ծայրի տակ: Խնդիրը լուծված էր:

Երազում հանճարեղ մտքեր այցելում էին ոչ միայն գիտնականներին ու գյուտարարներին, այլևարվեստի ու մշակույթի գործիչներին:

Օրինակ. «Խելքից պատուհասի» սյուժեն Ալեքսանդր Գրիբոեդովը տեսել է երազում:

Ֆրասիացի գրող և բանաստեղծ Վիկտոր Հյուգոն երազներից է կորզել իր լավագույն բանաստեղծությունների շատ տողեր:

Նույնպես և իտալացի երգահան Ջուզեպպե Տարտինին: Նա իր ամենահայտնի «Սատանայի սոնատան» տեսել է երազում, իբր թե նրա հետ նվագակցում էր կամ ինչ որ չար ոգի, կամ ինքը սատանան:

Ժամանակակից հոգեբանները պնդում են, որ ամեն մարդ էլ կարող է տեսնել մարգարեական երազներ: Հարկավոր է միայն հմտություն, վառ երևակայություն և երկարատև ու քրտնաջան մարզում:

Հրապարակման պատրաստեց Armenia24.info-ն: