Շպռոտ.«Ուզում եմ երեխա ունենալ. թե ինչ ճանապարհներով, կարեւոր չէ»

Շպռոտը 7 տարի Հայաստանում չլինելուց հետո այս ամիս վերջապես կարողացավ իրականացնել իր մեծ ցանկությունը եւ այցելել հայրենիք: Մինչ երգչուհին կմեկնի, BRAVO.am-ը հասցրել է զրուցել նրա հետ ամենակարեւորի մասին:

Անին նշել է, որ շատ էր կարոտել մայրիկին, իր քաղաքը, տունը, ընկերներին. «Ինքնաթիռից հենց Մասիսը տեսա, սկսեցի ձայնով լաց լինել: Կողքիս սփյուռքահայեր էին, ովքեր 17 տարի չէին եղել իրենց հայրենիքում, բայց իրենց պետքն էլ չէր: Երեւի արդեն օտարացել են»:

Հայրենիքը կարոտած երգչուհին Երեւանի փողոցներով շրջում է ընկերուհու՝ Սոնյայի հետ: Կարծում է' քաղաքը շատ է փոխվել, մարդիկ' նույնպես. նրանք սիրուն են ու ճաշակով հագնված.«Սրճարանների փակվելուց հետո էլ տուն գնալ չեմ ուզում, ասում եմ' մի քիչ էլ մնամ, կարոտս չեմ առնում: Ամեն երեկո Սարյանի սրճարաններում ուրցով թեյ եմ խմում, ամեն կումից հետո հոտ եմ քաշում բաժակից, թեյնիկից ու չեմ հագենում: Կուզեի գոնե մի քանի ամիս մնալ. դեռ բոլոր հարազատներիս չեմ հասցրել տեսնել»:

Սիրո մասին Անին հիասթափված չի խոսում.«Սերն այնքան լավ բան է. այն իր մեջ ունի երջանկություն էլ, ցավ էլ: Միշտ ապրել եմ այնպես, ինչպես սիրտս ուզել է, կարծում եմ` պարկեշտ կյանքով եմ ապրել, պարզապես հասարակությունը մարդուն իր հագած զգեստով է որակում: Հիմա երազում եմ ընտանիք ունենալ: Ուզում եմ երեխա ունենալ. թե ինչ ճանապարհներով, կարեւոր չէ: Տարիքս է այդպես ստիպում. քառասունին մոտ եմ արդեն: Ես առանց հայր եմ մեծացել, գիտեմ՝ դա ինչ է նշանակում. կուզեմ՝ երեխաս հայր ունենա, լիարժեք ընտանիք…»:

Նյութն ամբողջությամբ՝ սկզբնաղբյուր կայքում։