Ծանոթ ու միարժամանակ անհայտ … սպորտաձև ակվատլոն
Ակվատլոն սպորտաձևը ըմբշամարտ է ջրի մեջ և ջրի տակ: Անվանումը առաջացել է երկու բառից՝ aqua - ջուր, athlon - պայքար:
Իգոր Օստրովսկին է համարվում ակվատլոնի հիմնադիրը։ 1980-ական թվականներին նա աշխատել է Մոսկվայի տեխնոլոգիական ինստիտուտում որպես ֆիզիկական կուլտուրայի ուսուցիչ։ Օստրովսկին, լինելով պրոֆեսիոնալ ջրասուզակ, որոշում է համատեղել մենամարտի տեխնիկան ստորջրյա լողի հետ։ Երիտասարդներին դուր է եկել այդ նորամուծությունը և 1982 թվականի ապրիլին անց են կացվել առաջին մրցույթները։ 1984 թվականին Մոսկվայի տեխնոլոգիական համալսարանում բացվել է Ակվատլոն ակումբը։ Հետո կարևոր փոփոխություններ են տեղի ունեցել 1985 թվականին ԽՍՀՄ առաջնությունում: Բանն այն է, որ տեխնիկական պատճառներով չեն կարողացել թթվածնով լիցքավորել մասնակիցների ստորջրյա հանդերձանքը, կոմպրեսորն էր խափանվել։ Առաջարկվել է մրցույթն անցկացնել առանց ակվալանգների։ Հետագայում հաջորդ առաջնությունում ևս որոշել են չօգտագործել ակվալանգները որպես մարզիկների սարքավորումներ։ Արդյունքում Ակվատլոնը դարձել է ավելի մատչելի, կանայք և երեխաներն են սկսել զբաղվել դրանով: 1993 թվականին Մոսկվայում անց են կացվել առաջին միջազգային մրցույթները, որին Ռուսաստանի հավաքականից բացի մասնակցել են Ուկրաինայի և Իսրայելի թիմերը։ Իսկ 1996 թվականին ակվատլոնը համաշխարհային ճանաչում է ստացել, ստեղծվել է Ակվատլոնի միջազգային ասոցիացիան։ Հետո՝ 2002 թվականին Շչեկինո քաղաքն ընդունել է Եվրոպայի առաջին առաջնությունը։ 2008 թվականին ակվատլոնը դարձել է ստորջրյա սպորտի պաշտոնական առարկաներից մեկը։ 2009 թվականին Սանկտ Պետերբուրգում անց է կացվել աշխարհի առաջին առաջնությունը։
Հիմա ակվատլոնի երեք տարատեսակ կա՝ մարմնամարզական, սպորտային, մարտական: Մարմնամարզությունը ստորջրյա ակրոբատիկայի մրցույթ է։ Դրանք կարելի է իրականացվել նաև հատուկ սիմուլյատորների վրա:
Սպորտային ակվատլոնի ամենատարածված տեսակն է: Մրցում են երկու մարզիկներ: Նպատակը հակառակորդի ժապավենը խլելն է, որն ամրացված է ոտքի վրա կոճի հատվածում։
Մարտական ակվատլոնը առավել հաճախ օգտագործվում է փրկարարների պատրաստման համար: Բացի այդ, դրանով զբաղվում են հատուկ ջոկատային լողորդները։ Այս դեպքում մարզիկները պետք է կարողանան օգտագործել դանակ, հատուկ տեխնիկա, որով կարող են հակառակորդին վնաս հասցնել:
Նյութը հրապարակման պատրաստեց Կամո Խաչիկյանը
Հայաստանում գործում է դեղերի թանկացման մաֆիա. Հրայր Կամենդատյան
Փոքր բիզնեսի ազատագրում․ տնտեսական աճի հիմքը, որը կարող է փոխել խաղի կանոնները
8700 երեխաներ զրկվելու են իրենց բնակավայրում դպրոց հաճախելու հնարավորությունից․ Ատոմ Մխիթարյան
Հակամարտություն հավատքի շուրջ․ ինչ ուղերձ է տալիս իշխանությունը Եկեղեցուն
Այսօր «Համահայկական ճակատ» շարժման անդամները` ղեկավար Արսեն Վարդանյանի գլխավորությամբ, Ազգային ժողով...
Արցախի վերահայացումն անհերքելի իրավունք է՝ ազգային առաջնահերթություն, և դա փոխելն անհնար է. Աննա Կոս...
Ո՞վ է հրահանգել բողոքարկել Սանասարյանի արդարացման վճիռը
Պարզունակ, հնամաշ քարոզչական «հնարք». «Փաստ»
Փաշինյանը պատգամավորներին հանձնարարել է անցնել կոշտ հարձակման ընդդիմության դեմ
Մեր պետության քարտեզը հենց դուք եք անարգում՝ այն դարձնելով ձեզ համար քարոզչական գործիք. Էդմոն Մարուք...
