Ծանոթ ու միարժամանակ անհայտ… թեյի փաթեթիկ (տոպրակ)

Մոտ 100 տարի առաջ է սկսվել թեյի փաթեթիկի պատմությունը: Սկզբում թեյը փաթեթավորվում էր թիթեղյա տուփերում (ներկայումս էլ դեռևս կարելի է խանութների դարակաշարերին տեսնել նման փաթեթավորմամբ թեյեր): Թիթեղյա տուփերը  պաշտպանել են թեյը արևի լույսից, խոնավությունից և օդի հետ շփումից, որը կարող է վնասել այն: Սակայն Նյու Յորքցի գործարար Թոմաս Սալլիվանը 1904 թվականին որոշել է փոխել թեյի փաթեթավորումը, և սկսել է իր ապրանքը փաթեթավորել մետաքսյա տոպրակների մեջ: Իսկ հաճախորդները շփոթվելով  նման փաթեթավորման տեսքից, երբեմն առանց փաթեթը բացելու սկսել են այն գցել թեյի գավաթի մեջ ...Եվ ի զարմանս նրանց ստացվելիս է եղել բավականին հաճելի թեյ: Դրանից 15 տարի անց սկսվել է թեյի փաթեթիկների գործարանային արտադրությունը և խանութներում դրա վաճառքը:              

Երկրորդ համաշխարհային պատերազմի ժամանակ նման թեյը հազվագյուտ ըմպելիք է համարվել Միացյալ թագավորությունում, իսկ դրանից հետո արդեն նոր փաթեթիկներով թեյերի ներկրումը մեծ հաջողություն է ունեցել։ Այդ թեյի փաթեթիկները ներկայացվել են Լիփթոն ընկերության կողմից։ Սակայն այդքանով թեյի փաթեթիկների պատմությունը չի ավարտվել, անգամ կարելի է ասել այն նոր է սկսվել: Փաթեթիկների նյութն ու ձևը ինքնին շատ անգամներ է փոփոխվել: Ժամանակի ընթացքում թանկարժեք մետաքսը փոխարինվել է թանզիֆով, ինչը, սակայն, թեյին տվել է որոշակի փոքրիկ տհաճ համ: Այդ իսկ պատճառով շարունակվել են  փաթեթիկների համար նոր նյութեր գտնելու աշխատանքները, և վերջապես այն գտնվել է: Նոր նյութը, որը  հատուկ թուղթ է հորինել է ամերիկացի ինժեներ Ֆեյ Օսբորնը, որը աշխատել է թղթի գործարանում:

Ի սկզբանե այդ թղթի հիմքում ընկած է եղել մանիլական կանեփը, այնուհետև սկսվել են օգտագործվել վիսկոզան, որը հիանալիորեն ջրաթափանց է և միևնույն ժամանակ թրջվելիս չի կորցնում իր ամրությունը: Փոխվել են նաև փաթեթիկներ արտադրելու ձևերը , քանի որ նախկինում դրանք կտորից էին՝ ուղղակի կարվում էին, իսկ հիմա, երբ նրանք հատուկ բարակ թթղթից են՝ սկսվել է կիրառվել տաք մամլումը: Միևնույն ժամանակ, թեյի փաթեթիկներում համը դարձել է ավելի ընդգրկուն և թունդ, քան  սովորական տերևային թեյի դեպքում է: Այս փաստի առթիվ էլ հենց մարդկանց մոտ կասկածներ են ծագում առ այն, որ փաթեթիկներում բնական թեյ չէ, այլ պարզապես թեյի թափոններ, որոնք վեր են ածված նուրբ փոշու: Իրականում, տերևային թեյերից փաթեթիկներով թեյերը տարբերվում են միայն տերևի մանրացման աստիճանով:

Բացի դա սովորաբար փաթեթիկներով թեյերը պատրաստվում են թեյի հատուկ տեսակից՝ fannings-ից: Այդ թեյի տերևները չափերով ավելի մանր են քան ավանդական թեյի տերևները: Իսկ փաթեթիկներով թեյերի բույրը և գույնը ավելի ուժեղ է այն պատճառով, որ ինչքան մանրեցված է թեյը, այնքան արագ են եռացող ջրի մեջ անցնում թեյի տերևի միկրոտարրերը և որպես արդյունք  ստացվում է ավելի թունդ ու հագեցած ըմպելիք:

Նյութը հրապարակման պատրաստեց Կամո Խաչիկյանը

Oragir.live