«Մարդիկ մոռանում են, որ ես հայ եմ». Քիմ Քարդաշյանը պատասխանել է մշակութային յուրացման վերաբերյալ քննադատությանը

Ամերիկյան հեռուստաաստղ Քիմ Քարդաշյանն i-D Magazine ամսագրին տված հարցազրույցում անդրադարձել է իր հասցեին մշակութային յուրացման վերաբերյալ քննադատությանը՝ այդ համատեքստում հիշեցնելով հայկական արմատները, People ամսագիրը:

Նա ընդգծել է, որ «երբեք ոչինչ չի անի որևէ մշակույթ յուրացնելու համար», բայց միևնույն ժամանակ հասկանում է այն բացասական արձագանքը, որը ստացել է իր մազերը հյուսելու համար: Խոսքը թխամորթ բնակչության մշակույթի յուրացման մասին է. մանր հյուսքերը բնորոշ են հենց թխամորթներին:

«Անկեղծ ասած՝ շատ դեպքերում դա տեղի է ունենում դստերս (8-ամյա Նորթի) պատճառով, որը խնդրում է նույնանման սանրվածքներ անել։ Եվ ես նրա հետ նմանատիպ խոսակցություններ եմ ունեցել․ «Հեյ, գուցե, այս սանրվածքը քեզ ավելի շատ սազի, քան ինձ: Բայց ես նաև ուզում եմ, որ նա զգա, որ ես կարող եմ նրա հետ միանման սանրվածք անել, եթե նա դա իսկապես ուզում է: Բայց նաև Հայաստանում կա մազերը հյուսելու պատմություն, և մարդիկ մոռանում են, որ ես նաև հայ եմ»,- բացատրել է Քարդաշյանը։