Քիմ Քարդաշյանը հաստատել է Փիթ Դևիդսոնի հետ սիրավեպի վերաբերյալ շշուկները. Daily Mail

Ամերիկյան հեռուստաաստղ Քիմ Քարդաշյանը հաստատել է սիրավեպը երիտասարդ կատակերգու Փիթ Դևիդսոնի հետ, գրում է Daily Mail-ը:

Բարի Ուեյսին տված հարցազրույցում Քարդաշյանը, պատասխանելով հարցին առ այն, թե Saturday Night Live հումորային հեռուստաշոուի անձնակազմից ով է իր ամենասիրելի անդամը, ծիծաղել և ասել է, որ իրեն փորձում են անհարմար իրավիճակում դնել:

«Դուք գիտեք՝ ով է»,-հակիրճ ասել է 41-ամյա Քարդաշյանը, որին վերջին ամիսներին հաճախ են նկատում Դևիդսոնի հետ ժամադրության գնալիս:

Իսկ մինչ այդ ռեփեր Քանյե Ուեսթը փորձում է ամեն ինչ անել իրենից հեռացած կնոջը՝ Քիմ Քարդաշյանին, վերադարձնելու համար: Նա մի քանի անգամ հրապարակավ դիմել է Քարդաշյանին՝ խնդրելով իր մոտ վերադառնալ: Սակայն հաղորդվում է, որ Քարդաշյանը դիմել է դատարան՝ պաշտոնապես ամուսնալուծվելու համար: