Կիանու Ռիվզն ու իր սիրելին՝ պապարացիների օբյեկտիվում

Կիանու Ռիվզն ու իր սիրելին՝ նկարչուհի Ալեքսանդրա Գրանտը, հայտնվել են լուսանկարիչների ուշադրության կենտրոնում՝ Նյու Յորքում զբոսնելիս։ Նրանք քայլում էին՝ ձեռք֊ձեռքի տված։ Զբոսանքից հետո զույգը գնացել է գնումների, իսկ հետո ճաշել ռեստորանում: Ալեքսանդրան զբոսանքի համար ընտրել է սև տոպ, վարդագույն տաբատ և մուգ գույնի կոշիկներ, իսկ Կիանու Ռիվզը՝ մուգ կապույտ կոստյում՝ սև շապիկով, և շագանակագույն երկարաճիտ կոշիկներ։

Կիանու Ռիվզը և Ալեքսանդրա Գրանտը հանդիպում են արդեն չորս տարի, բայց նրանք փորձում են իրենց հարաբերությունները հանրային չդարձնել և հազվադեպ են հայտնվում պապարացիների օբյեկտիվում:

Այս տարվա ապրիլին համացանցում լուրեր հայտնվեցին զույգի նշանադրության մասին՝ Կիանու Ռիվզին նկատել էին ոսկերչական խանութում, որտեղ նա մատանի էր ընտրում իր սիրելիի համար։

Ավելի ուշ նրանք միասին հայտնվեցին Լոս Անջելեսի ժամանակակից արվեստի թանգարանում։ Զույգը չի մեկնաբանել նշանադրության մասին լուրերը։